Luka 10:21 - Kishambala New Testament 2005

²¹ Haja ne Yesu atowileho zumo akimema mpeho mṅazi akilonga: Nakulaviliza ntogolo, iwe Tate, Zumbe ywa lwingu na ywa shi, kuti izi mbuli watalizi na waviyuγo uzaziwafisha, miya uzazifumbwila wankebe. Kweli, Tate, ne vikutamilevyo.

Luka 10:21 ပူးပေါင်းရင်းမြစ်များ

Mateyo 16:17

Yesu azamwitikila angwe: Simoni, ṅwana Yohana, una nyemi! Hambu vye nyama na mpome nkavikufumbwile inu mbuli, ni Tate mweikala mwe lwingu.

Mateyo 21:16

Wazamuti: Waiva, awa wavyolonga? Yesu azawati: Ehe! Miya nkamfyomile kuγamba: Mwe vyanwa vya wana na vya wankebe uzaonela ntogolo?

Mateyo 3:7

Akiona, Mafaliseyo na Masadukeyo wangi wakiiza, wabatizwe, azawati: Wana nyoka inywi! Amionyesheye kuti: Mtazanyilika mayangwa, ndiyo yalawile, ni ndai?

Maliko 10:15

Kweli namiti: Ndiye ashehokele uzumbe wa Mulungu sa kazana nkezeauingile.

Luka 15:5

Akiiona aiika mwe maeγa yakwe na nyemi;

Luka 15:9

Akibinda kuiona aitanga wambuyae na weyae, awoikala nawo, awati: Tamilwai haṅwe na imi! Hambu nizaona shilingi yangu iaγileyo.

Yohana 11:41

Wazausha lushe jiya iwe. Yesu azainula mesho na ulanga, azalonga: Tate nakutogola kuti: Uzaniiva.

2. Wakolinto 4:3

Ati ulau wetu wohe uifishiγwe, ufishiliziγwe waja weaγa;

Waefeso 1:11

Kwa mbuli ya uyu tapangilwa kifu hata ishwi chifanyanyiγwecho kale kwa viya, aikilevyo uko kale, hambu vyoshe avihontoleza, sa avyokunda ṅwenye.

Waefeso 1:5

kwa lukundisho lwakwe aatiteγanya uko kale, tiγaluke wanae wenye kwa mbuli ya Yesu Kilisito, ne vimtamilevyo, ne akundilevyo,