Luka 13:32 - Kishambala New Testament 2005

³² Azawati: Hitai, mkaγambile jiya gogo: Olela! Nikeingata mpepo, nikebindiliza ndima ya kuhonya watamu lelo na keloi, miya mushi wa ntatu mbuli zangu zabontoka.

Luka 13:32 ပူးပေါင်းရင်းမြစ်များ

Maliko 6:14

Hata zumbe Helode azaiva mbuli yakwe, hambu zina jakwe jizatailikana kosheni, azaγamba: Yohana Mubatizi atefufuka kwa wafilewo; ne vyeleka, izo nguvu zikiγosholwa ndiye.

Yohana 10:32

Yesu azawalandula angwe: Nizamionyesha ndima ntana nyingi ziandukezo kwa Tate, ni ndima ani yeleka, mkinihomela mawe?

Yohana 19:30

Yesu akiγuwa yaja mazi yenyeγela azaγamba: Vizabontoka. Ne ahoinamya mutwi, azadwika moyo.

Waebuleyo 2:10

Ni kwa mbuli ya uyu, kuti vyoshe vi haha, kangi ivi vyoshe vizaumbiγwa ndiye; uyu azaiγala wangi kwe utana, viya ni wanangwa; miya kwa kuti ni mulongezi ywa uhonya wawe, vizanamtala, abontole ndimangwa na kulumiziγwa.

Waebuleyo 5:9

Mbuli yakwe ikibontoka, lushe woshe wemwitika azawaγalukila chandusho cha uvunizi wekalama,

Waebuleyo 7:28

Hambu mulomongwa waγalusha wantu wena unyonge wavikizi wakulu, miya iyo mbuli, ndiyo akikilishiza, ndiyo ikitongela mulomongwa nyuma, yamgimbika ṅwanangwa, akalame kale na kale, kangi abontoleze.