1. Yohana 4:12 - Kishambala New Testament 2005

¹² Nkakuna amweneye Mulungu; miya tikikundishana, Mulungu aikala kwetu, kangi lukundisho lwakwe lwabontoka kwetu.

1. Yohana 4:12 ပူးပေါင်းရင်းမြစ်များ

Yohana 1:18

Muntu nkamwene Mulungu kale hoshe; ṅwanangwa avyelweye ike, ndiye akiikala na kukaambatwa ni ishe, ne atiγambileye.

1. Wakolinto 13:13

Lushe vyekalama ni kutozesha, ni kualila, ni kukundisha, ivi vitatu du; miya vyeisiiza vikulu ni kukundisha.

1. Timoteyo 1:17

Zumbe ywa ukalami woshe ashiyebanika, ashiyeoniγwa, ni Mulungu ike, agimbikwe, atogolwe kale na kale! Amini.

1. Timoteyo 6:16

uyu ike nkafa, aikala he langaila hashihobulikana, nkakuna muntu amweneye, kangi nkakuna mwedaha kumwona, uyu agimbikwe, kuti nguvu yakwe ni ya kale na kale! Amini.

Waebuleyo 11:27

Kwa mitozesheze yakwe azalawa Egiputa, nkaogohe maya ya zumbe; hambu yuja ashiyeoniγwa azamtozesha, viya atemwona.

1. Yohana 2:5

miya mwetozesha mbuli yakwe, uyu lukundisho lwa Mulungu lwamubontokela kweli. Na inu mbuli tataila, kuti tina naye.

1. Yohana 3:24

Mwetozesha milaγilizo yakwe, ne mweanga naye, vituhu yuja aanga na uyu. Kwa inu mbuli tataila, kuti aanga na ishwi, kwa mpeho yakwe atinkileyo.

1. Yohana 4:16

Ishwi tizataila, tizatozesha lukundisho, Mulungu alotikundisha nalo; Mulungu ni lukundisho, lushe muntu mwe lukundisho aikala na Mulungu, kangi Mulungu aikala naye.

1. Yohana 4:20

Ati muntu aγamba: Namkundisha Mulungu, kangi amshuka mnduγu ywakwe, ni mulongo, hambu akishemkundisha mnduγu ywakwe, ayemwona, atadaha zeze kumkundisha Mulungu, ashiyemwona?

1. Yohana 4:6

Miya ishwi tianduka kwa Mulungu; mwemtaila Mulungu atiiva, ashiyeanduka kwa Mulungu nkatiiva. Ne tivyotaila navyo mpeho ya nkweli na mpeho ya lwazaγanyo.