Luka 4:18 - Kishambala New Testament 2005

¹⁸ Mpeho ya Zumbe yaniikaiia, ne ilekileyo, akiniambwila mavula, kangwe nibilikile wakiwa nyem!; azanituma, niukwile washungiγwewo, kuti newashungwilwe, wafilewo mesho, kuti newaone, kangi ndashe, nizilohole,

Luka 4:18 ပူးပေါင်းရင်းမြစ်များ

Mateyo 11:5

Matuntu yaona, washiwodaha kuγenda waγenda, wakoma waushiγwa ukoma, washiwoiva waiva, wafilewo wafufulwa, wakiwa wabilikilwa nyemi; mwe nyemi ni ndiye asheihilwe ni miyo!

Mateyo 12:18

Shuyu ṅwanangu, nimshaγuleye! Shuyu mwombozi ywangu, mwetamila moyo wangu! Nezenimgele mpeho yangu, abilikile wamzimu, kuti wana masa.

Mateyo 12:20

Luguγu lutunyukelo nkealubindilize, vungo jena moto hadodo nkeajizimye, mpaka masa, ndiyo agwishe, yavote.

Mateyo 4:16

uko wantu weikala mwe lwiza waona langaila kulu, weikala mwe kizuli cha kifa langaila jawalawila.

Mateyo 5:3

We nyemi ni wakiwa wa kimpeho, hambu uzumbe wa lwingu ni wawe.

Luka 4:17

Azainkwa kitabu cha mteγanyi Yesaya; akikusula chiya kitabu azaona haja hantu hagondiγweho kuγamba:

Luka 6:20

Ṅwenye azainula mesho yakwe, azaolela wahina wakwe, azawati: We nyemi ni nywiyo wakiwa, hambu uzumbe wa Mulungu ni wenyu.

Luka 7:22

Azawalandula angwe: Hitai, mumwukwile Yohana muvyoona na muvyoiva: Matuntu yaona, washiwodaha kuγenda waγenda, wakoma waushiγwa ukoma, washiwoiva waiva, wafilewo wafufulwa, wakiwa wabilikilwa nyemi.

Yohana 1:41

Uyu akiandiila kumwona mkuluwe Simoni, amuti: Tizamwona Mesiya, ni kuγamba: Kilisito.

Yohana 12:46

Imi ni langaila, nizaiza mwe inu shi, kangwe kila mwenitozesha asheange mwe lwiza.

Yohana 3:34

Hambu yuja, Mulungu amtumileye, alonga mbuli za Mulungu, hambu nkainkila mpehongwa na kuihima.

Ntuṅwa 10:38

ni ija ya Yesu ywa Nazaleti; uyu Mulungu azamwambwila mpeho ṅazi na nguvu, azaanga na kufila wantu mbazi, azahonya woshe wavotiγwewo ni yuja ṅwenye leba, hambu Mulungu azaanga naye.

Ntuṅwa 26:18

uwaγubwile mesho, walawe kwe lwiza, wahituke na kwe langaila, walawe kwe ufuṅwa wa Satani, wahituke na kwa Mulungu, waushiliziγwe mahuza yawe, wohe wapangilwe kifu cha waṅazi, wakinitozesha.

Ntuṅwa 4:26

Wazumbe wa kunu shi waikazanya njama, wafuṅwa wakatozanya myoyo kwa mbuli ya Zumbe na ya Kilisito ywakwe.

Ntuṅwa 4:27

Hambu wazaunganana kweli mwe unu muzi kwa mbuli ya ṅwanawo mṅazi Yesu, ugimbikeye; Helode na Pontiyo Pilato, wamzimu na wa mbali ya Isilayeli wazaivana,

Wakolose 1:13

Kwa kuti azatikombola mwe ufuṅwa wa lwiza, azatituliza na mwe uzumbe wa ṅwanae, ayemkundisha.

Yakobo 2:5

Teγelezai, wanduγu wangu, niwokundisha! Waja wakiwa kunu shi Mulungu nkawazangile, waγaluke wazuli na kutozesha kwawe, kangi wapale uzumbe, awokunda kuinka waja wemkundisha? Miya inywi mzamubela mkiwa.

1. Petelo 2:9

Miya inywi mu chengo chishaγulwecho, mu wavikizi wa kizumbe, mu bumba ṅazi, mu mbalingwa yena ṅwenye, kangwe muhilikile viya vitana vya yuja, ndiye akimiitanga, mulawe mwe lwiza, mwingile mwe langaila jakwe jemasha.