1. Yohana 4:4 - Kishambala New Testament 2005

⁴ Miya inywi muanduka kwa Mulungu; wanangu, mwiwavotile waja, hambu yuja muyena naye ni mkulu kumzinka yuja, inu shi iyena naye.

1. Yohana 4:4 ပူးပေါင်းရင်းမြစ်များ

Yohana 12:31

Ivi lushe ni mishi ya kulaha inu shi; ivi lushe zumbe ywa inu shi inga ashindikwe na se.

Yohana 14:30

Senilonge na inywi mbuli nyingi, hambu zumbe ywa inu shi aiza, kangi nkana nguvu na imi,

Yohana 16:11

kwa mbuli ya mlaho, kwa kuti zumbe ywa inu shi ailahiγwe.

Yohana 17:23

Imi naikala nawo, nawe waikala na imi, kangwe mbuli yawe ibontoke, wakiγaluka muṅwe kweli, kuti uzawakundisha, sa unikundishevyo imi.

Waloma 8:31

Lushe ivi vyoshe tiviγambe ze? Ati tina Mulungu, ndiye atidahe, ni ndai?

Waloma 8:37

Miya mwe ivi vyoshe taisa kuvota kwa mbuliyayuja mwetikundisha.

1. Wakolinto 2:12

Miya ishwi nkatiinkiγwe mpeho ya kiinushi, tiinkiγwe mpeho yeanduka kwa Mulungu, kangwe titaileviya, tivyofilwa mbazi navyo ni Mulungu.

1. Wakolinto 6:13

Nkande ni za ifu; kangi ifu ni ja nkande, Mulungu ne ndiye abane vyoshe vili; miya ṅwili so wa kilanga, ni wa Zumbe, kangi Zumbe ni ṅwenye ṅwili.

2. Wakolinto 4:4

hambu Mulungu ywa inu shi azachusha myoyo ya waja washiwotozesha, kangwe washemuhilikilwe ni langaila jelawa kwe uja ulau wedi wa Kilisito mwefahana na Mulungu.

2. Wakolinto 6:16

Kangi ishwi ti vikilo ja Mulungu mwe moyo, sa Mulungu alongilevyo: Nezeniikale mwawe, niangilane nawo, nezeniwaγalukile Mulungu ywawe, wohe nezewaniγalukile mbali yangu.

Waefeso 2:2

mwangilewo nawo kwa misimo ya inu shi na kwa nguvu ya yuja mwena ufuṅwa kunu shi, ni ija mpeho yehimila nguvu yakwe mpaka inu mishi kwa wanangwa wepapalika.

Waefeso 3:17

kangwe Kilisito aikale mwe myoyo yenyu kwa viya muvyotozesha, kwa kuti mzakundishiγwa, msheleze mazindo, mshikiziγwe ndiyo,

Waefeso 6:10

Kushilikiza wanduγu, kwa kuti mu wa Zumbe, tendai nguvu kwa iyo ntoγo ya ufuṅwa wakwe!

1. Yohana 2:1

Wanduγu, ivi navimigondela, kangwe mshebane. Kangi ati kwaoneka mwebana, tina mulongezi kwa Tate, ni Yesu Kilisito mwena utanda.

1. Yohana 2:13

Namigondela inywi watate, kwa kuti muzamtaila yuja ywa kivoko; namigondela inywi wabwanga, kwa kuti muzamvota yuja mubada.

1. Yohana 3:20

ati myoyo yetu yakunda kutilaha kuti: Mulungu ni mkulu kuzinka myoyo yetu, kangi ataila vyoshe.

1. Yohana 3:24

Mwetozesha milaγilizo yakwe, ne mweanga naye, vituhu yuja aanga na uyu. Kwa inu mbuli tataila, kuti aanga na ishwi, kwa mpeho yakwe atinkileyo.

1. Yohana 4:13

Ati taikala naye, kangi ati aikala na ishwi, tavitaila na inu mbuli, kuti azatipangila mpeho yakwe.

1. Yohana 4:16

Ishwi tizataila, tizatozesha lukundisho, Mulungu alotikundisha nalo; Mulungu ni lukundisho, lushe muntu mwe lukundisho aikala na Mulungu, kangi Mulungu aikala naye.

1. Yohana 4:6

Miya ishwi tianduka kwa Mulungu; mwemtaila Mulungu atiiva, ashiyeanduka kwa Mulungu nkatiiva. Ne tivyotaila navyo mpeho ya nkweli na mpeho ya lwazaγanyo.

1. Yohana 5:19

Tataila, kuti tianduka kwa Mulungu, miya inu shi ngima ni ya kubanika.

1. Yohana 5:4

Vyoshe vivyelwevyo ni Mulungu vyavota inu shi; tivyovota navyo inu shi shivyo: Ni kutozesha kwetu.

Mfumbulo 12:11

Weoye wazamvota kwa nguvu ya mpome ya yuja ṅwangoto na nguvu ya mbuli ya uwona wawe, kangi ne washikikundisha shuti kufa.