2. Wakolinto 8:6 - Kishambala New Testament 2005

⁶ Ne vyeleka, tikidaha kumhimila Tito, abontoleze hata kwenyu inu ndima ya mbazi, sa viya aandiilevyo.

2. Wakolinto 8:6 ပူးပေါင်းရင်းမြစ်များ

Ntuṅwa 24:17

Mavuli mangi yakizinka, nizahita kwe mbali yangu, niwaiγaile mbazi na matulo ya weyae wawe watuhu.

Waloma 15:25

Miya ivi lushe nahita Yelusalemu, nitumikile waṅazingwa.

2. Wakolinto 12:18

Nizamhembeleza Tito, kangi nizatuma naye yuja mnduγu. Hambu Tito azamitunguluka? Mpeho, tiangileyo nayo, so iyo ṅwenga? Nyayo, titongelezo, so zizo?

2. Wakolinto 2:13

simubwile Tito, mnduγu ywangu; ne nizawalaga, nizahita Makedoniya.

2. Wakolinto 8:10

Nivyoona mwe inu mbuli namilaviliza: Yamiagiza, hambu jiya vuli ja zuzi mzalongola, so haho du mkiiγoshola, miya hata haho mkiandiila kuikunda;

2. Wakolinto 8:19

miya azagimbikwa ni mabumba, aange na ishwi mwe inu ndima ya mbazi yetumikilwa ni shwiyo, timtogole Zumbe, kangi wenye tikishangalaze nayo.

2. Wakolinto 8:23

Tito mwamtaila kuti: Ni ṅwiyangu mweniambiza ndima kwenyu; awa wanduγu wetu watetuṅwa ni mabumba, kwa kuti wamgimbika Kilisito.

2. Wakolinto 8:4

tiwafe inu mbazi kuwakundiza, wohe watumikile waṅazingwa na kuwapangila vyawe.

2. Wakolinto 9:5

Kwa inu mbuli nizaγamba, shuti nihimile awa wanduγu walongolewo na kwenyu, wameliγanya viya vya ntogolo yenyu, mwalongavyo kale, kangwe tivibwile, viilaviγwe, viya ni vya ntogolo kweli, so viya ni vya ubuγe.

Wafilipi 4:18

Vyoshe vyeniagiza nina navyo na kuzinka, nizaγenyeza kabisa nikiletelwa ni Epafulodito viya vyenyu, vina mzingo wa mulile, viya ni ṅombe ntana ya mviko yemtamila Mulungu.

1. Petelo 4:10

Kangi mtumikilane kila muntu na ṅwiyae na viya, ainkiγwevyo kwa mbazi, sa wantu weγolokela izo mbazi nyingi za Mulungu na utanda!