Luka 1:32 - Kishambala New Testament 2005

³² Uyu neaγaluke mkulu, neaitangwe Awanangwa ywa yuja mwe uko ulanga; kangi Zumbe Mulungu nezeamunke kiti cha ishe Dawidi,

Luka 1:32 ပူးပေါင်းရင်းမြစ်များ

Mateyo 1:1

Kitabu cha mbuli ya Yesu Kilisito, ṅwana Dawidi, ṅwana Abulahamu:

Mateyo 12:42

Mushi wa mlaho zumbe ywa kivyele ywa ija shi ye lwazu lwegwila zuwa mishi ya vuli atazainukila inu mbali, hambu azalawa shi ikohelela, ateγeleze viyuγo vya Salomo, kangi shivyo, kunu kuna mkulu kumzinka Salomo.

Mateyo 28:18

Yesu azawaizila, azawalonga angwe: Nizainkwa ufuṅwa woshe uko mwe lwingu na kunu shi.

Mateyo 3:11

Imi nimibatiza na mazi, mhitule ntongonyezi, miya yuja mwenitongela anizinka nguvu nkaviniagiza nikimwinwila vilatu, yuja atazamibatiza na mpeho ṅazi na moto.

Maliko 14:61

Miya azaleka lwashu, nkalandule hata. Vituhu mvikizi mkulu azamwuza akimuti: Iwe u Kilisito, ṅwana yuja mweagiziγwa ni ntogolo zoshe?

Maliko 5:7

Nina mbwai imi na iwe Yesu, ṅwana Mulungu mwe uko ulanga? Nakuhembeleza, ukilishe na Mulungu, kangwe ushezanilumiza.

Luka 1:15

Hambu atamkulila Zumbe, ashenywe mpombe na vyoshe vyetengeza, agise mpeho ṅazi, ndiho nezeavyailwe ni nine,

Luka 1:35

Hambu sitaila mγoshi? Yuja mlau azamlandula angwe: Mpeho mṅazi atakuizila, nguvu ya yuja mwe uko ulanga itakuγubika, viya ni zunde; kwa ivyoho yuja, ndiye avyalwe ni weyo, ataitangwa mṅazi, kangi ṅwana Mulungu.

Luka 1:76

Miya iwe kazana, utaitangwa mteγanyi ywa yuja mwe uko ulanga,

Luka 3:16

Yohana azawalandula waja woshe angwe: Imi nimibatiza na mazi; miya kwaiza mwenizinka nguvu, kwa udodo wangu nkaviniagiza, nikiinama, nimzaγawile mikowa ya vilatu vyakwe.

Luka 6:35

Miya kundishai wankulu wenyu! Γosholai vitana, kangi kundai kukopiγwa ni waja, mushiwoalila kuti: Watazamiuziza! Ne ndivyo upokezi wenyu uγenele, ne ndivyo mγaluke wana wa yuja mwe uko ulanga, hambu ṅwenye ana mbazi na wabada washiwomtogola.

Yohana 12:34

Wantu wazamlandula: Ishwi tizaiva mwe mulomongwa kuti: Kilisito akalama kale na kale, iwe ulonga ywai kuti: Ṅwanangwa ywa muntu shuti akweziγwe? Uyu ṅwanangwa ywa muntu ni ndai?

Yohana 6:69

Kangi ishwi tiitozeshe, tiitaile kuti: Iwe u mṅazi ywa Mulungu.

Ntuṅwa 16:17

Uyu azamtongela Paulo, azatikemela angwe: Awa wantu ni wapuna wa Mulungu mwe uko ulanga, watibilikila sila ya uhonya.

Ntuṅwa 2:30

Miya kwa kuti ni mteγanyi, azataila, kuti Mulungu azamunka kilaγa na kukilisha akiγamba: Waja wavyelwewo ndiye nezekuoneke ndiye aikale mwe kiti chakwe.

Ntuṅwa 2:36

Lushe chengo kigima cha Isilayeli chitailishe kuti: Yuja Yesu, mumkonteleye mwe muti, ne Mulungu amγalusheye Zumbe na Kilisito.

Ntuṅwa 7:48

Miya yuja mwe uko ulanga nkaikala mwe nyumba zizengiγwezo ni mikono ya wantu, sa mteγanyi avyolonga:

Waloma 1:4

azalesiγwa na nguvu kimpeho mṅazi kuti: Ni ṅwana Mulungu, aho akifufuka mwe wafilewo.

Mfumbulo 3:7

Mlau ywa bumbangwa ja Filadelifiya umgondele kuγamba: Ne avyolonga yuja mṅazi, yuja mkweli mweloza funguwo ya Dawidi, mwezuγula, kangi nkakuna ndiye azuγale, mwezuγala, kangi nkakuna ndiye azuγule: