2. Petelo 2:3 - Kishambala New Testament 2005

³ Kwa luzisho lwawe lwa mali watazamichuluza, miya mlaho wawe hata kale nkaukisa, kubanika kwawe nkakukawa.

2. Petelo 2:3 ပူးပေါင်းရင်းမြစ်များ

Mateyo 23:14

We ukiwa ni nywiyo watabaluwangwa na Mafaliseyo! Mwahemba inywi, kwa kuti mwaja nyumba za wavyelengwa wafilwewo ni waγoshi, kangi mwakionyaonya, viya mtaisiiza kuwahembelezeza! Kwa ivyoho mtazalahwa masa yezinka ya wenyu.

Luka 18:8

Namiti: Atafikawavunila kinyanyi. Kumbe ṅwanangwa ywa muntu akizaiza neaone wemtozesha kunu shi?

Luka 20:20

Wazamγoj aγoja, wazatuma, ndiwo wamnyatile, wekionyaonya viya watatozesha, kangwe wamgwize na mbuli, ndiyo alonge, wadahemwinkila kitala na bomani kwa mtoza shi. Wazamwuza angwe:

Luka 22:47

Akelonga, akiolela, azaona wantu; kangi yuja mweitangwa Yuda, ṅwiyae ja waja kumi na waili, aiwalongwele, azamubasha Yesu, afyosane naye milomo.

Yohana 2:16

waja wetaγa visuwa manga azawati: Viushei aha! Nyumba ya Tate msheiγalushe nyumba ya uchuluzi!

Waloma 16:18

Hambu we ivyoho nkawamtumikila Zumbe, watumikila mafu yawe, wazifya kulonga mbuli nyingi vitana, ne wavyoufya myoyo ya waja washinawo mambeza.

2. Wakolinto 2:17

Hambu ishwi nkatifanana na wangi watuhu wechuluza na mbuli ya Mulungu, miya tivyoanduka na ukweli, tivyoanduka kwa Mulungu, ne tivyolonga na kumwalila Kilisito, titaile kuti: Mulungu atiolela.

1. Watesalonike 2:5

Hambu nkatalongile na upepe, sa muvyotaila, kangi nkatakionyizeonyize, viya titefisha mimotele, aho Mulungu ni mwona ywetu;

1. Watesalonike 5:3

Hambu wakiγamba: Kuna mpolele, nkakuna nkondo, ne ndiho mubaniko uwatutukanye, sa mvyele mwena nda avyoizilwa ni kulumilwa kwakwe, nkewadahe kunyilika.

1. Timoteyo 3:3

ashinaye lushuγushu, mwena uhozu, mweivana na weyae, ashiyekundisha mali,

1. Timoteyo 3:8

Vivyoho hata watumikizi waγaluke wantu wegimbikwa, washilongawo masha maili, washiwotamilwa ni mpombe nyingi,

1. Timoteyo 6:5

viya ni wantu wetalaluka; washinawo kweli hata, weγamba: Kumwitika Mulungu ni kuonela mali. We ivyoho uwatowe hulu!

Tito 1:11

Awa vyaagiza kuwashitila vyanwa, hambu wachakula nyumba ngima wakihinya vishivyoagiza, kangwe waonele mali, unu ne mulimo wawe mubada.

Tito 1:7

Mwolezi shuti aγaluke muntu mwena kilango kitana, hambu ni mfuṅwa ywa Mulungu; ashetende utungulu na nkunguka na unywezi na nkumbizi na milimo mibada,

1. Petelo 2:8

wazengo wabentilejo, ni jijo jewaγalukila shikamilo ja heta na iwe ja kukikwila na kungu ja kuihilwa; wakikwila mumo, kwa kuti nkawaitika mbuiingwa, kangi ne waikilwevyo.

1. Petelo 5:2

Lishai ifyongwa ja Mulungu je kwenyu, so kwa ntoγo, miya kwa kukunda wenye, so kwa upokezi ushiwotama, miya kwa kutamilwa,

2. Petelo 1:16

Hambu ishwi nkatitongela ushimolezi, wantu wawohemba kuuteγa, miya titemionyesha, nguvu ya Zumbe ywetu Yesu Kilisito na miuyiye yakwe ilivyo, kangi ishwi tizaγaluka waona wa uja ufuṅwa.

2. Petelo 2:1

Kangi ne mwina wabilikizi wa ulongo mwe mbalingwa, vivyoho hata kwenyu wafuzi wa ulongo watazaoneka, awa wataingiza kinjama mihinyize yehosa, kangi yuja Zumbe awakombolaye wamwikila nkani, ne wavyokihosa wenye, wafikebanika.

2. Petelo 2:9

Miya wemwogoha, Zumbe ataila kuwavunila mwe miγezo, kangi wawiwi awaika, walahwe mushi wa masa.

Yuda 1:11

Wana mlaho, kwa kuti watongela sila ya Kaini, waazaγanyiγwa wakiufiγwa ni upokezi wa Bileyamu, wabanika kwa mbuli ya nkani sa ziya za Kola.

Yuda 1:15

masa na kwa laha woshe na kwa ifya woshe wamwezizewo Mulungu kwa mbuli za lwezo lwawe, wamwezizelo nalo, na kwa mbuli zoshe za ntoγo, wahuza wawiwi wamlongilezo.

Yuda 1:16

Awa ni wenoṅoneza, weihilwa ni mbuli zoshe, wetongela kihelehele chawe du, welonga na vyanwa vyawe mbuli za mahiku, watogola wantu, wenye wai haho, kangwe wainkwe.

Yuda 1:4

Hambu kuna wantu kuṅwe waingilewo kinjamanjama, wagondelwawo kale mlaho wawe, kuti wamweza Mulungu, wakitenda uhambanyi waγamba: Mulungu ywetu ana mbazi, hata tikitenda mijiile mibada; kangi yuja Zumbe ike, Zumbe ywetu Yesu Kilisito, wamwikila nkani.

Yuda 1:7

Sodoma na Gomola na mizi yawe ye nkandai iγosholeyo kilanga sa viyaho, ikitenda luzisho na mili miγeni, haho iilahiγwe, itionyeshe, mlaho wa moto wa ukalami ulivyo.