Luka 8:10 - Kishambala New Testament 2005

¹⁰ Azawati: Inywi mzafiiwa mbazi, mtaile vihili vya uzumbe wa Mulungu, miya watuhu wavilongwa kishimo, kangwe wakiviolela washeone bontokelo, wakiviiva washevitaile.

Luka 8:10 ပူးပေါင်းရင်းမြစ်များ

Mateyo 11:25

Mishi Yesu azalonga kuγamba: Nakulaviliza ntogolo, iwe Tate, Zumbe ywa lwingu na ywa shi, kuti izi mbuli watalizi na waviyuγo uzaziwafishila, miya uzazifumbwila wankebe.

Mateyo 16:17

Yesu azamwitikila angwe: Simoni, ṅwana Yohana, una nyemi! Hambu vye nyama na mpome nkavikufumbwile inu mbuli, ni Tate mweikala mwe lwingu.

Maliko 4:11

Azawati: Inywi mzafilwa mbazi, mtaile kihili cha uzumbe wa Mulungu, miya waja we uko se waγambilwa mbuli zoshe kishimo,

Maliko 4:12

kangwe waolele na mesho yawe, miya washeone, waive na mashikilo yawe, miya washetaile, kangwe washezahituka wakiushiliziγwa uhuza.

Yohana 12:40

Mesho yawe azayakoma, myoyo yawe azaitoγesha, kangwe washeone na mesho yawe, washetaile na myoyo yawe, wakihituka, nikiwahonya.

Waloma 16:25

Mulungu ne mwedaha kumishikiza kwa nguvu ya ubilikizi wedi wa Yesu Kilisito, niwobilikila, kwa kuti nizafumbwilwa viya vishivyolongwa kale hoshe,

1. Wakolinto 12:11

Miya ivi vyoshe mweviγoshola ni iyo mpehongwa ṅwenga, amupangila kila muntu, avyomfanyanyiza ṅwenye.

Wakolose 2:2

kangwe myoyo yawe ishangalaziγwe, igelwe nguvu na lukundisho, wamote uja uzuli woshe, muntu awona nawo akiγenyeza viyuγo, wataile icho kihili cha Mulungu na cha Kilisito.

1. Timoteyo 3:16

Woshe waivana kuγamba: Kihili kikulu cha waja wemwitika Mulungu shichi: kuna alawileye mwe ṅwili wa kimuntu, azalesiγwa kuti aha mpeho, kuti ni mtanda, azalawila walau, azahilikilwa kwa wamzimu, azaona wemtozesha kunu shi, azainulwa na mwe utana wakwe.