2. Wakolinto 1:19 - Kishambala New Testament 2005

¹⁹ Hambu ṅwanangwa ywa Mulungu, Kilisito Yesu, ndiye akibilikilwa kwenyu ni shwiyo, imi na Silwano na Timoteyo, uyu Yesu nkatendile ndivyo na sivyo, miya mwe uyu mzaoneka ndivyo.

2. Wakolinto 1:19 ပူးပေါင်းရင်းမြစ်များ

Mateyo 17:5

Akelonga, kuzaiza zunde, jina langaila, jizawagwishiliza mpungo, kangi muja mwe zunde muzalawa kanwa angwe: Uyu ni ṅwanangu, niyemkundisha, niyemtamilwa, mwivei!

Mateyo 24:35

Lwingu nezelubanike, hata inu shi, miya mbuli zangu nkezezibanike.

Mateyo 27:40

Iwe wechakula vikilongwa na kujizenga mishi mitatu, kihonye ṅwenye! Ati u ṅwana Mulungu, sheela mwe muti!

Mateyo 27:54

Mγolokezi ywa washilikali na waja, awona nawo, wakimγoja Yesu, wakiona uja mdidimo na viya vituhu vionekevyo, wazaingiiwa ni woγa ukulu, wazaγamba: Kweli uyu ne al ṅwana Mulungu.

Mateyo 3:17

kangi aho hazalawa kanwa mwe lwingu angwe: Uyu ni ṅwanangu, niyemkundisha, niyetamilwa ndiye.

Mateyo 4:3

Ne mtakuγeza ahomwizila angwe: Ati u ṅwana Mulungu, longa, aya mawe yaγaluke nkande!

Maliko 1:1

Chandilo cha ulau wa Yesu Kilisito, ṅwana Mulungu, shichi:

Luka 1:35

Hambu sitaila mγoshi? Yuja mlau azamlandula angwe: Mpeho mṅazi atakuizila, nguvu ya yuja mwe uko ulanga itakuγubika, viya ni zunde; kwa ivyoho yuja, ndiye avyalwe ni weyo, ataitangwa mṅazi, kangi ṅwana Mulungu.

Yohana 1:34

Nami nizaviona, ne nilongelevyo uwona kuti: Uyu ni ṅwana Mulungu.

Yohana 1:49

Angwe ni Natanayeli: Mkulu, iwe u ṅwana Mulungu, iwe u Zumbe ywa Isilayeli!

Yohana 19:7

Wayuda wazamlandula: Ishwi tina kitigo chetu, kwa ichi kitigo shuti akoṅwe, hambu azakiγalusha ṅwana Mulungu.

Yohana 20:28

Toma azahitula angwe: Zumbe ywangu na Mulungu ywangu!

Yohana 20:31

Izi zigondiγwe, kangwe mtozeshe kuti: Yesu ni Kilisito, ṅwana Mulungu, kangwe kuja kutozesha kwenyu mwonele nako nkalamo ye mwe zina jakwe.

Yohana 3:16

Hambu Mulungu azaikundisha inu shi, akimwinkila ṅwanae mwe ike, kangwe ndiye amtozeshe ashezaaγa, miya nezeainkwe nkaiamo ya kale na kale.

Yohana 6:69

Kangi ishwi tiitozeshe, tiitaile kuti: Iwe u mṅazi ywa Mulungu.

Yohana 8:58

Yesu azawati: Kweli namiti: Abulahamu ashizati avyalwe, imi ni haho.

Ntuṅwa 15:22

Ne ntuṅwa na waγolokezi wahoivana na bumba joshe kushaγula weyae wawe kuṅwe na kuwatuma Antiyokiya haṅwe na Paulo na Balinaba, ni Yuda mweitangwa Balisaba na Sila, ni waγoshi wena kilango kitana kwa wanduγu. Wazagonda baluwa,

Ntuṅwa 16:1

Azahita kwa bula Delibe na Lisitila; kuja kuna mhina mweitangwa Timoteyo, nine ni mvyele ywa Kiyuda mwetozesha, ishe ni Mgiliki,

Ntuṅwa 18:5

Sila na Timoteyo walawilewo Makedoniya wakibula, Paulo azatoziγwa ni iyo mbuli ya kulonga uwona kwa Wayuda kuti: Yesu ni yuja Kilisito.

