1. Yohana 2:29 - Kishambala New Testament 2005

²⁹ Ati mwataila, kuti: Ṅwenye ni mtanda, tailai kuti: Hata kila muntu mweγoshola utanda aivyelwe ndiye!

1. Yohana 2:29 ပူးပေါင်းရင်းမြစ်များ

Yohana 1:13

Awa nkawavyelwe ni mpome ao kwa mikundile ya kimuntu ao kwa ntongonyezi za mγoshi, miya wavyelwe ni Mulungu.

Yohana 7:18

Mwelonga vyakwe ṅwenye alonda, agimbikwe ṅwenye; miya mwelonda, yuja amtumileye agimbikwe, uyu ni mkweli, kangi ubada nkana nawo.

Ntuṅwa 10:35

miya mwe mbali zoshe mwemwogoha na mweγoshola utanda amtamila.

Ntuṅwa 22:14

Yuja azaniti: Mulungu ywa watate zeshu azakushaγula aho kale, utaile kikundile chakwe, umwone yuja mtanda, uive mulomo welawa mwe kanwa chakwe.

Ntuṅwa 3:14

Miya inywi muzamhetela leba yuja mṅazi na mtanda, mzahembeleza, mwinkwe mkoma wantu.

2. Wakolinto 5:21

Ashitailaye uhuza azamγalusha mhuza kwa mbuli ya ishwi, kangwe ishwi tiγalushiγwe ndiye watanda wa Kimulungu.

Waebuleyo 7:2

Abulahamu azamupangila fungu ja kumi ja mitahe yoshe. Bosi aitangwa zumbe mwe utanda, vikibinda aitangwa zumbe ywa Salemu, ni kuγamba: Zumbe mwe utondolo;

Waebuleyo 7:26

Hambu mvikizi mkulu mwetiagiza ni yuja ashiye mhuza, ashiye mubada, ashiye mumasa, ashiyeangilana na wahuza, mwekula kuzinka lwingu,

Yakobo 1:18

Kwa viya akundilevyo, azativyala na mbuli yakwe ye kweli, kangwe tiγaluke milimbulo ya vyumbo vyakwe.

1. Petelo 1:23

Hambu vilekilevyo, mkivyalwa ka mbili, sivyo vyebanika, ni mbulingwa ya Mulungu mwe moyo yekalama.

1. Petelo 1:3

Atogolwe Mulungu, ishe ja Zumbe ywetu Yesu Kilisito! Hambu kwa ungi wa utungu wakwe azativyala ka mbili, titende kialilo che moyo, kwa kuti Yesu Kilisito azafufuka kwa wafilewo,

1. Petelo 3:18

Hambu Kilisito yohena azalumiziγwa kaṅwe kwa mbuli ya uhuza wetu, mtanda kwa mbuli ya wahuza, kangwe atiiγale kwa Mulungu; azakoṅwa kiṅwili, miya azafufuka kimpeho.

2. Petelo 1:4

Vikibinda tizainkwa misuhi mikulu muno yena kima, kangwe nezemγaluke sa viyaho, Mulungu alivyo, mkinyilika kuja kubanika kweanduka mwe uhalami wa kiinushi.

1. Yohana 2:1

Wanduγu, ivi navimigondela, kangwe mshebane. Kangi ati kwaoneka mwebana, tina mulongezi kwa Tate, ni Yesu Kilisito mwena utanda.

1. Yohana 3:5

Kangi mwataila, kuti yuja azalawila, kangwe aushe uhuza, ṅwenye uhuza nkana nawo.

1. Yohana 3:7

Wanduγu, kusheoneke mwemiazaγanya! Mweγoshola utanda ne mtanda kwa viya, yuja avyo mtanda.

1. Yohana 4:7

Wanduγu, netikundishane wenye na wenye! Hambu lukundisho luanduka kwa Mulungu, kangi kila mwekundisha aivyelwe ni Mulungu, amtaila Mulungu;

1. Yohana 5:1

Kila mwetozesha kuti: Yesu ni Kilisito, aivyelwe ni Mulungu, kangi kila mwemkundisha muvyazi ywakwe amkundisha hata ṅwiyae mwevyalwa ndiye.

1. Yohana 5:18

Tataila kuti: Kila avyelweye ni Mulungu nkabana, miya avyelweye ni Mulungu akiγoja ṅwenye, mubada nkamdowa.

1. Yohana 5:4

Vyoshe vivyelwevyo ni Mulungu vyavota inu shi; tivyovota navyo inu shi shivyo: Ni kutozesha kwetu.

3. Yohana 1:11

Mbuyangu, ushetongele vyeiha, utongele vyeziha! Mwezifya mbuli zakwe aanduka kwa Mulungu, mweifya mbuli zakwe nkamwene Mulungu.