Luka 24:19 - Kishambala New Testament 2005

¹⁹ Angwe ndiwo: Viya vya Yesu ywa Nazaleti; yuja ne ai mteγanyingwa, miγoshwele na milongele yakwe ne iina nguvu kwa Mulungu na kwa wantu.

Luka 24:19 ပူးပေါင်းရင်းမြစ်များ

Mateyo 21:11

Miya wantu wazalonga: Uyu ni mteγanyi Yesu mweanduka Nazaleti ya Galileya.

Maliko 1:24

azainula kanwa angwe: Tina mbwai, ishwi na iwe, Yesu ywa Nazaleti? Uzaiza kwa tibinda! Takutaila kuti: U ngatiyani, kuti: U mṅazi ywa Mulungu.

Luka 24:18

Muṅwe mweitangwa Kiliyofa azamuti: Iwe u mγeni ike muja Yelusalemu, ukishetaila viya viγosholekevyo muja mishi inu? Azawati: Vihi?

Luka 7:16

Woγa uzawaingila waja woshe, wazamtogola Mulungu wakiγamba: Mteγanyi mkulu azalawila kwetu, Mulungu azaolela mbali yakwe.

Yohana 3:2

Uyu azahita kwa Yesu na kilo, azamuti: Mfuzi, tataila kuti: Iwe u mfuzi ulawileye kwa Mulungu; hambu nkakuna mwedaha kuγoshola ziya ntangilo, uzoγoshola iwe, ati nkaanga na Mulungu.

Yohana 4:19

Angwe ni yuja mvyele: Zumbe, naona, kuti u mteγanyingwa.

Yohana 6:14

Wantu wakiona lwitangilo, aγosholeio, wazaγamba: Kweli uyu ni mteγanyingwa mweunga kuiza mwe inu shi.

Yohana 7:52

Wazamlandula angwe: Kumbe iwe nawe u Mgalileya? Dosa baluwangwa, neuone kuti: Galileya nkakulawa mteγanyingwa!

Ntuṅwa 10:38

ni ija ya Yesu ywa Nazaleti; uyu Mulungu azamwambwila mpeho ṅazi na nguvu, azaanga na kufila wantu mbazi, azahonya woshe wavotiγwewo ni yuja ṅwenye leba, hambu Mulungu azaanga naye.

Ntuṅwa 2:22

ivai izi mbuli: Yesu ywa Nazaleti azatailikana kwenyu, kuti aanduka kwa Mulungu, kwa viya vye nguvu na viya vilozo na viya vimaka, aγosholevyo, kangi ni Mulungu ṅwenye aviγosholeye naye he mesho yenyu, sa muvyotaila wenye.

Ntuṅwa 7:22

Mose azafuziγwa utalizi woshe wa Kiegiputa, milongele yakwe na miγoshwele yakwe izatenda nguvu.