Luka 15:6 - Kishambala New Testament 2005

⁶ akibula kaya aitanga wambuyae na weyae, awoikala nawo, awati: Tamilwai haṅwe na imi! Hambu nizaona ngoto yangu iaγileyo.

Luka 15:6 ပူးပေါင်းရင်းမြစ်များ

Luka 1:58

Wahundo weyae, na wanduγu wakwe wakiiva, kuti Zumbe azamfila mbazi nkulu, wazatamilwa haṅwe naye.

Luka 15:10

Namiti: Vivyoho nyemi itagwa kwa walau wa Mulungu kwa mbuli ya mhuza muṅwe mwehitula ntongonyezi zakwe.

Luka 15:24

Hambu uyu ṅwanangu ne aifile, miya ateuya moyo, ne aiaγile, miya aleoneka. Wazaandiila kuja nyemi.

Luka 15:5

Akiiona aiika mwe maeγa yakwe na nyemi;

Luka 15:7

Namiti: Vivyoho kwa mbuli ya mhuza muṅwe mwehitula ntongonyezi zakwe kutagwa nyemi mwe lwingu yekula kuzinka nyemi yegwa kwa mbuli ya watanda milongo kenda na kenda washiwoagiziγwa ni kuhitula ntongonyezi zawe.

Yohana 15:14

Inywi mu wambuyangu mkiγoshola, nivyomilaγiliza.

Yohana 3:29

Mwena kilumbu ni ṅwenye nteγuzi; miya mbuyae ja ṅwenye nteγuzi aikala nkandai, amteγeleza, atamilwa ni kanwa cha yuja ṅwenye nteγuzi. Inu nyemi yangu izabontoka lushe.

Ntuṅwa 11:23

Akibula, akiona ija mbazi ya Mulungu azatamimilwa, azawahimila woshe, waike inu mbuli mwe myoyo yawe, waandakane na Zumbe.

Ntuṅwa 15:3

Waja watumiγwewo ni jiya bumbangwa wazadwisha Fonike na Samaliya, wazagwishiliza wanduγu woshe nyemi wakiwashimwela, wamzimu wavyohituka.

Wafilipi 1:4

hambu mishi yoshe nihokamihembelezeza inywi nyosheni nivika na nyemi,

Wafilipi 2:17

Hata vikinitala kukoṅwa, viya ni ṅombe ya mviko, nikimitumikila, kangwe kutozesha kwenyu kuisiize, niyatamilwa, kangi niyatamilwa na inywi nyoshe.

Wafilipi 4:1

Lushe inywi wanduγu wangu, namikundisha, mwanibuza luzwi, mu nyemi yangu na linga jangu; kwa ivyoho, weyangu, γolokai mwina Zumbe!

1. Watesalonike 2:19

Hambu kialilo chetu na nyemi yetu na linga jetu, tijokiombola najo, ni mbwai, Zumbe ywetu Yesu ahozalawila, ati si nywiyo wenye?

1. Petelo 2:10

Kale ne mwishi mbali, miya lushe mu mbalingwa ya Mulungu; ne mwishifilwe mbazi, miya lushe mzabinda kufilwa mbazi.

1. Petelo 2:25

Hambu ne mkifanana na ngoto ziaγilezo, miya lushe mzahitulwa na kwa mulishi na mwolezi ywa myoyo yenyu.