2. Wakolinto 11:3 - Kishambala New Testament 2005

³ Miya sa nyoka imhosizevyo Ewa na ugila wakwe, naogoha vivyoho, hata ntongonyezi zenyu zishezatabaniγwa, mshedahe kumwalila Kilisito.

2. Wakolinto 11:3 ပူးပေါင်းရင်းမြစ်များ

Mateyo 24:24

Hambu Wakilisito wa ulongo na wateγanyi wa ulongo watazainuka, watazaγoshola vilozo na vimaka vikulu, waazaγanye, ati vyadahikana, hata waja washaγulwewo.

Yohana 8:44

Nini mkishetaila milongele yangu? Kwa kuti nkamdaha kuiva mbuli yangu. Inywi mwaanduka kwa ishe ywenyu, ni yuja ṅwenye leba, kangi mwakunda kuγoshola, ishe ywenyu avyoheheleziγwa ndivyo; yuja ne mkoma wantu hata kale, na viya vye kweli nkaikala navyo, kwa kuti ṅwenye vye kweli nkana navyo. Akilonga vye mambeza, alonga vyeanduka kwakwe ṅwenye, hambu ni mumambeza, ni ishe ja mambeza.

Waloma 12:8

ati ni kushunda, shuti ṅwenye ashundike; ati muntu apangila weyae, aviγoshole na viyuγo; ati ni mγolokezi, akihime; ati muntu afila weyae mbazi, shuti atunilwe ndivyo!

2. Wakolinto 1:12

Tivyokitogola wenye shivi: Kuti myoyo yetu yatilongela uwona, kuti tizaanga mwe inu shi kiṅazi na kikweli, so kwa viyuγo vya kiinushi, miya ni kwa mbazi ya Mulungu, hata kwenyu tizaisa kukihima navyo.

2. Wakolinto 11:20

Mwazizimiza, muntu akimiγalusha wapuna, akimija, akiγuwa vyenyu, akihikuka, akimitowa mwe vyeni.

2. Wakolinto 11:29

Hana mnyonge, imi nami si mnyonge? Hana mweihiziγwa, imi nkavinilumiza?

2. Wakolinto 2:17

Hambu ishwi nkatifanana na wangi watuhu wechuluza na mbuli ya Mulungu, miya tivyoanduka na ukweli, tivyoanduka kwa Mulungu, ne tivyolonga na kumwalila Kilisito, titaile kuti: Mulungu atiolela.

2. Wakolinto 4:2

miya mbuli zena shoni zekafishiγwa tizazitowa hulu, nkatianga na minyanyi, nkatibana mbuli ya Mulungu, miya tikilaviliza mbuli ze kweli tabunkula wenye myoyo yetu, itailwe ni moyo wa kila muntu mweanga na Mulungu.

Wagalatiya 1:6

Namaka kuti: Mwafikaushiγwa ha yuja amiitangeye kwa mbazi ya Kilisito, kuti: Mwatongela ulau wedi utuhu;

Wagalatiya 2:4

miya ne haina wanduγu wa ulongo wakiingizewo kinjamanjama, awa wazakigela na mumu, watinyatile kwa viya, tivyoanga kishiṅwiko kwa mbuli ya Kilisito Yesu, kuunga nezewatikundile miko.

Wagalatiya 3:1

Inywi Wagalatiya, mu wadashi! Mdahiγwe ni uγanga ani? Muzamwonyeshiγwa Yesu Kilisito, mumwone na mesho yenyu, avyokontelwa mwe muti.

Wagalatiya 4:11

Naogoha kwa mbuli ya inywi kuγamba: Hangi kwenyu nifile muku wa bule.

Waefeso 4:14

Tishezaikala tumala kinkebe tikivuviγwavuviγwa, tikizungulushiγwa ni mbuli, wantu wazohinya, zikihitukila sa mpeho yekunta, hambu ni za lwufyo na za mihembo ya wantu, kangwe watiazaγanye na minyanyi.

Waefeso 4:22

Kwa viya mwangilevyo kale, mwashei muntu ywa, kale mwekihosa na kutongela tamaa za lwufyo!

