Luka 21:34 - Kishambala New Testament 2005

³⁴ Kiγojeshei, myoyo yenyu ishezatoγeshiγwa ni kujilisha na kunywelesha na sungu za kiinushi, uja mushi ukizamitutukanya!

Luka 21:34 ပူးပေါင်းရင်းမြစ်များ

Mateyo 13:22

Ziya zimyaγiγwezo he miwa ni waja weiva mbulingwa, miya sungu za inu shi na lwufyo lwa mali ziyafuwa mbulingwa, ishevyale.

Maliko 13:9

Kiolelei inywi wenye! Hambu watazamiinkila kwa wafuṅwa, mulutwe mwe mavikilo, mulaviliziγwe kwa watoza shi na kwa wazumbe wakulu kwa mbuli ya imi, viwaγalukile uwona.

Maliko 4:19

miya sungu za inu shi na lwufyo lwa mali na luzisho lutuhutuhu lwaingila lohena, lwafuwa mbulingwa, ishevyale.

Luka 10:41

Zumbe azalandula azamuti: Malita! Malita! Waona lulali na lupisho na ndima nyingi;

Luka 12:40

Hata inywi kiteγei! Hambu ṅwanangwa atazaizila, mshihomwafiza.

Luka 17:3

Kiγojeshei kwa mbuli yawe! Ati mnduγu ywako akubanila, mshunde! Ati ahitula ntongonyezi zakwe, vimwushilize!

Luka 21:35

Hambu viya ni mteγo, utazawagwila woshe weikala koshe koshe kunu shi.

Luka 21:8

Azawati: Oleleshai, mshezaazaγanyiγwa! Hambu wantu wangi watazalawila mwe zina jangu wakiγamba: Imi ndiye; vituhu wataγamba: Mishi izatimiza; miya mshewatongele!

Luka 8:14

Ziya zigwelezo he miwa ni waja weiva, miya sungu na mali na nyemi za kiinushi zaγenda zikifuwa, bindilizo nkawana kuwo.

1. Wakolinto 5:11

Miya lushe nizamigondela, msheangilane na muntu mweitangwa kuti: Ni mnduγu, kangi ni mtesi ao buγe ao mvika mizimu ao mnywezi ao mumpoko;

1. Wakolinto 6:10

wegona na waγoshi weyae wawe, wabavi, wakuγu, wanywezi, wekanka, wampoko nkezewapale uzumbe wa Mulungu.

Wagalatiya 5:20

ushai, nkulu, nkumbizi, wizu, maya, mbifya, mizinkano, misopano, kushukizanya, kukomana,

Wafilipi 4:6

Msheje sungu hata! Miya mbuli zoshe, muzona nazo, ziiγalei kwa Mulungu mkimvika, mkimhembeleza haṅwe na kumtogola!

Waebuleyo 12:15

Oleleshai kusheoneke kwenyu ashiyebwila mbazi ya Mulungu kwa kuzuzulika! Kusheoneke mwefanana na nkolo ya muti wekavyala vye ushungu, akizamionya lulali, wangi wakigisiγwa vibada ndiye!

2. Petelo 3:10

Miva mushingwa wa Zumbe utazaiza, viya ni mubavi, ne ndiho lwingu luchakuke na vuzo, hata vyoshe vituhu vitabanika kwa kukasiγwa, inu shi na ndima ze mumu zitabunkuka.

2. Petelo 3:14

Lushe wanduγu, ati mwaalila ivyoho, kihimei, kangwe nezemumumanyikile, kuti mwaanga kishiuhuza na kishimasa, kuti muna utondolo!

Mfumbulo 3:3

Kumbuka viya uhokelevyo, uivilevyo, uvitozeshe ukihitula ntongonyezi zako! Ati washekiγoja, nezeniize sa mubavi, nkoutaile aho, ndiho nezenikuizile.