2. Wakolinto 6:16 - Kishambala New Testament 2005

¹⁶ Kangi ishwi ti vikilo ja Mulungu mwe moyo, sa Mulungu alongilevyo: Nezeniikale mwawe, niangilane nawo, nezeniwaγalukile Mulungu ywawe, wohe nezewaniγalukile mbali yangu.

2. Wakolinto 6:16 ပူးပေါင်းရင်းမြစ်များ

Mateyo 16:16

Simoni Petelo azahitula angwe: Iwe u Kilisito, ṅwana Mulungu mwe moyo.

Mateyo 6:24

Nkakuna mwedaha kutumikila wazumbe waili; hambu atamshuka yuja muṅwe, amkundishe yuja mtuhu, ao akianga na yuja ywa bosi atamubela yuja mtuhu; nkamdaha kumtumikila Mulungu haṅwe na mali ya kiinushi.

Luka 5:36

Kangi azawazisa lushimo kuti: Nkakuna mweshenga ndame ya shuke mpya akiigela mwe nkazu shakazu; ati aγoshola ivyoho, atabana ija shuke mpya, kangi ija ndame ya shuke mpya nkaitoγa mwe ija shuke shakazu.

Yohana 14:23

Yesu azalandula, azamuti: Ndiye anikundishe, atatoza mbuli yangu, ne Tate atamkundisha, titaiza, tiikale kwakwe.

Yohana 6:56

Mweja ṅwili wangu, mwenywa mpome yangu ana imi, nami nina naye.

Waloma 8:11

Ati mpeho ya yuja, ndiye akimwinula Yesu kwa wafilewo, yaikala uko ndai kwenyu, yuja ndiye akimwinula Kilisito Yesu kwa wafilewo, hata yenyu mili nezeaiuze moyo, ikibanika, kwa kuti mpeho yakwe iikala uko ndai kwenyu.

Waloma 8:9

Miya inywi nkamu wa kimuntu, miya mu wa kimpeho, ati mpeho ya Mulungu yaikala umo ndai mwenyu; ati muntu nkana mpeho ya Kilisito, uyu siye ywakwe.

Waloma 9:26

Nkamu mbali yangu inywi, ne ndiho nezewaitangilwe wana Mulungu mwe moyo.

1. Wakolinto 10:21

Miya sikunda, mkianga na mizimu. Nkamdaha kunywa kinywelo cha Zumbe na kinywelo cha mizimu; nkamdaha kuja he meza ya Zumbe na he meza ya mizimu.

1. Wakolinto 6:19

Hambu nkamtaila kuti: Mili yenyu ni vikilo ja mpeho ṅazi yemiikaila, mzaiinkwa ni Mulungu, inywi nkamu wenye.

Waefeso 2:20

hambu mzazengwa mwe jiya shikizi ja ntuṅwa na ja wateγanyi, Kilisito aliho iwe ja heta.

Waefeso 2:22

Ne mzengiγwemo hata inywi, mγaluke ikailo ja Mulungu ja kimpeho.

Waefeso 3:17

kangwe Kilisito aikale mwe myoyo yenyu kwa viya muvyotozesha, kwa kuti mzakundishiγwa, msheleze mazindo, mshikiziγwe ndiyo,

1. Timoteyo 3:15

Miya ati nakawa, kangwe utaile myangile yeagiza mwe nyumba ya Mulungu, ni bumba ja Mulungu mwe moyo, iji ne shikizi jegela viya vye kweli nguvu.

2. Timoteyo 1:14

Viya vitana uinkiγwevyo uviγolokele kwa nguvuya mpeho ṅaziyetiikaila!

Waebuleyo 3:6

Miya Kilisito azaitika viya ni ṅwenye nyumba, kuti ni ṅwanangwa. Kangi ishwi ti nyumba yakwe, ati tatozesha kweli mpaka bindilizo nyemi na ntogolo, tiyoalila.

Waebuleyo 8:10

Kilaγa, ndicho niwaikile wana Isilayeli, mishi ikibontoka, shichi: Naika mulomo wangu mwe myoyo yawe, naugonda mwe ntongonyezi zawe, niwaγalukile Mulungu, waniγalukile mbali yangu.

Yakobo 4:5

Hambu muγamba: Ugondengwa ulonga hule du kuti: Mpeho ayoikaza mwenyu yakuza wizu, miya mbazi azotifila ni nkulu kuzinka.

1. Petelo 2:5

Mkimubwila lekai, hata inywi mzengwe vikilo ja kimpeho, viya mu mawe ye moyo, wenye mγaluke wavikizi waṅazi weiγala ṅombe za mviko za kimpeho zemtamila Mulungu kwa mbuli ya Yesu Kilisito!

1. Yohana 4:12

Nkakuna amweneye Mulungu; miya tikikundishana, Mulungu aikala kwetu, kangi lukundisho lwakwe lwabontoka kwetu.

1. Yohana 4:15

Lushe mwelaviliza kuti: Yesu ni ṅwanangwa ywa Mulungu, ne Mulungu ayeikala naye, kangi ṅwenye aikala na Mulungu.

Mfumbulo 2:1

Mlau ywa bumbangwa ja Efeso umgondele kuγamba: Ne avyolonga mwetoza ziya ntondwe mfungate na mkono wakwe wa kulume, mweanga gati mwe ziya taa mfungate:

Mfumbulo 21:3

Nizaiva kanwa kikulu chelawa he kitingwa, angwe: Shiji ikailo ja Mulungu na ja wantu, ndimo aikale nawo, ndimo waja waγaluke mbali zakwe, ndimo Mulungu ṅwenye aangilane nawo.

Mfumbulo 21:7

Ndiye avole, alazavipala vyoshe; imi nitazamγalukila Mulungu, yohe atazaniγalukila ṅwana.