Luka 1:76 - Kishambala New Testament 2005

⁷⁶ Miya iwe kazana, utaitangwa mteγanyi ywa yuja mwe uko ulanga,

Luka 1:76 ပူးပေါင်းရင်းမြစ်များ

Mateyo 14:5

Ne akundileho kumkoma, miya azaogoha wantu, hambu wazafanyanya kuti: Ni mteγanyingwa.

Mateyo 21:26

Ati tamuti: Kwa wantu, tina woγa na wantu, hambu woshe wazafanyanya kuti: Yohana ni mteγanyingwa.

Mateyo 3:11

Imi nimibatiza na mazi, mhitule ntongonyezi, miya yuja mwenitongela anizinka nguvu nkaviniagiza nikimwinwila vilatu, yuja atazamibatiza na mpeho ṅazi na moto.

Mateyo 3:3

Hambu uyu ni yuja ateγanyiγwaye ni mteγanyi Yesaya akiγamba: Kanwa cha mubilikizi chaivika mwe nyika angwe: Liγanyai sila ya Zumbe na kuγolosheza aho, ndiho agwile!

Maliko 11:32

Miya tiγambe: Kwa wantu! Miya wazaogoha wantu, hambu woshe wazafanyanya kuti: Yohana ni mteγanyingwa kweli.

Luka 1:32

Uyu neaγaluke mkulu, neaitangwe Awanangwa ywa yuja mwe uko ulanga; kangi Zumbe Mulungu nezeamunke kiti cha ishe Dawidi,

Luka 1:35

Hambu sitaila mγoshi? Yuja mlau azamlandula angwe: Mpeho mṅazi atakuizila, nguvu ya yuja mwe uko ulanga itakuγubika, viya ni zunde; kwa ivyoho yuja, ndiye avyalwe ni weyo, ataitangwa mṅazi, kangi ṅwana Mulungu.

Luka 6:35

Miya kundishai wankulu wenyu! Γosholai vitana, kangi kundai kukopiγwa ni waja, mushiwoalila kuti: Watazamiuziza! Ne ndivyo upokezi wenyu uγenele, ne ndivyo mγaluke wana wa yuja mwe uko ulanga, hambu ṅwenye ana mbazi na wabada washiwomtogola.

Yohana 1:23

Angwe: Imi ni kanwa cha mtakubilikila mwe nyika kuti: Liγanyai sila ya Zumbe, sa mteγanyi Yesaya alongilevyo!

Yohana 1:27

ni yuja mwenitongela, kwa udodo wangu nkaviniagiza, nikimzaγawila mikowa ya vilatu.

Yohana 3:28

Inywi wenye mwanilongela uwona, kuti nizalonga: Imi si Kilisito, miya nitumiγwe, nimlongwele yuja.

Ntuṅwa 16:17

Uyu azamtongela Paulo, azatikemela angwe: Awa wantu ni wapuna wa Mulungu mwe uko ulanga, watibilikila sila ya uhonya.