1. Yohana 3:10 - Kishambala New Testament 2005

¹⁰ Kwa inu mbuli wana Mulungu na wana Salani wabunkuka: Kila ashiyetenda utanda nkaanduka kwa Mulungu, hata yuja ashiyemkundisha mnduγu ywakwe.

1. Yohana 3:10 ပူးပေါင်းရင်းမြစ်များ

Mateyo 13:38

Lubuwa ni ngulu ngima; ija mbeyu ntana ni wenye uzumbengwa, ziya fovo ni wana wa yuja mubada.

Luka 6:35

Miya kundishai wankulu wenyu! Γosholai vitana, kangi kundai kukopiγwa ni waja, mushiwoalila kuti: Watazamiuziza! Ne ndivyo upokezi wenyu uγenele, ne ndivyo mγaluke wana wa yuja mwe uko ulanga, hambu ṅwenye ana mbazi na wabada washiwomtogola.

Yohana 1:12

Miya woshe wamhokelewo azawainka ufuṅwa wa kuγaluka wanangwa wa Mulungu, ni waja watozeshewo zina jakwe.

Yohana 11:52

kangi so kwa mbuli ya mbalingwa du, miya hata kwa mbuli ya wana Mulungu waasakanyiγwewo wohena awaunganyanye hantu haṅwe.

Yohana 8:44

Nini mkishetaila milongele yangu? Kwa kuti nkamdaha kuiva mbuli yangu. Inywi mwaanduka kwa ishe ywenyu, ni yuja ṅwenye leba, kangi mwakunda kuγoshola, ishe ywenyu avyoheheleziγwa ndivyo; yuja ne mkoma wantu hata kale, na viya vye kweli nkaikala navyo, kwa kuti ṅwenye vye kweli nkana navyo. Akilonga vye mambeza, alonga vyeanduka kwakwe ṅwenye, hambu ni mumambeza, ni ishe ja mambeza.

Yohana 8:47

Mweanduka kwa Mulungu aiva mbuli za Mulungu; kwa ivyoho inywi nkamziiva, kwa kuti nkamwanduka kwa Mulungu.

Ntuṅwa 13:10

Iwe uigisize minyanyi yoshe na uhambanyi woshe, u ṅwana Satani, utanda woshe wakuihila, nkudila kuhotola sila za Mulungu zeγolokela.

Waloma 13:8

Mshezatenda deni na muntu, kushima ija ya kukundishaua! Hambu mwekundisha ṅwiyae azabinda kubontola mulomongwa;

Waefeso 5:1

Mwiγei Mulungu, sa wana wekundishiγwa ndiye!

Wakolose 3:14

Miya kuzinka ivi vyoshe tendai lukundisho! Hambu ne lwebontoleza na kuivanya.

1. Timoteyo 1:5

Bontokelo ja unu mlaγilizo ni lukundisho lweanduka mwe moyo weṅala ushiwotaila vibada wetozesha na kushehenya.

1. Yohana 2:29

Ati mwataila, kuti: Ṅwenye ni mtanda, tailai kuti: Hata kila muntu mweγoshola utanda aivyelwe ndiye!

1. Yohana 3:1

Olelai, Tate avyotikundisha, tikiitangwa wana Mulungu! Kangi ishwi ndiwo. Ne vyeleka, imi shi ikishetitaila, kwa kuti nkaimtaila yuja.

1. Yohana 3:2

Wanduγu, ivi lushe ti wanangwa wa Mulungu, kangi nkavizati vimanyike, ndivyo nezetiγalamuke; lalaila du kuti: Aho ndiho nezevimanyikile, titazafanana naye, hambu titamwona ṅwenye, alivyo.

1. Yohana 4:21

Kangi unu mulomo tizauinkwa ndiye kuti: Mwemkundisha Mulungu, hata mnduγu ywakwe amkundisha.

1. Yohana 4:6

Miya ishwi tianduka kwa Mulungu; mwemtaila Mulungu atiiva, ashiyeanduka kwa Mulungu nkatiiva. Ne tivyotaila navyo mpeho ya nkweli na mpeho ya lwazaγanyo.

1. Yohana 4:8

ashiyekundisha nkazati amtaile Mulimgu kuti: Mulungu ni lukundisho.

1. Yohana 5:19

Tataila, kuti tianduka kwa Mulungu, miya inu shi ngima ni ya kubanika.

1. Yohana 5:2

Kwa inu mbuli tataila, kuti lakundisha wana Mulungu, tikimkundisha Mulungu, tikiγoshola milaγilizo yakwe.

3. Yohana 1:11

Mbuyangu, ushetongele vyeiha, utongele vyeziha! Mwezifya mbuli zakwe aanduka kwa Mulungu, mweifya mbuli zakwe nkamwene Mulungu.