Luka 16:15 - Kishambala New Testament 2005

¹⁵ Azawati: Inywi ni nywiyo mwekikanila wenye kwa wantu, miya Mulungu ataila myoyo yenyu; hambu vyegimbikwa ni wantu vyamubuza Mulungu useli.

Luka 16:15 ပူးပေါင်းရင်းမြစ်များ

Mateyo 23:5

Ndima zawe zoshe waziγoshola, waolelwe ni wantu. Hambu wakuza matalatasi ya vikila, walefya mataiaza ya shuke zawe,

Mateyo 6:16

Mkifunga msheifye vyeni, sa waja wehemba wavyoγoshola! Hambu waja wafisha vyeni vyawe, kangwe waoniγwe ni wantu kuti: Wafunga. Kweli namiti: Wazabinda kuγuwa upokezi wawe.

Mateyo 6:2

Ndiho uinkile cha mbazi, usheleke, ukitowelwa gunda haja uhoinkila, sa waja wehemba wavyoγoshola mwe mavikilo, hata lwazoi, kangwe watogolwe ni wantu! Kweli namiti: Wazabinda kuγuwa upokezi wawe.

Mateyo 6:5

Mkivika mshefanane na waja wehemba! Hambu wakundisha kuvika waiγoloke, ati ni mwe mavikilo, ati ni he makintanilano ya sila za muzi, kangwe waoniγwe ni wantu; kweli namiti: Wazabinda kuγuwa upokezi wawe.

Luka 10:29

Yuja azakunda kukikanila ṅwenye, azamγamba Yesu: Lushe ṅwiyangu ni yuhi?

Luka 11:39

Zumbe azamuti: Inywi Mafaliseyo, vinywelo na vijiilo muvichunta se, miya uko ndai muigisize mumpa na ubada.

Luka 18:11

Yuja Faliseyo azaγoloka, azavika mwe moyo wakwe angwe: Mulungu, nakulaviliza ntogolo kuti: Sifanana na wantu watuhu, ati ni wampoko, ati ni watungulu, ali ni watesi, hata ni uyu mngelu.

Luka 18:14

Namiti: Uyu asheele na kaya kwakwe ai mtanda kumzinka yuja. Hambu kila mwekikuza ṅwenye atazapunguziγwa, kangi mwekipunguza ṅwenye atazakuziγwa.

Luka 18:21

Angwe ndiye: Ivi vyoshe nizaviγolokela, vivyo nikuzilevyo.

Luka 18:9

Wantu kuṅwe wakifanyanyizewo wenye, kuti ni watanda, haṅwe na kubela waja watuhu azawazisa ulu lushiino angwe:

Luka 20:20

Wazamγoj aγoja, wazatuma, ndiwo wamnyatile, wekionyaonya viya watatozesha, kangwe wamgwize na mbuli, ndiyo alonge, wadahemwinkila kitala na bomani kwa mtoza shi. Wazamwuza angwe:

Luka 20:47

Waaja nyumba za wavyelengwa wafilwewo ni waγoshi, kangi wakionyaonya, viya wataisiiza kuwahembelezeza. Awa watazalahwa masa yezinka ya weyae wawe.

Yohana 2:25

hambu nkaagiziγwe ni kulongwa uwona kwa mbuli ya muntu, hambu ṅwenye aitaile vye mwe moyo wa muntu.

Yohana 21:17

Amγamba ka ntatu: Simoni, ṅwana Yohana, wanikundisha? Petelo azaona ukiwa, kuti amwuza ka ntatu: Wanikundisha?, azamuti: Zumbe, wataila mbuli zoshe, iwe wataila, kuti nakukundisha. Yesu amuti: Lisha ngoto zangu!

Ntuṅwa 1:18

Uyu azamota luja lubuwa na kitumulo cha ubada wakwe; azakina funi, ne ahotumbuka ṅwili gati, matumbo yakwe yoshe yazalawa.

Ntuṅwa 1:24

Wazavika angwe: Iwe Zumbe, wataila myoyo ya wantu woshe, awa waili tionyeshe yuja,

Ntuṅwa 15:8

Kangi Mulungu mwetaila myoyoyawantu azawalongela uwona na kuwainka Mpeho mṅazi, sa amtinkilevyo ishwi,

Waloma 3:20

Kwa inu mbuli haja aliho nkahana muntu mwekanilwa na kuγoshola mulomongwa, hambu mulomongwa waleka, titaile uhuza.

Waloma 8:27

Miya yuja mwebunkula myoyo ataila ntongonyezi za mpeho, kwa kuti yalongela waṅazi Kimulungu.

1. Wakolinto 4:5

Kwa ivyoho mshelahe mbuli mishi inu, mpaka Zumbe akizaiza! Uyu ne ndiye alavye na weluwi vifishiγwevyo mwe lwiza, ne ndiye abunkule ntongonyezi za myoyo; ne ndiho kila muntu nezeainkwe ntogolo ni Mulungu.

1. Petelo 3:4

miya luhambo lwawe luγaluke luja lwefishiγwa mwe moyo, lushilobanika, ni muntu mwena mpeho ya uhozu na ya mpolele; ne vyena kima kwa Mulungu.

1. Petelo 5:5

Vivyoho inywi wadodo wa gatigati, itikai waγoshi wakulu, mtumikilane kila muntu na ṅwiyae, viya ni mupuna ywakwe! Kwa kuti: Mulungu awaikila watili nkani, miya wadodo awafa mbazi.

Mfumbulo 2:23

Wanae neniwakome, wafe, mabumba yoshe yataile, kuti imi nabunkula fiγo na myoyo, kuti nezenimwuzize kila muntu, sa ndima zakwe zilivyo.