2. Wakolinto 12:10 - Kishambala New Testament 2005

¹⁰ Kwa inu mbuli naṅalwa ni moyo nikihuma, nikieziγwa, nikiifiγwa, nikiγulushiγwa, nikionyiγwa lulali kwa mbuli ya Kilisito; hambu aho ndiho niγaluke mnyonge, ne ndiho nitende nguvu.

2. Wakolinto 12:10 ပူးပေါင်းရင်းမြစ်များ

Luka 6:22

We nyemi ni nywiyo mwelila ivi lushe, hambu mtazasheka. We nyemi ni nywiyo, wantu wakimishukiza na kumiahula, wakimikanka na kushwika zina jenyu, viya ol bada, kwa mbuli ya ṅwanangwa ywa muntu.

Yohana 15:21

Miya ivi vyoshe newavimiγoshwele kwa mbuli ya zina jangu, hambu nkawamtaila anitumileye.

Ntuṅwa 5:41

Waja wakilawa mwe kitala wazahita na nyemi, kwa kuti wazakundiziγwa kuγoshwelwa vibada kwa mbuli ya zinangwa.

Waloma 5:3

Kangi tishefe kulogola aha du, netitogole, hata tikiona ukiwa!

1. Wakolinto 4:10

Ishwi ti wababashi kwa mbuli ya Kilisito, inywi mu wanyanyi, kuti muna Kilisito; ishwi ti wanyonge, inywi mu wanguvu; inywi mwagimbikwa, ishwi tabelwa.

2. Wakolinto 1:4

mwetihembuliza mwe ukiwa wetu woshe, kangwe waja weikala na ukiwakiwa tidahe kuwahembuliza na uja mhembulizo, tihembuliziγwewo nawo ni Mulungu.

2. Wakolinto 10:18

Hambu yuja mwekitogola ṅwenye siye, miya yuja mwetogolwa ni Zumbe ndiye.

2. Wakolinto 12:9

miya azanilandula: Tamilwa du ni mbazi yangu! Yabesha; hambu mwe unyonge ne nguvu yangu imotendesha. Ne vyeleka, nikikundisha kukitogola na unyonge wangu, kangwe nguvu ya Kilisito iniikaile.

2. Wakolinto 13:4

Kweli azakontelwa mwe muti, viya ni mnyonge, miya a moyo kwa nguvu ya Mulungu. Hata ishwi ti wanyonge naye, miya nemwone, kuti ti moyo haṅwe naye kwa nguvu ya Mulungu.

2. Wakolinto 13:9

Tatamilwa, ishwi tiγaluke wanyonge, inywi mγaluke wanguvu; inu mbuli ne tiyohembeleza, inywi mtame vyedi.

2. Wakolinto 4:17

hambu ukiwa welu wa ivi lushe wefikazinka waisiiza kutiγenyezeza utana ungi muno wekalama,

2. Wakolinto 4:5

Hambu nkatibilikila mbuli yetu, miya tibilikila kuti: Kilisito Yesu ni Zumbe, kangi ishwi ti watuṅwa wenye kwa mbuli ya Yesu.

2. Wakolinto 5:15

kangi azafa kwa mbuli ya woshe, kangwe awa we moyo washekiikaile wenye, miya wamwikaile yuja afileye, kangi afufukeye kwa mbuli yawe.

2. Wakolinto 5:20

Lushe tamγalukila Kilisito walau, viya Mulungu ṅwenye atemiitanga na vyanwa vyetu; kwa mbuli ya Kilisito tamihembeleza: Mtemekelwei Mulungu!

2. Wakolinto 6:4

Miya mwe mbuli zoshe takilesa kuti: Tiyamtumikila Mulungu, hambu tiyazizimiza vingi: Ukiwa, nkondo, lusoyoyo,

2. Wakolinto 7:4

Naisiiza kumialila, kangi namitogola kwa mbuli nyingi; moyo wangu uishangalale vitana, nyemi yangu yaisiiza kuγenela, hata ukiwa ukioneka ungi kwetu.

Waefeso 6:10

Kushilikiza wanduγu, kwa kuti mu wa Zumbe, tendai nguvu kwa iyo ntoγo ya ufuṅwa wakwe!

Wafilipi 1:29

Mwakundiziγwa, so kumtozesha Kilisito du, miya hata kulumiziγwa kwa mbuli yakwe, mkiomanyiγwa iyo nkondo, mweneyo,

Wakolose 1:24

Lushe naona nyemi na viya, nivyolumiziγwa kwa mbuli ya inywi, kangi viya vya ukiwa, Kilisito ashiγazevyo, na ṅwili wangu nivibontolezeza ṅwili wakwe, ni kuγamba bumbangwa, hambu ne nijotumikila kwa uja ufuṅwa,

2. Watesalonike 1:4

Kwa izi mbuli ishwi wenye tadaha kukiombola na inywi kwe mabumbangwa ya Mulungu, kuti mwazizimiza, kuti mwamtozesha mwe nkondo zenyu zoshe na mwe ukiwa woshe,

2. Timoteyo 3:11

na mizizimizize na miγulushiziγwe na milumilwe, sa viya niγoshwelwevyo Antiyokiya na Ikoniyo na Lisitila. Nkondo zeinga haja nizazizizimiza, kangi mwe zoshe Zumbe azaiṅvunila.

Yakobo 1:2

Wanduγu, longai kuti: Ni nyemi du, mkiγezwa ni mbuli nyingi na nyingi!

Mfumbulo 2:3

Una uzizimizi, uzafa muku kwa mbuli ya zina jangu, kangi nkutibuke.