Luka 22:32 - Kishambala New Testament 2005

³² Miya imi nizakuhembelezeza, mitozesheze yako isheaγe; kangi iwe aho, ndiho nezeuhitukile, ugele wanduγu wako nguvu!

Luka 22:32 ပူးပေါင်းရင်းမြစ်များ

Mateyo 18:3

angwe: Kweli namiti: Ati mwashehituka mkiγaluka, viya mu vizana, nkezemwingile mwe uzumbe wa lwingu.

Mateyo 26:75

Ne Petelo ahofukila ija mbuli ya Yesu kuti: Soγolo ishizati ikeme, neukele nkani katatu, kuti nku ywangu. Azalawa na se, azalilisha.

Maliko 14:72

Viya du lushe soγolo izakema ka mbili; ne Petelo ahofukila ija mbuli, Yesu amulongileyo kuti: Soγolo ishizati ikeme kaili, neukele nkani katatu, kuti nku ywangu. Akivitongonyeza mwe moyo wakwe azalila.

Maliko 16:7

Miya hitai, mγambile wahina wakwe na Petelo, kuti neamilongwele na Galileya! Ne ndiko mumwone, sa amilongilevyo.

Luka 8:13

Ziya zigwelezo he mawe ni waja wehokela mbulingwa na nyemi wakiiiva, kangi awa nkawana sindo, watozesha mishi miγeke, miya mishi ya kuγezwa wabahuka.

Yohana 14:19

Kukeshiγale hadodo, ne ndiho inu shi ishenione, miya inywi mwaniona, hambu imi ni moyo, kangi hata inywi mu moyo.

Ntuṅwa 3:19

Lushe hitulai ntongonyezi zenyu, kangi hitukai, uhuza wenyu uushiγwe, kangwe mishi idahekinta, wantu wahohemela he cheni cha Zumbe!

Waloma 8:32

Kangi nkalimbike ṅwanae, miya azamlavya kwa mbuli ya ishwi tosheni, ashetinke naye vyosheni vya mbazi?

Waloma 8:34

Ndiye awalahe, ni ndai? Kilisito Yesu afileye, kangi ainulweye, mwe kulume kwa Mulungu, ne mwetilongela ishwi.

2. Timoteyo 2:18

hambu wazaazaγanya mbulingwa ye kweli wakiγamba: Ufufuki uzabinda kubontoka, ne wavyoazaγanya navyo hata kuṅwe wetozesha.

Tito 1:1

Imi Paulo ni mtuṅwa ywa Mulungu, kangi ni ntuṅwa ya Yesu Kilisito, sa waja washaγulwewo ni Mulungu wavyotozesha kwa viya, wavyotaila vye kweli;

Waebuleyo 12:15

Oleleshai kusheoneke kwenyu ashiyebwila mbazi ya Mulungu kwa kuzuzulika! Kusheoneke mwefanana na nkolo ya muti wekavyala vye ushungu, akizamionya lulali, wangi wakigisiγwa vibada ndiye!

Waebuleyo 7:25

Ne vyeleka, akidaha kuhonya kale na kale waja wemwizila Mulungu kwa mbuli ya uyu, hambu a moyo kale na kale, kangwe adahewalongela.

1. Petelo 1:1

Imi Petelo, ntuṅwa ya Yesu Kilisito, namigondela baluwa inywi mshaγulwewo, mweikala ike uko Ponto na Galatiya na Kapadokiya na Asiya na Bitiniya.

1. Petelo 1:13

Kwa inu mbuli kikantei kimpeho, mshetengele! Bontolai na kualila vivyoho mbazingwa, muyoletelwa, Yesu Kilisito ahozalawila!

1. Petelo 1:5

mweγolokelwa na nguvu ya Mulungu, mtozeshe, mwone uja uhonya weunga kulawila mishi ya kushilikiza. Ne ndiho mulinge;

2. Petelo 3:14

Lushe wanduγu, ati mwaalila ivyoho, kihimei, kangwe nezemumumanyikile, kuti mwaanga kishiuhuza na kishimasa, kuti muna utondolo!

1. Yohana 2:19

Wazalawa kwetu, miya nkawaanduka kwetu; hambu atiwaanduka kwetu, anga wazaikala na ishwi; miya kangwe wabunkuke, kuti nkawaanduka kwetu.