1. Yohana 3:12 - Kishambala New Testament 2005

¹² Viya vya Kaini sivyo, azaanduka kwa yuja mubada, azamkoma nduγuye. Kangi amkomele mbuli ani? Kuti miγoshwele yakwe ni mibada, miya ya nduγuye ni ya utanda.

1. Yohana 3:12 ပူးပေါင်းရင်းမြစ်များ

Mateyo 13:19

Kila muntu akiiva mbuli ya Mulungu, akisheitaila, yuja mubada aiza, amhoka viya vimyaγiγwevyo mwe moyo wakwe.

Mateyo 13:38

Lubuwa ni ngulu ngima; ija mbeyu ntana ni wenye uzumbengwa, ziya fovo ni wana wa yuja mubada.

Mateyo 23:35

ndimo waingile, kangwe mwingile mwe masa yoshe ya mpome ya watanda iitilweyo kunu shi, kuandiila kwe mpome ya Abeli, hambu ne ai mtanda, mpaka kwe mpome ya Zakaliya, ṅwana Balakiyo, mumkomileye haja he vikilo na he okelo ja ṅombe za mviko gati.

Mateyo 27:23

Pilato awati: Abanilei? Miya waja wazaisiiza kukema angwe: Akatakontelwa mwe muti!

Mateyo 5:37

Mkilonga: Ndivyo, shuti ndivyo kweli! Mkilonga: Sivyo, shuti sivyo kweli! Vyezinka aho, viandusha vibada.

Luka 11:51

kuandiila kwe mpome ya Abeli mpaka kwe mpome ya Zakaliya akomiγweye haja he okelo ja ṅombe za mviko na he nyumbangwa gati. Kweli namiti: Inu mbali nezeivitiγilwe.

Yohana 10:32

Yesu azawalandula angwe: Nizamionyesha ndima ntana nyingi ziandukezo kwa Tate, ni ndima ani yeleka, mkinihomela mawe?

Yohana 8:40

Miya lushe mwalonda kunikoma imi muntu nimiγambileye vye kweli, niivilevyo kwa Tate. Abulahamu nkaγoshoh ivyoho.

Yohana 8:41

Inywi mwaγoshola ndima za ishe ywenyu. Angwe ndiwo: Nkativyelwe kihuza, tina tate yweshi muṅwe, ni Mulungu.

Ntuṅwa 7:52

Ni mteγanyingwa yuhi, walate zenyu washimγulusheye? Wazawakoma waja wabilikilewo aho kale, mbuli ya uyu mtanda ndivyo ibontoke; ne yuja, mumwinkileye mishi inu, mumkomileye;

1. Watesalonike 2:14

Hambu inywi, wanduγu, mzatongela mabumbangwa ya Mulungu yeanga na Kilisito Yesu mwe shi ya Yudeya, kwa kuti hata inywi ne mkilumiziγwa ni mbali yenyu, sa viyaho waja wavyolumiziγwa ni Wayuda;

Waebuleyo 11:4

Abeli kwa mitozesheze yakwe azalavya ṅombe ya mviko yekuia kuzinka ija ya Kaini, ne ilekileyo, akilongwa uwona kuti: Ni mtanda; hambu Mulungu azakunda viya, alavizevyo.

Waebuleyo 12:24

Hata Yesu mwetiletela kilaγa kihya mzamubwila na mpome ya hozeza yelonga na nguvu kuzinka mpome ya Abeli.

1. Petelo 4:4

Kwa izi mbuli waja washentuka, kuti nkamwanga nawo na kushekolelwa vivyoho ni uwo mumelo, ne vyeleka, wakimikanka.

1. Yohana 3:8

Mweγoshola uhuza aanduka kwa Satani, hambu uyu Satani abana nko kivoko koshe. Ne Ṅwanangwa ywa Mulungu alawilevyo, kangwe achakule ndima za Satani.

Yuda 1:11

Wana mlaho, kwa kuti watongela sila ya Kaini, waazaγanyiγwa wakiufiγwa ni upokezi wa Bileyamu, wabanika kwa mbuli ya nkani sa ziya za Kola.

Mfumbulo 17:6

Nizaona, yuja mvyele akinywa mpome ya waṅazi na mpome ya waona wa Yesu; nizamaka nikiona ichi kimaka kikulu.