Ntuṅwa 8:36

Wakihita sila du, wazabula he mazi, ne yuja mfuṅwa ahomγamba: Kaula, aha hana mazii Vyefingiza, nishebatizwe, ni mbwai?

Ntuṅwa 9:20

Mishi kuṅwe azaikala na wahina kuja Damasiko; haho azabilikila mwe mavikilo mbuli ya Yesu kuti: Uyu ni ṅwanangwa ywa Mulungu.

2. Wakolinto 1:1

Imi Paulo nigimbikweye ntuṅwa ya Kilisito Yesu kwa viya, Mulungu akundilevyo, na mnduγu Timoteyo, tamigondela baluwa inywi wa humbangwa ja Mulungu je uko Kolinto haṅwe na waṅazi woshe we mwe shi ngima ya Akeya.

1. Watesalonike 1:1

Paulo na Silwano na Timoteyo tagondela bumbangwa ja Watesalonike baluwa jeanga na Mulungu Tate na Zumbe Yesu Kilisito: Mbazi imiikaile na mpeho yeanduka kwa Mulungu, Tate yweshu, na kwa Zumbe Yesu Kilisito!

2. Watesalonike 1:1

Paulo na Silwano na Timoteyo tagondela bumba ja Walesalonike baluwa jena Mulungu, Tate yweshu, na Zumbe Yesu Kilisito:

1. Timoteyo 3:16

Woshe waivana kuγamba: Kihili kikulu cha waja wemwitika Mulungu shichi: kuna alawileye mwe ṅwili wa kimuntu, azalesiγwa kuti aha mpeho, kuti ni mtanda, azalawila walau, azahilikilwa kwa wamzimu, azaona wemtozesha kunu shi, azainulwa na mwe utana wakwe.

Waebuleyo 1:11

ivi viyabanika, miya iwe wakalama, ivi vyoshe vitazashakala, viya ni shuke;

Waebuleyo 13:8

Yesu Kilisito alivyo γulo na lelo, ne alivyo bata kale hoshe.

1. Petelo 5:12

Nizamigondela hadodo na mnduγu Silwano, niyemtala kuti: Ni mkweli, nizamishangalaza, kangi nizamionyesha kuti: Mbazi ya Mulungu ye kweli ni iyo, muyoikaila.

2. Petelo 1:17

Hambu azashimilwa, azagimbikwa ni ishe Mulungu haja, akizalawila ni ichi kanwa chilawilecho kwe uja uṅazi ukulu muno cha kuγamba: Ṅwanangu niyemkundisha ni uyu, ne mwenitamila:

1. Yohana 1:3

Lushe viya, tienevyo, tiivilevyo, tavimibilikila hata inywi, kangwe inywi nenywi mtende mwangilano na ishwi; kangi mwangilano wetu una Tate na ṅwanae Yesu Kilisito.

1. Yohana 5:20

Tataila kuti: Ṅwana Mulungu azaiza, azatinka lutwi, timtaile yuja mwe kweli. Kangi taanga na yuja mkweli na ṅwanae Yesu Kilisito. Uyu ni Mulungu mwe kweli na nkalamo ya kale na kale.

2. Yohana 1:9

Kila mwezisa, ashiyeanga sa viya, Kilisito ahinyizevyo, uyu Mulungu nkana naye; miya mweanga sa viya, Kilisito ahinyizevyo, uyu Tate ana naye, hata Ṅwanae.

Mfumbulo 1:11

Uvyoona vigonde mwe kitabu, uchitume kwe yaja mabumba mfungate uko Efeso, Similina, Peligamo, Tiyatila, Salide, Filadelifiya, Lawodikiya!

Mfumbulo 1:17

Nikimwona nizakina he milundi yakwe, viya nitefa. Azanibadikila mkono wakwe wa kulume angwe.

Mfumbulo 1:8

Imi ni A na O, ni kuγamba: Chandilo na hindilizo, ne avyolonga Zumbe Mulungu mwe haha, ndiye ai habo, ndiye nezealawile, mwena nguvu zoshe.

Mfumbulo 2:18

Mlau ywa bumbangwa ja Tiyatila umgondele kuγamba: Ne avyolonga Ṅwanangwa ywa Mulungu, mwena mesho yakwe yefanana na bilibili ja moto, kangi milundi yakwe ifanana na ṅandu: