1. Yohana 4:2 - Kishambala New Testament 2005

² Na inu mbuli mtataila mpehongwa ya Mulungu: Mpeho zoshe zelaviliza kuti: Yesu Kilisito aizile na ṅwili wa kimuntu, zianduka kwa Mulungu,

1. Yohana 4:2 ပူးပေါင်းရင်းမြစ်များ

Yohana 1:14

Mbulingwa izaγaluka muntu, izaikala kwetu; tizaona utana wakwe, ni utana viya wa ṅwana avyelweye ike ni ishe, hambu aigisize mbazi na kweli.

1. Wakolinto 12:3

Ne vyeleka, nikimiukwila kuti: Nkakuna mwelonga kwa mpehongwa ya Mulungu akimkanka Yesu, kangi nkakuna mwedaha kumwitanga Yesu Zumbe, ati mpeho ṅazi nkana nayo.

1. Timoteyo 3:16

Woshe waivana kuγamba: Kihili kikulu cha waja wemwitika Mulungu shichi: kuna alawileye mwe ṅwili wa kimuntu, azalesiγwa kuti aha mpeho, kuti ni mtanda, azalawila walau, azahilikilwa kwa wamzimu, azaona wemtozesha kunu shi, azainulwa na mwe utana wakwe.

1. Yohana 1:2

Nkalamo izalawila, tizaiona, tailongela uwona, taimibilikila ija nkalamo ya kale na kale; ne ii kwa Tatc, miya izatilawila.

1. Yohana 2:23

Kila mwemkeleza Ṅwana nkani, hata Tate nkana naye, miya mwemlanga Ṅwana cha sale, hata Tate ana naye.

1. Yohana 4:15

Lushe mwelaviliza kuti: Yesu ni ṅwanangwa ywa Mulungu, ne Mulungu ayeikala naye, kangi ṅwenye aikala na Mulungu.

1. Yohana 4:3

miya mpeho zoshe zishizolaviliza kuti: Yesu Kilisito aizile na ṅwili wa kimuntu, nkazianduka kwa Mulungu, kangi inu ni mpeho yuja mtakumwomanya Kilisito, mwivileyo, kuti yaiza, kangi ivi lushe i mumu mwe inu shi.

1. Yohana 5:1

Kila mwetozesha kuti: Yesu ni Kilisito, aivyelwe ni Mulungu, kangi kila mwemkundisha muvyazi ywakwe amkundisha hata ṅwiyae mwevyalwa ndiye.

2. Yohana 1:7

Hambu waazaγanyi wangi wazaingila mwe inu shi washiwolaviliza kuti: Yesu Kilisito aizile na ṅwili wa kimuntu; mwe ivyoho ni mwazaγanyi, ne mwemwomanya Kilisito.