Luka 23:5 - Kishambala New Testament 2005

⁵ Miya waja wazalongesha angwe: Atunya wantu akifuza mwe shi ngima ya Wayuda; aandiile Galileya, mpaka akiiza na kunu.

Luka 23:5 ပူးပေါင်းရင်းမြစ်များ

Mateyo 11:1

Yesu akibinda kulaγiliza waja wahina wakwe kumi na waili ivyoho, azahauka, akafuze na kubilikila mwe mizi yawe.

Mateyo 2:1

Yesu akibinda kuvyalwa Betelehemu mwe shi ya Yudeya mishi ya zumbe Helode, ne Yelusalemu kuhoiza watalizi wa ntondwe walawilewo mwe shi ya lwazu lwelawa zuwa.

Mateyo 27:24

Pilato akiona, kuti nkawavota, kuti vuzo jitaisiiza du, azaγuwa mazi, azahaka mikono, wantu woshe waiolele, angwe: Mwe aya masa ya mpome ya uyu muntu simo, yamanyei inywi wenye!

Mateyo 4:23

Azaanga mwe shi ngima ya Galileya akifuza mwe vikilo na kubilikila ulau wedi wa uzumbengwa na kuhonya mahisho na manyonge yoshe yena wantu.

Maliko 1:14

Yohana akibinda kuinkilwa, Yesu azahita Galileya, azabilikila ulau wedi wa uzumbe wa Mulungu angwe:

Luka 11:53

Akilawa kuja, watabaluwangwa na Mafaliseyo wazaandiila kumupisha na kumlosa na mbuli nyingi na kumnyatila,

Luka 23:23

Miya wazaisiiza kumupisha na kutula vuzo jingi wakimhembeleza, yuja akontelwe mwe muti, mikemele yawe na ya wavikizi wakulu izaisiiza.

Luka 23:6

Pilato akiviiva azauza, ati ni muntu ywa Galileya.

Yohana 1:43

Keloi jakwe Yesu akikunda kuhalawa, ahite Galileya, azamwona Filipo, azamuti: Nitongela!

Yohana 19:15

Waja wazakema angwe: Mwushe! Mwushe, umkontele mwe muti! Pilato awati: Nimkontele zumbe ywenyu mwe muti? Wavikizi wakulu wazalandula: Nkatina zumbe kushima Kaiza.

Yohana 2:11

Ichi ni chandilo cha ntangilo, Yesu aγosholecho kuja Kana ya Galileya na kuonyesha, utana wakwe ulivyo; wahina wakwe wazamtozesha.

Yohana 7:41

Watuhu wazaγamba: Uyu ndiye Kilisito; watuhu wazaγamba: Kumbe Kilisito aanduka Galileya?

Yohana 7:52

Wazamlandula angwe: Kumbe iwe nawe u Mgalileya? Dosa baluwangwa, neuone kuti: Galileya nkakulawa mteγanyingwa!

Ntuṅwa 10:37

Inywi mwataila, iyo mbuli igisizeyo shi ngima ya Yudeya izaandiila Galileya, izatongela uja ubatizi, Yohana abilikilewo,

Ntuṅwa 23:10

Nkumbizi zikiisa kuγenela, yuja mkulu ywa washilikali azaogoha kuγamba: Paulo neatatulwe ndiwo, azalaγiliza washilikali, washeele, warawushe na nguvu kuja gati kwawe, wamwingize bomani.

Ntuṅwa 5:33

Wakiviiva wazaihilishiγwa, wazakunda kuwakoma.

Ntuṅwa 7:54

Wakiiva izi mbuli wazaihilishiγwa mwe myoyo yawe, wazaluma lusaya kwa mbuli yakwe.

Ntuṅwa 7:57

Wazakema na vyanwa vikulu, wazashita mashikilo yawe, woshe wazamγulukila haṅwe,