Luka 1:17 - Kishambala New Testament 2005

¹⁷ Ṅwenye atamlongwela na mpeho na nguvu ya Eliya, adahehitwila wana myoyo ya waishe zawe, ahitule wapapala, waγuwe viyuγo vya watanda, amliγanyize Zumbe mbali ya wantu wekiteγa.

Luka 1:17 ပူးပေါင်းရင်းမြစ်များ

Mateyo 11:14

Kangi, ati mwakunda kuiva, yuja ne Eliya mweunga kuiza.

Mateyo 14:4

Hambu Yohana azamγamba: Vina ṅwiko ukimγuwa.

Mateyo 3:3

Hambu uyu ni yuja ateγanyiγwaye ni mteγanyi Yesaya akiγamba: Kanwa cha mubilikizi chaivika mwe nyika angwe: Liγanyai sila ya Zumbe na kuγolosheza aho, ndiho agwile!

Mateyo 3:4

Yuja Yohana ṅwenye ana kizwiko cha mayoya ya ngameya, aichikantile na kikowe; nkande zakwe ni siγe na woki wa vambi.

Luka 1:16

ahitule wana Isilayeli wangi na kwa Zumbe, Mulungu ywawe.

Luka 1:76

Miya iwe kazana, utaitangwa mteγanyi ywa yuja mwe uko ulanga,

Yohana 1:13

Awa nkawavyelwe ni mpome ao kwa mikundile ya kimuntu ao kwa ntongonyezi za mγoshi, miya wavyelwe ni Mulungu.

Yohana 1:34

Nami nizaviona, ne nilongelevyo uwona kuti: Uyu ni ṅwana Mulungu.

Yohana 3:28

Inywi wenye mwanilongela uwona, kuti nizalonga: Imi si Kilisito, miya nitumiγwe, nimlongwele yuja.

Ntuṅwa 10:33

Lushe ishwi toshe tiiunganane he mesho ya Mulungu, tileγeleze vyoshe, ulaγiliziγwevyo ni Zumbe.

Waloma 9:23

Vituhu azalaviliza ungi wa utana wakwe na viya vyumbo vya mbazi,

Wakolose 1:12

kwa kuti azamiliγanya, mdahepangilwa kifu cha waṅazi che mwe langaila!

2. Timoteyo 2:21

ati muntu azila waja wantu, ataγaluka ntanu ya luhambo iṅaziγweyo, ṅwenye avyokunda kutoza, yedaha ndima ntana zoshe.

1. Petelo 2:9

Miya inywi mu chengo chishaγulwecho, mu wavikizi wa kizumbe, mu bumba ṅazi, mu mbalingwa yena ṅwenye, kangwe muhilikile viya vitana vya yuja, ndiye akimiitanga, mulawe mwe lwiza, mwingile mwe langaila jakwe jemasha.

1. Yohana 2:28

Lushe wanangu, ikalai naye, kangwe akizalawila tione nyemi, tishebunkuke kwakwe aho, ndiho auyiye.

Mfumbulo 20:4

Nizaona viti, kangi kuna weviikaila, awa wazainkwa ufuṅwa wa masa; mpeho za waja wakomiγwewo na kushengwa mitwi kwa mbuli ya kutozesha uwona wa Yesu na mbulingwa ya Mulungu, ndiwo wakishevika ija nyama na kinyuwa chakwe, ndiwo wakishekigela nyindi jakwe kwe vyeni na kwe mikono yawe, wazauya moyo lushe, wazatoza uzumbe haṅwe na Kilisito mavuli kulija.