Luka 2:14 - Kishambala New Testament 2005

¹⁴ Utana ni wa Mulungu mwe lwingu, mwe shi utondolo kwa wantu wemtamila!

Luka 2:14 ပူးပေါင်းရင်းမြစ်များ

Mateyo 21:9

Miya wantu walongolewo, hata waja wetongela wazakema angwe: Hoziyana, ṅwana Dawidi! Atogolwe mweiza mwe zina ja Zumbe! Hoziyana ulanga!

Luka 1:79

tikilawilwa ni langaila jeanduka uko ulanga, jimulikile waja weikala mwe lwiza na mwe kizuli cha kifa, jigwize milundi yetu sila ya utondolo.

Luka 19:38

angwe: Zumbe atogolwe mweiza mwe zina ja Zumbe! Mwe lwingu ni utondolo, hata utana u kuja ulanga!

Luka 2:13

Viya du lushe kuzaoneka haṅwe na yuja mlau nkondo ngima ya wantimizi wa lwingu, wazamtogola Mulungu angwe:

Luka 2:15

Walau wakibinda kuuka kwawe, wakihita mwe lwingu, walishi wazaγambilana: Netihite mpaka Betelehemu, tiolele inu mbuli ibontokeyo uko, Zumbe atiukwileyo!

Luka 3:22

mpeho mṅazi azasheela aiγwile ṅwili, viya ni wa suwa, izamwikaila, kangi kanwa chizalawa mwe lwingu angwe: Iwe u ṅwanangu, niyekukundisha; natamilwa ni weyo.

Yohana 14:27

Namiashiliza mpolele, mpolele yangu naiminka; kangi imi siminka, sa inu shi ivyominka; myoyo yenyu ishetende futofuto, Ishevivilwe!

Yohana 17:4

Nizakugimbika kunu shi, nizabontola ija ndima, uninkileyo, niibontole.

Yohana 3:16

Hambu Mulungu azaikundisha inu shi, akimwinkila ṅwanae mwe ike, kangwe ndiye amtozeshe ashezaaγa, miya nezeainkwe nkaiamo ya kale na kale.

Ntuṅwa 10:36

Mbuli yakwe azaituma kwa wana Isilayeli, akiwabilikila mpolele ionekeyo mwe Yesu Kilisito, uyu ni Zumbe ywa vyoshe.

Waloma 5:1

Kwa kuti tiinkiγwe utanda kwa mitozesheze yetu, ne tizaivanyiγwa na Mulungu ni Zumbe Yesu Kilisito;

Waefeso 1:6

kangwe nezetitongele mbazi zakwe ntana, atifilezo kwa uyu ṅwanae, ayemkundisha.

Waefeso 1:9

akitifumbwila viya avyokunda, vyemtamila, vishivyotailikana kale hoshe; hambu aviteγanya kale mwe moyo wakwe,

Waefeso 2:4

Miya Mulungu uzuli wakwe ni utungu, ne vyeleka, lukundisho lwakwe alotikundisha nalo ni lungi,

Waefeso 2:7

kangwe aonyeshe mishi, ndiyo ibule, uzuli wa mbazi zakwe uvyoisa kukula, akitiγendela na uhozu kwa mbuli ya Kilisito Yesu.

Wafilipi 2:11

kangwe nyimi zoshe nezezilonge cha sale kuti: Zumbe ni Yesu Kilisito, Mulungu Tate agimbikwe.

Wafilipi 2:13

Hambu Mulungu alekileye, mkinakunda, ne ndiye aleke, mkizabontola, sa avyotamilwa ṅwenye.

Wakolose 1:20

vyoshe vikombolwe ndiye, viuye na kwakwe, hambu na mponie yakwe iitikeyo he muti azavitundwaza, ati ni viya vye kunu shi, ati ni viya vye mwe lwingu.

2. Watesalonike 2:16

Miya Zumbe Yesu Kilisito ṅwenye na Mulungu, Tate yweshu, mwetikundisha, mwetinka kwa mbazi du mhembulizo wa kale na kale na kialilo kitana,

Mfumbulo 5:13

Hata vyumbo vyoshe vye uko kwe lwingu na kunu shi na uko kuzimu na uko kwe bahali haṅwe na vyoshe vye mumo nizaiva vikilonga: Yuja mweikaila kitingwa haṅwe na yuja ṅwangoto watogolwe, wagimbikwe, wainkwe utana na nguvu kale na kale!