Luka 8:28 - Kishambala New Testament 2005

²⁸ Akimwona Yesu azakema na kanwa kikulu haṅwe na kumkinila angwe: Nina mbwai imi na iwe Yesu, ṅwana Mulungu mwe uko ulanga? Nakuhembeleza, ushenilumize!

Luka 8:28 ပူးပေါင်းရင်းမြစ်များ

Mateyo 8:29

Wazakema angwe: Tina mbwai ishwi na iwe, ṅwana Mulungu? Uzaiza na kunu, utilumize, mishi yetu ishizati ibule?

Luka 8:27

Akilawa kuja kwe chombo azakintana na muntu ywa muja kaya mwehuma mpepo, mishi mingi nkazwikile shuke, nkaikale kaya, aikala kwe mbila.

Luka 8:29

Hambu ailaγilize ija mpepo ye usaba, ilawe mwe yuja muntu. Hambu mishi mingi ne ikimgwila na kumγulusha, azashungwa na mpingu na magogolo, kangi azaγojiγwa, miya aakadwisha viya, akantiγwevyo navyo, azaγulushiγwa ni ija mpepo na mwe nyika.

Yakobo 2:19

Basi iwe watozesha kuti: Mulungu ni muṅwe; ni vitana; wakina Satani wohe watozesha ivyoho, kangi waukwa ni vizingizo.

2. Petelo 2:4

Hambu hata walau wabanilewo Mulungu nkatendile mbazi nawo, miya azawashindika kuzimu, waishungiγwe na mazolo ya lwiza, azawainkila, waikilwe mushi wa masa.

1. Yohana 3:8

Mweγoshola uhuza aanduka kwa Satani, hambu uyu Satani abana nko kivoko koshe. Ne Ṅwanangwa ywa Mulungu alawilevyo, kangwe achakule ndima za Satani.

Mfumbulo 20:10

Yuja ṅwenye leba, ndiye akiwaazaγanya, azatambikwa na mwe jiya ziwa ja moto wa vihilitibiliti, ija nyama na yuja mubilikizi ywa ulongo walimo, wataswilimiziγwa haho kilo na mushi kale na kale.