Luka 24:44 - Kishambala New Testament 2005

⁴⁴ Azawati: Izi ne ziya mbuli, nimilongilezo nike kwenyu kuti: Shuti zibontoke mbuli zoshe zigondiγwezo za imi mwe mulomongwa wa Mose na mwe baluwa za wateγanyingwa na mwe mazumongwa.

Luka 24:44 ပူးပေါင်းရင်းမြစ်များ

Mateyo 1:22

Ivi vyoshe vizaγosholwa, kangwe iyo mbuli ilongiγweyo ni Zumbe na kanwa cha mteγanyi ibontoke, ija ya kuγamba:

Mateyo 16:21

Mishi ija Yesu Kilisito azaandiila kuonyesha wahina wakwe, kuti vyamtala kuhita Yelusalemu, alumiziγwe vikulu ni waγolokezi na wavikizi wakulu na watabaluwangwa, mpaka akoṅwe, afufuke mushi wa ntatu.

Mateyo 26:54

Miya baluwangwa zitabontoka vivihi? Shuti zibontoke iviho.

Mateyo 26:56

Ivi vyoshe vizaγosholwa, kangwe vibontoke viya, wateγanyingwa wagondilevyo. Haja wahina woshe wazamwasha, wazanyilika.

Maliko 9:31

Hambu azawafuza wahina wakwe, azawati: Ṅwanangwa ywa muntu neainkilwe mwe mikono ya wantu, akoṅwe; miya akibinda kukoṅwa, mishi mitatu ikizinka, neafufuke.

Luka 21:22

We tanga washeuye na muja! Hambu mishi ija ni mishi ya mlaho, vibontoke vyoshe vigondiγwevyo.

Luka 22:37

Hambu namiti: Viya vigondiγwevyo shuti vinibontokele, viya vya kuγamba: Azatalwa mwe wahambanyi; hambu mbuli yenitala yabontoka.

Luka 24:46

azawati: Ivyoho ne vigondiγwevyo, kangi ivyoho vizamtala Kilisito kulumiziγwa na kufufuka mushi wa ntatu kwa wafilewo,

Luka 9:22

Azawati: Ṅwanangwa ywa muntu vyamtala, alumiziγwe vikulu, abentwe ni waγolokezi na wavikizi wakulu na watabaluwangwa, mpaka akoṅwe, afufuke mushi wa ntatu.

Luka 9:44

Gelai izi mbuli mwe mashikilo yenyu! Hambu ṅwanangwa ywa muntu aunga kuinkilwa mwe mikono ya wantu.

Yohana 3:14

Sa Mose akwezizevyo nyoka mwe nyika, ṅwanangwa ywa muntu yohe nezeakweziγwe sa viyaho,

Yohana 5:39

Londezai mwe vitabungwa! Hambu inywi wenye mwafanyanya, kuti nkalamo muna nayo muja, kangi viya ne vyenilongela uwona.

Yohana 5:46

Hambu ati mwamtozesha Mose, mwanganitozesha nami, hambu azagonda mbuli yangu.

Ntuṅwa 13:33

Mulungu azachibontwela wana wenyu aho akimfufula Yesu, sa vigondiγwevyo mwe zumo ja mbili kuγamba: Iwe u ṅwanangu, imi nizakuvyala lelo.

Ntuṅwa 13:40

Lushe olelai, viya vilongiγwevyo ni mteγanyi vishezamiizila,

Ntuṅwa 2:27

Hambu nkuasha mpeho zangu kuzimu, nkuleka, yuja uyemkundisha akibanika.

Ntuṅwa 3:18

Mulungu azabontola viya, abilikilavyo aho kale na vyanwa vya wateγanyi woshe, kuti Kilisito ywakwe nezealumiziγwe.

Ntuṅwa 7:37

Uyu Mose ne alongileye wana Isilayeli kuti: Mulungu nezeamifufwile mwe wanduγu wenyu mubilikizi mweinga sa imi.

Waebuleyo 10:1

Mulomongwa ufanana, viya ni kizuli cha viya vitana, ndivyo vilawile, kangi viya ṅwenyeṅwenye siwo, utafanana du navyo; ṅombe za mviko, wazokaiγala kila vuli, ni zizo kale na kale, kangi nkazidaha kuzifya waja weiza nazo.

Waebuleyo 3:5

Kweli Mose azakoolela na chengo chakwe choshe, kuti ni mupuna; ne avyolonga uwona wa viya, ndivyo vilongwe.

Waebuleyo 7:1

Uyu Melikisedeki ne ai zumbe ywa Salemu, kangi mvikizi ywa Mulungu mwe uko ulanga; azamsingila Abulahamu, akiγotoka kwe nkondo ya wazumbe, azamhongeza.

Waebuleyo 9:8

Ivyoho Mpeho mṅazi ationyesha kuti: Sila yetiiγala haṅazi nkaizati itulwe mishi ija, kukeγoloke jiya hema ja bosi.

1. Petelo 1:11

wazaulonda, wazaudosa, wakifanyanya, ati ni mishi ihi ija, mpeho ya Kilisito wayona nayo iyoteγanya, ikiwaonyesha kale milumilwe yemtala Kilisito na utana woshe wetongela.

Mfumbulo 19:10

Nizamkinila he milundi yakwe, kangwe nimvike, miya azaniti: Leka ivyoho! Iwe na wanduγu wako watozeshewo uwona wa Yesu imi ni mupuna ṅwenyu. Mvike Mulungu! Hambu uwona wa Yesu ni mpehongwa ya uteγanyi.