Luka 8:35 - Kishambala New Testament 2005

³⁵ Wantu wazalawa, waolele viya vitendekevyo; wakiiza kwa Yesu wazamwona yuja muntu aukilweye ni ziya mpepo, aiikale he milundi ya Yesu, aikiγubike shuke, ni mtana lushe, ne wahoingilwa ni woγa.

Luka 8:35 ပူးပေါင်းရင်းမြစ်များ

Mateyo 4:24

Nguma yakwe izaγendesha, izagisa hata shi ngima ya Siliya. Wazamwiγaila Yesu woshe wehuma, wetoziγwa ni mahisho na manyonge mangi, wehuma mpepo, wena luzwili, hata wena pengene, azawahonya woshe.

Maliko 5:15

Wazamwizila Yesu, wazamwona yuja muntu, ndiye akihuma mpepo makulija, aiikale, aikiγubike shuke, ni mtana lushe, ne wahoingilwa ni woγa.

Luka 10:39

Yuja ana nduγuye mweitangwa Maliya; uyu azaikala he milundi ya Zumbe akiteγeleza mbuli yakwe.

Luka 15:17

Azakiuyiya ṅwenye angwe: Wandima wa tate wana nkande, ni nyingi, kangi ni wangi ivyoho! Lushe imi nafa sala kunu!

Luka 2:46

Mishi mitatu ikizinka, wazamwona vikiloi, aiikale gati kwa wafuzi akiwateγeleza, kangi akiuzanya nawo.

Luka 8:27

Akilawa kuja kwe chombo azakintana na muntu ywa muja kaya mwehuma mpepo, mishi mingi nkazwikile shuke, nkaikale kaya, aikala kwe mbila.

Luka 8:34

Walishi wakiviona viya viγosholekevyo wazanyilika, wazabilikila inu mbuli kuja kaya, hata kwe mizi tanga.

Ntuṅwa 22:3

Azawati: Imi ni mγoshi ywa Kiyuda, mvyelwe mwe muzi wa Taliso mwe shi ya Kilikiya, miya nikuziγwe mwe unu muzi he milundi ya Gamaliyeli, nizafuziγwa utanda woshe wa mulomongwa wa wahaha zetu, ne nikikihima kwa mbuli ya Mulungu, sa inywi nyoshe muvyoγoshola mpaka lelo.

1. Yohana 3:8

Mweγoshola uhuza aanduka kwa Satani, hambu uyu Satani abana nko kivoko koshe. Ne Ṅwanangwa ywa Mulungu alawilevyo, kangwe achakule ndima za Satani.