Waefeso 6:24

Mbazi iikaile woshe wemkundisha Zumbe ywetu Yesu Kilisito na kusheleγela! Amini.

Wakolose 2:18

Muntu ashemihoke tuvo jenyu akimikundila kukionyaonya kikiwa na kuvika walau; hambu akialila viya, ashienevyo, ahahikuka bule du kwa mbuli ya ntongonyezi zakwe za kimuntu.

Wakolose 2:4

Ivi nivilonga, kangwe kusheoneke mimtu mwemiazaγanya akihemba kulonga.

Wakolose 2:8

Olelai, kusheoneke mwemitaha na mbuli za utalizi na za ushimolezi wa wantu zena lwufyo lwa bule du! Hambu ni za kiinushi, so za Kikilisito.

1. Watesalonike 3:5

Kwa inu mbuli sidahile kunazizimiza, miya nizaiuma, kangwe nitaile, mitozesheze yenyu ilivyo, ati yuja mtakuγeza azamiγeza, ati muku wetu uzaγaluka wa bule.

1. Timoteyo 1:3

Ne nikikuhimila haja nikihita Makedoniya uhumule Efeso, ulaγilize wantu,

1. Timoteyo 2:14

Kangi Adamu siye aufiγweye, miya mvyele ne aufiγweye, ne alongoleye kubana.

2. Timoteyo 3:13

Miya wantu wabada weazaγanyg weyae wawe wataγesa mbuli yawe na habada, hambu kwa viya wavyohosa, wohe watazakihosa.

Tito 1:10

Hambu washiwoitika ni wangi, welonga mbuli za bule du, weazaγanya weyae wawe, weisiiza ivyoho ni waja washengiγwewo.

Waebuleyo 13:9

Msheazaγanyiγwe mkihinyiγwa mbuli nyingi ngeni! Hambu vyatamisha, moyo ukitenda nguvu kwa mbazi, so kwa miko ya nkande, hambu waja waibashizewo nkawana waonelevyo navyo.

2. Petelo 3:17

Miya inywi wanduγu, mkivitaila, vishizati vilawile, kiγojeshei, kangwe nenywi mshezaazaγanyiγwa ni lwazaγanyo lwa wantu wawiwi, mkiasha vyeminka nguvu!

2. Petelo 3:3

Bosi tailai inu mbuli kuti: Mishi ija ya bindilizo kutazalawila wafyosi wena ufyosi ubada, wetongela luzisho lwawe lwoshe, angwe:

1. Yohana 2:18

Wanangu, inu mishi ya bindilizo; sa mwivilevyo kuti: Mwemwomanya Kilisito aiza, ivi lushe wazaγenela wemwomanya Kilisito, ne tihotaila kuti: Inu ni mishi ya bindilizo.

1. Yohana 4:1

Wanduγu, mshetozeshe mpeho zoshe, miya γezai mpeho, ati zianduka kwa Mulungu! Hambu kunu shi kuzalawila wabilikizi wangi wa ulongo.

Yuda 1:4

Hambu kuna wantu kuṅwe waingilewo kinjamanjama, wagondelwawo kale mlaho wawe, kuti wamweza Mulungu, wakitenda uhambanyi waγamba: Mulungu ywetu ana mbazi, hata tikitenda mijiile mibada; kangi yuja Zumbe ike, Zumbe ywetu Yesu Kilisito, wamwikila nkani.

Mfumbulo 12:15

Jiya zoka jizalavya mazi mwe kanwa chakwe, viya ni muto, jizayamtambikila yuja mvyelengwa, kangwe jimunywilimize.

Mfumbulo 12:9

Ijo zoka kulu ni ija nyoka ya kale yeitangwa ṅwenye leba haidu Satani, kangi ne mweazaγanya ngulu ngima; lushe azatambikwa haṅwe naye.

Mfumbulo 20:2

Azagwila jiya zoka, ni ija nyoka ya kale, ni ṅwenye leba, kangi ni Satani, azamshunga mavuli kulija,