Luka 10:39 - Kishambala New Testament 2005

³⁹ Yuja ana nduγuye mweitangwa Maliya; uyu azaikala he milundi ya Zumbe akiteγeleza mbuli yakwe.

Luka 10:39 ပူးပေါင်းရင်းမြစ်များ

Luka 10:42

miya mbuli yeagiza ni ṅwenga du. Maliya azashaγula fungu tana, nkezeajihokwe.

Luka 2:46

Mishi mitatu ikizinka, wazamwona vikiloi, aiikale gati kwa wafuzi akiwateγeleza, kangi akiuzanya nawo.

Luka 8:35

Wantu wazalawa, waolele viya vitendekevyo; wakiiza kwa Yesu wazamwona yuja muntu aukilweye ni ziya mpepo, aiikale he milundi ya Yesu, aikiγubike shuke, ni mtana lushe, ne wahoingilwa ni woγa.

Yohana 11:1

Ne kwina muntu mwehuma, ndiye Lazalo ywa Betaniya, ni uja muzi wa Maliya na mkuluwe Malita.

Yohana 11:19

Wayuda wangi waiizile kwa Malita na Maliya, wawahongeze kwa mbuli ya lumbu jawe.

Yohana 12:3

Maliya azaγuwa kakomba ka mavuta ya muti weitangwa Nalada yavanganyiγweyo na mafutilo ya mluziluzi, yeγulwa na mali nyingi muno, azashisha nayo milundi ya Yesu, akiheza azahonola ija milundi yakwe na swili zakwe. Nyumba yoshe izagisa mhempe wa yaja mavuta.

Ntuṅwa 22:3

Azawati: Imi ni mγoshi ywa Kiyuda, mvyelwe mwe muzi wa Taliso mwe shi ya Kilikiya, miya nikuziγwe mwe unu muzi he milundi ya Gamaliyeli, nizafuziγwa utanda woshe wa mulomongwa wa wahaha zetu, ne nikikihima kwa mbuli ya Mulungu, sa inywi nyoshe muvyoγoshola mpaka lelo.