Luka 12:4 - Kishambala New Testament 2005

⁴ Inywi wambuyangu namiti: Msheogohe waja wekoma ṅwili du! Hambu wakibinda nkawana, ndivyo wadahe kuγoshola vingi.

Luka 12:4 ပူးပေါင်းရင်းမြစ်များ

Mateyo 10:28

Msheogohe waja wekoma ṅwili du, washiwodaha kukoma moyo! Isiizai kumwogoha yuja mwedaha kubenta ṅwili, hata moyo uaγe kuzimu!

Yohana 15:13

Nkakuna mwekundisha kuzinka aho, akikiinkila kwa mbuli ya wambuyae.

Ntuṅwa 20:24

Miya naγamba: Nkavina mbuli, ṅwenye nikibanika, ntoγo nibontoleze ntambo yangu na ija ndimangwa, niinkiγweyo ni Zumbe Yesu, nilongele ulau wedi wa mbazi ya Mulungu uwona.

Ntuṅwa 4:13

Wakiteγeleza ija milongele ya Petelo na ya Yohana, ivyona nyemi, kangi wakifanyanya kuti: Waja so mafundi ya ugondengwa, kangi so wavikizi, wazamaka, wazataila, kuti wana Yesu.

Wafilipi 1:28

Ivyoho nkamvotwa hata ni wabishi wenyu; waja vitawaiγala kwe mlaho, inywi vitamiiγala kwe uhonya; inu ni mbazi ya Mulungu kuti:

Yakobo 2:23

ne kuvyobontoka uja ugonde wa kuγamba: Abulahamu azamtozesha Mulungu, ne vizamtalilwa utanda, ne azaitangwa mbuyae ja Mulungu.

1. Petelo 3:14

Miya ati mwalumila kwa mbuli ya utanda, hata vivyo nyemi muna nayo; msheingilwe ni woγa na waja, msheazaγanyiγwe ni ivyoho!

Mfumbulo 2:10

Usheogohe viya, ndivyo ulumiziγwe! Kaula, yuja ṅwenye leba inywi kuṅwe neamigele mwe chumba, kangwe mγeziγwe, nezemwone ukiwa mishi kumi. Tozesha mpaka kufa! Ne ndivyo nikunke linga ja nkalamo.