2. Wakolinto 13:4 - Kishambala New Testament 2005

⁴ Kweli azakontelwa mwe muti, viya ni mnyonge, miya a moyo kwa nguvu ya Mulungu. Hata ishwi ti wanyonge naye, miya nemwone, kuti ti moyo haṅwe naye kwa nguvu ya Mulungu.

2. Wakolinto 13:4 ပူးပေါင်းရင်းမြစ်များ

Yohana 10:18

Nkakuna mwevinikundila, miya imi nikiinkila ṅwenye. Niishungulwe Kukiinkila, kangi niishungulwe kuuya moyo vituhu. Unu ni mulomo, nihokelewo kwa Tate.

Ntuṅwa 2:36

Lushe chengo kigima cha Isilayeli chitailishe kuti: Yuja Yesu, mumkonteleye mwe muti, ne Mulungu amγalusheye Zumbe na Kilisito.

Ntuṅwa 3:16

Kwa viya atozeshevyo zina jakwe, jiya zina jakwe jizamgela nguvu uyu, muyemwona, kangi muyemtaila; mitozesheze yakwe ainkiγweyo ndiye ne imunkileyo uyu unu ugima, muwoona nyoshe.

Waloma 1:4

azalesiγwa na nguvu kimpeho mṅazi kuti: Ni ṅwana Mulungu, aho akifufuka mwe wafilewo.

Waloma 14:9

Hambu ne Kilisito afilevyo, kangi ne afufukevyo, kangwe aγaluke zumbe ywa wafilewo na ywa we moyo.

Waloma 6:4

Vivyoho tiizikiγwe haṅwe naye, kwa kuti tiihatizwe mwe kifa, kangwe ishwi neshwi tiange na nkalamo mpya, sa Kilisito avyoinulwa kwa wafilewo ni utana wa ishe.

1. Wakolinto 1:25

Hambu ubabashi wa Mulungu una viyuγo kuzinka vya wantu, kangi unyonge wa Mulungu una nguvu kuzinka za wantu.

1. Wakolinto 15:43

Kuhandwa vyebelwa, kufufuka vyetogolwa; kuhandwa vye unyonge, kufufuka vye nguvu.

1. Wakolinto 2:3

Nami nizaikala kwenyu na unyonge na woγa na kuwewa kabisa.

1. Wakolinto 6:14

Mulungu azamfufula Zumbe, vivyoho atazatifufula ishwi kwa nguvu yakwe.

2. Wakolinto 10:10

Hana wenishinga kuγamba: Baluwa zakwe ni ndala, zina nguvu, miya ṅwenye akiiza ni mnyonge, kangi mbuli yakwe yabeleka.

2. Wakolinto 12:10

Kwa inu mbuli naṅalwa ni moyo nikihuma, nikieziγwa, nikiifiγwa, nikiγulushiγwa, nikionyiγwa lulali kwa mbuli ya Kilisito; hambu aho ndiho niγaluke mnyonge, ne ndiho nitende nguvu.

2. Wakolinto 13:9

Tatamilwa, ishwi tiγaluke wanyonge, inywi mγaluke wanguvu; inu mbuli ne tiyohembeleza, inywi mtame vyedi.

Wafilipi 3:10

kangwe nimtaile ṅwenye na nguvu ya ufufuki wakwe na ya milumilwe yakwe nikiipangilwa nami,

Waebuleyo 5:7

Mishi, ndiyo akiikala na ṅwili wa kimuntu, azamhembeleza, azamkemela na mikemele yena nguvu, azamlilila yuja mwedaha kumhonya mwe kifa, kangi azaiviγwa ndiye, azaushiγwa woγa.

1. Petelo 3:18

Hambu Kilisito yohena azalumiziγwa kaṅwe kwa mbuli ya uhuza wetu, mtanda kwa mbuli ya wahuza, kangwe atiiγale kwa Mulungu; azakoṅwa kiṅwili, miya azafufuka kimpeho.

1. Petelo 3:22

Hambu uyu ahitilevyo mwe lwingu kulume kwa Mulungu, aitikwa ni walan na ufuṅwa na nguvu zoshe.