Luka 15:22 - Kishambala New Testament 2005

²² Miya ishe azalonga wapuna wakwe angwe: Fikaileta shuke zezinka zoshe utana, mumzwike! Kangi mumgele mpete mwe chala chakwe na vilatu mwe milundi yakwe!

Luka 15:22 ပူးပေါင်းရင်းမြစ်များ

Luka 15:21

Miya yuja ṅwana azamuti: Tate, nizakola masa mwe lwingu na kwako, nkaviniagiza, nikiitangwa ṅwanawo vivyoho.

Luka 15:23

Vikibinda letei ndama yegimbala, mwikome, tije, titamilwe!

Waloma 13:14

miya muvutei Zumbe Yesu Kilisito! Pikilai mili yenyu, komo ishetende tamaa!

Waloma 3:22

Ni uja utanda wa Kimulungu weinkilwa kwa waja wetozesha aho wakimtozesha Yesu Kilisito; hambu nkawazinkana,

Waloma 8:15

Hambu nkamwinkiγwe vituhu mpeho ya kipuna, kangwe mwogohe, miya mzainkwa mpeho ya kiṅwana, ne tiyoitanga nayo: Tate ene, tiyekundisha!

Wagalatiya 3:27

hambu nyoshe mubatizwewo mwe Kilisito muzamzwika Kilisito.

Waefeso 6:15

Ne kukiteγa kubilikila nyemi ya mpolele.

Mfumbulo 19:8

azainkwa shuke za halili zeṅala na kunamanika, azwike; hambu inu halili ni utana wa waṅazi.

Mfumbulo 2:17

Mwena mashikilo aive, mpehongwa ivyolonga mabumbangwa! Ndiye avote, nezenimupangile ija mana ifishiγweyo, nezenimunke nyanga yeṅala, kangi mwe iyo nyanga mwigondiγwe zina hya jishijotailwa ni muntu kushima yuja mwejiγuwa.

Mfumbulo 3:18

Nakunka viyuγo nikikuti: Γula zahabu kwangu iokiγweyo na moto, uγaluke mzuli, na shuke zeṅala, uzwike, viya vye shoni vya ulushi wako vishemanyike, na mavuta, ushishe mesho yako, kangwe uone.

Mfumbulo 6:11

Kila ṅwiyae ywawe azainkwa nkazu yeṅala, wazaγangwa, watongomale hadodo ani, mpaka ibontoke mbuli ya wapuna weyae wawe na ya wanduγu wawe weunga kukoṅwa wohe sa awa wenye.

Mfumbulo 7:9

Vikibinda nizaolela, nizaona bumba kulu, muntu ashijodaha kutala, jianduka kwa wamzimu na kwe makolwa na kwe mbali na kwe vilosi vyoshe, wazaγoloka kamazu he chiya kitingwa na he yuja ṅwangoto, waizwikile nkazu zeṅala;