2. Wakolinto 11:13 - Kishambala New Testament 2005

¹³ Hambu we ivyoho ni ntuṅwa za ulongo, ni wandima wena lwufyo, wakionyaonya, viya ni ntuṅwa za Kilisito.

2. Wakolinto 11:13 ပူးပေါင်းရင်းမြစ်များ

Mateyo 25:24

Vikibinda kuzaiza yuja ainkiγweye mziγo muṅwe wa feza, azalonga: Zumbe, nizakutaila kuti: U muntu mwena ntoγo, uhaγobola ushihandileho, uhaγuwa ushimyaγileho.

Ntuṅwa 15:1

Kuṅwe wazalawa Yudeya, wazasheela na uko, wazafuza waja wanduγu kuγamba: Mkisheshengwa kwa msimo wa Mose nkemdshe kuvunilwa.

Ntuṅwa 15:24

Tizaiva, kuti weshu kuṅwe wazamiazaγanya na kugela myoyo yenyu futofuto, miya nkatiwalaγilize ivyoho.

Ntuṅwa 20:30

Hata kwenyu kuṅwe newainuke, wabilikile mbuli zishiteγanazo, wahune wahinangwa na kwawe, wawatongele.

Waloma 16:18

Hambu we ivyoho nkawamtumikila Zumbe, watumikila mafu yawe, wazifya kulonga mbuli nyingi vitana, ne wavyoufya myoyo ya waja washinawo mambeza.

2. Wakolinto 11:15

Lushe ni mbuli ani nkulu, wemtumikila wohe wakikionyaonya viya watatumikila mbuli za utanda. Bindihzo jawe jitazaivana na miγoshwele yawe.

2. Wakolinto 2:17

Hambu ishwi nkatifanana na wangi watuhu wechuluza na mbuli ya Mulungu, miya tivyoanduka na ukweli, tivyoanduka kwa Mulungu, ne tivyolonga na kumwalila Kilisito, titaile kuti: Mulungu atiolela.

2. Wakolinto 4:2

miya mbuli zena shoni zekafishiγwa tizazitowa hulu, nkatianga na minyanyi, nkatibana mbuli ya Mulungu, miya tikilaviliza mbuli ze kweli tabunkula wenye myoyo yetu, itailwe ni moyo wa kila muntu mweanga na Mulungu.

Wagalatiya 1:7

kangi nkakuna utuhu, kuna du wemiazaγanya, wekunda kubana ulau wa Kilisito.

Wagalatiya 2:4

miya ne haina wanduγu wa ulongo wakiingizewo kinjamanjama, awa wazakigela na mumu, watinyatile kwa viya, tivyoanga kishiṅwiko kwa mbuli ya Kilisito Yesu, kuunga nezewatikundile miko.

Wagalatiya 4:17

Waja wavyomihimila, nkavitama, miya wakunda kumiusha, kangwe mkihime kwa mbuli yawe.

Wagalatiya 6:12

Wekunda, mtamilwe ndiwo kiinushi, ue wemikundila kushengwa, so kwa mbuli ntuhu, ni kwa kuγamba: Washezalumila kwa mbuli ya mutingwa wa Kilisito!

Waefeso 4:14

Tishezaikala tumala kinkebe tikivuviγwavuviγwa, tikizungulushiγwa ni mbuli, wantu wazohinya, zikihitukila sa mpeho yekunta, hambu ni za lwufyo na za mihembo ya wantu, kangwe watiazaγanye na minyanyi.

Wafilipi 3:18

Hambu wangi waanga, sa nivyomiγambila kangi muno, miya lushe nalonga na kulila kuti: Niwankuluwa muti Kilisito akomiγwewo nawo.

Wafilipi 3:2

Γojeshai makuli! Γojeshai wandima wabada! Γojeshai wehakishengela!

Wakolose 2:4

Ivi nivilonga, kangwe kusheoneke mimtu mwemiazaγanya akihemba kulonga.

Wakolose 2:8

Olelai, kusheoneke mwemitaha na mbuli za utalizi na za ushimolezi wa wantu zena lwufyo lwa bule du! Hambu ni za kiinushi, so za Kikilisito.

1. Yohana 2:18

Wanangu, inu mishi ya bindilizo; sa mwivilevyo kuti: Mwemwomanya Kilisito aiza, ivi lushe wazaγenela wemwomanya Kilisito, ne tihotaila kuti: Inu ni mishi ya bindilizo.

1. Yohana 4:1

Wanduγu, mshetozeshe mpeho zoshe, miya γezai mpeho, ati zianduka kwa Mulungu! Hambu kunu shi kuzalawila wabilikizi wangi wa ulongo.

Yuda 1:4

Hambu kuna wantu kuṅwe waingilewo kinjamanjama, wagondelwawo kale mlaho wawe, kuti wamweza Mulungu, wakitenda uhambanyi waγamba: Mulungu ywetu ana mbazi, hata tikitenda mijiile mibada; kangi yuja Zumbe ike, Zumbe ywetu Yesu Kilisito, wamwikila nkani.

Mfumbulo 19:20

Ne ihogwilwa ija nyama haṅwe na mubilikizi ywa ulongo, ndiye akiγoshola viya vilozo he mesho yakwe, aazaγanyevyo navyo waja wakigezilewo nyindi ja ija nyama na kuvika kinyuwa chakwe. Wake moyo, awa waili wazatambikwa na mwe ziwa ja moto uvanganewo na vibilitibiliti.

Mfumbulo 2:2

Nataila miγoshwele yako na lulali na uzizimizi wako; nataila, kuti nkuivana na wawiwi, uzawaγeza waja weγamba, kuti ni ntuṅwa, kangi siwo, uzawabunkula kuti: Ni wa mambeza.

Mfumbulo 2:20

Miya nakushunda, kuti wamleka du yuja mvyelengwa mweitangwa Izebeli, mwekiitanga mubilikizi, mweazaγanya wapuna wangu na kuwahinya kutenda kilanga na kuja nyama za fika.

Mfumbulo 2:9

kangi afufukaye: Nataila nkondo zako na ukiwa wako, kangi u mzuli; nataila, uvyokankwa ni waja wekiitanga Wayuda, kangi siwo; ni wahina wa Satani.