Luka 12:32 - Kishambala New Testament 2005

³² Usheogohe, iwe kafyo kadodo! Hambu ishe ywenyu atamilwa ni kuminka uja uzumbe.

Luka 12:32 ပူးပေါင်းရင်းမြစ်များ

Mateyo 14:27

Yesu azafikawalonga angwe: Toγwai ni myoyo! Ni miyo; msheogohe!

Mateyo 20:16

Ivyoho washilikizewo watazalongoia, kangi walongolewo watazashilikiza.

Mateyo 25:34

Vikibinda Zumbe atalonga waja we kulume kwakwe kuγamba: Izai, inywi waṅazi wa Tate, mupale uzumbe mwikilwewo inywi aho, shi ikiumbiγwa!

Mateyo 7:15

Kiγojei kwa mbuli za wateγanyi wa ulongo! Waiza kwenyu waizwikile sa ngoto, miya uko ndai ni mashuwi yena upakuzi:

Luka 10:21

Haja ne Yesu atowileho zumo akimema mpeho mṅazi akilonga: Nakulaviliza ntogolo, iwe Tate, Zumbe ywa lwingu na ywa shi, kuti izi mbuli watalizi na waviyuγo uzaziwafisha, miya uzazifumbwila wankebe. Kweli, Tate, ne vikutamilevyo.

Yohana 18:36

Angwe ni Yesu: Uzumbe wangu nkauanduka na kunu shi; ati uzumbe wangu uanduka na kunu shi, anga waluγojo wangu wazaomana nkondo, nisheinkilwe kwa Wayuda, miya lushe uzumbe wangu nkauanduka na kunu.

Ntuṅwa 20:28

Kiγolokelei wenye na ifyo gima, Mpeho mṅazi amigimbikilejo waolezi, mulishe bumbangwa ja Mulungu, amotilejo na mpome yakwe ṅwenye!

Ntuṅwa 20:29

Nataila kuti: Nikibinda kuhita, nekuingile mashuwi makali kwenyu yashinayo mbazi na iji ifyo.

Waloma 6:23

Hambu upokezi wa uhuza ni kufa, miya mbazi, Mulungu azotifiila mwe Kilisito Yesu, Zumbe ywetu, ni nkalamo ya kale na kale.

1. Wakolinto 1:21

Hambu kwa kuti inu shi na viyuγo vyakwe nkaimtaile Mulungu na viyuγo vyakwe vya Kimulungu, ne Mulungu akundilevyo kuhonya na ubilikizi ubabashi waja, wetozesha.

Wafilipi 2:13

Hambu Mulungu alekileye, mkinakunda, ne ndiye aleke, mkizabontola, sa avyotamilwa ṅwenye.

2. Watesalonike 1:11

Kwa inu mbuli tamihembelezeza mishi yoshe, kangwe Mulungu ywetu aleke, myangile yenyu iivane na mwitango, niwisiize kutamilwa ni vitana vyoshe, mγoshole ndima zoshe zeanduka mwe kutozesha kwe nguvu,

2. Watesalonike 1:5

muwojiγwa ndiwo, ne vyetionyesha utanda wa milahile ya Mulungu: Inywi nezemufilwe mbazi na uzumbe wa Mulungu, kwa kuti mwalumila kwa mbuli yakwe,

Waebuleyo 12:28

Kwa kuti tainkwa uzumbe ushiwovuwanikana, netilavilize ntogolo, ne ndivyo titende mivikile yemtamila Mulungu tikimgimbika ivyoho na kumwogoha.

Yakobo 2:5

Teγelezai, wanduγu wangu, niwokundisha! Waja wakiwa kunu shi Mulungu nkawazangile, waγaluke wazuli na kutozesha kwawe, kangi wapale uzumbe, awokunda kuinka waja wemkundisha? Miya inywi mzamubela mkiwa.

2. Petelo 1:11

Hambu ne ndivyo mufilwe mbazi, mdaheingila kizumbe mwe uzumbe wa ukalami wa Zumbe na mhonya ywetu Yesu Kilisito.

Mfumbulo 1:6

uhuza wetu uuke, azatiγalusha wazumbe na wavikizi wa ishe Mulungu, uyu ntogolo na nguvu ni zakwe kale na kale. Amini.

Mfumbulo 22:5

Kilo nkezemugwe, nkawaagiziγwa ni langaila ja taa ao langaila ja zuwa, hambu Zumbe Mulungu atawapwinkukila, watatoza uzumbe kale na kale.