Luka 11:13 - Kishambala New Testament 2005

¹³ Lushe ati inywi wabada mwadaha kuinka wana wenyu vintu vitana, ishe ywenyu ywa kilwingu asheinke mpeho ṅazi waja wemlombeza?

Luka 11:13 ပူးပေါင်းရင်းမြစ်များ

Mateyo 5:16

Vivyoho lekai, hata langaila jenyu jimulikile wantu, waone ndima zenyu ntana, wakamtogole ishe ywenyu mweikala mwe lwingu!

Mateyo 5:45

kangwe mγaluke wana wa ishe ywenyu mweikala mwe lwingu! Kangi aleka, zuwa jakwe jiake kwa wabada na kwa watana, hata fula aileka, igwe kwa watanda na kwa wahuza.

Mateyo 6:14

Hambu mkiushiliza wenyu wavyomibanila, hata ishe ywenyu ywa kilwingu atazamiushiliza vyenyu.

Mateyo 6:30

Ati Mulungu avutila ivyoho mani ya tunduwi yeikala lelo, kangi keloi yaashiγwa mwe moto, asheisiize kumivutila inywi? Nini mkishetozesha vyedi?

Mateyo 6:32

Ivi vyoshe wamzimu ne wevilonda. Hambu ishe ywenyu ywa kilwingu ataila, kuti mwaagiziγwa ni ivi vyoshe.

Mateyo 7:11

Lushe ati inywi wabada mwadaha kuinka wana wenyu vintu vitana, ishe ywenyu mweikala mwe lwingu asheisiize kuinka vintu vitana waja wemlombeza?

Luka 11:12

Ao akimlombeza tagi, amunke kisuse?

Luka 11:2

Azawati: Mkivika mγambe: Tate yweshu we uko mwe lwingu! Zina jako jigimbikwe! Uzumbe wako uize! Uvyokunda vibontoke kunu shi sa uko mwe lwingu!

Luka 18:7

Mulungu ashevunile washaγulwewo ndiye, wemkemela kilo na mushi? Atazunganya mbuli yawe?

Yohana 4:10

Yesu azamhitula, azamuti: Ati wataila, Mulungu avyowainka wantu, ati wataila, kuti ni ndai uyu mwekuti: Ninka vya nywa!, wangamlombeza iwe, akakunka mazi ye moyo.

Ntuṅwa 2:38

Petelo azawati: Hitulai ntongonyezi zenyu! Kila ṅwenyu abatizwe mwe zina ja Yesu Kilisito, masa yenyu yaushiγwe, mdaheinkwa Mpeho mṅazi kwa mbazi du!

Waloma 5:17

Hambu kwa mbuli ya kubana kwa muntu muṅwe kifa chiγwilevyo uzumbe kwa yuja muṅwe, lushe wehokela ziya mbazi nkulu za kuinkwa utanda bule du, ne wavyoγuwa uzumbe kwa mbuli ya yuja muṅwe Yesu Kilisito kuja kwe nkalamo.

Waloma 7:18

Hambu nataila, kuti uko ndai kwangu, ni kuγamba mwe ṅwili wangu nkakuikala mbuli ntana; ati ni kukunda, nina nako, miya ati ni kuγoshola viya vitana, lushe sina nako.

Waloma 8:32

Kangi nkalimbike ṅwanae, miya azamlavya kwa mbuli ya ishwi tosheni, ashetinke naye vyosheni vya mbazi?

Tito 3:3

Hambu hata ishwi aho kale ne tii wababashi na wapapala, ne tikiazaγanyiγwa, ne tikitumikila kihelehele na uhalami ungi, ne tii wabada na wawizu, ne tikishukwa, kangi ne tikishukana wenye na wenye.