Luka 5:30 - Kishambala New Testament 2005

³⁰ Mafaliseyo na watabaluwangwa wazaṅuna, wazalonga wahina wakwe angwe: Nini mkija, mkinywa na wangelu na wahuza?

Luka 5:30 ပူးပေါင်းရင်းမြစ်များ

Mateyo 5:46

Hambu ati mwakunda waja wemikundisha, muna upokezi ani? Wangelu wohena nkawaγoshola ivyoho?

Mateyo 9:11

Mafaliseyo wakiviona wazawalonga wahina wakwe angwe: Nini mfuzi ywenyu akija na wangelu na wahuza?

Maliko 2:16

Watabaluwangwa wa Kifaliseyo wakiona, kuti aja na wangelu na wahuza, wazawalonga wahina wakwe angwe: Kumbe aja, anywa na wangelu na wahuza?

Maliko 7:3

Hambu Mafaliseyo na Wayuda woshe nkawaja, waishihakile mikono na kuichukula, ni kwa kuti watoza vitigo vya wakale.

Maliko 9:16

Azawauza: Mwuzanya mbwai nawo?

Luka 18:11

Yuja Faliseyo azaγoloka, azavika mwe moyo wakwe angwe: Mulungu, nakulaviliza ntogolo kuti: Sifanana na wantu watuhu, ati ni wampoko, ati ni watungulu, ali ni watesi, hata ni uyu mngelu.

Luka 19:7

Woshe wavienewo wazaṅuna angwe: Azafikila mwa muntu mhuza.

Luka 5:17

Mushi muṅwe akifuza, Mafaliseyo na wafuzi wa mulomongwa waiikale haho, wazalawa mwe mizi yoshe ya Galileya, hata ya Yudeya, hata Yelusalemu.

Luka 5:21

Waja watabaluwangwa na Mafaliseyo wazaandiila kufanyanya kuγamba: Uyu ni ndai akilonga na kumweza Mulungu?

Luka 7:34

ywa muntu azaiza, aaja, aanywa, lushe mwaγamba: Shuyu muntu mwejilisha na kunywelesha mvinyo! Wangelu na wahuza ni ṅwiyae ywawe!

Luka 7:39

Yuja Faliseyo amlalikeye akiviona azafanyanya mwe moyo wakwe kuγamba: Ati uyu ni mteγanyingwa, anga azataila, uyu mvyele mwemdowa alivyo, kuti ni mhuza ṅwenye.

Ntuṅwa 23:9

Kuzatulika vuzo kulu; watabaluwangwa wa jiya bumba ja Mafaliseyo wazainuka, wazaomana na weyae wawe angwe: Uyu muntu nkatimwona mbuli mbada; ati mpehongwa ao du mlau azalonga naye, nketidahe kumkeleza Mulungu nkani.