1. Yohana 2:22 - Kishambala New Testament 2005

²² Mumambeza lushe ni ndai, ati siyeyuja mwekela nkani kuti: Yesu siye Kilisito? Uyu ne mwemwomanya Kilisito, hambu amkeleza Tate na Ṅwanae nkani.

1. Yohana 2:22 ပူးပေါင်းရင်းမြစ်များ

Mateyo 24:24

Hambu Wakilisito wa ulongo na wateγanyi wa ulongo watazainuka, watazaγoshola vilozo na vimaka vikulu, waazaγanye, ati vyadahikana, hata waja washaγulwewo.

Mateyo 24:5

Hambu wantu wangi watazalawila mwe zina jangu wakiγamba: Imi ni Kilisito, wataazaγanya wangi ivyoho.

Yohana 8:44

Nini mkishetaila milongele yangu? Kwa kuti nkamdaha kuiva mbuli yangu. Inywi mwaanduka kwa ishe ywenyu, ni yuja ṅwenye leba, kangi mwakunda kuγoshola, ishe ywenyu avyoheheleziγwa ndivyo; yuja ne mkoma wantu hata kale, na viya vye kweli nkaikala navyo, kwa kuti ṅwenye vye kweli nkana navyo. Akilonga vye mambeza, alonga vyeanduka kwakwe ṅwenye, hambu ni mumambeza, ni ishe ja mambeza.

1. Yohana 1:6

Tikiγamba kuti: Tina mwangilano naye, kangi taanga mwe lwiza, tiyalonga ulongo, nkatiγoshola vye kweli.

1. Yohana 2:18

Wanangu, inu mishi ya bindilizo; sa mwivilevyo kuti: Mwemwomanya Kilisito aiza, ivi lushe wazaγenela wemwomanya Kilisito, ne tihotaila kuti: Inu ni mishi ya bindilizo.

1. Yohana 2:23

Kila mwemkeleza Ṅwana nkani, hata Tate nkana naye, miya mwemlanga Ṅwana cha sale, hata Tate ana naye.

1. Yohana 2:4

Muntu akiγamba kuti: Nizamtaila, kangi nkatozesha milomo yakwe, ni mulongo, kangi ukweli uyu muntu nkana nawo;

1. Yohana 4:20

Ati muntu aγamba: Namkundisha Mulungu, kangi amshuka mnduγu ywakwe, ni mulongo, hambu akishemkundisha mnduγu ywakwe, ayemwona, atadaha zeze kumkundisha Mulungu, ashiyemwona?

1. Yohana 4:3

miya mpeho zoshe zishizolaviliza kuti: Yesu Kilisito aizile na ṅwili wa kimuntu, nkazianduka kwa Mulungu, kangi inu ni mpeho yuja mtakumwomanya Kilisito, mwivileyo, kuti yaiza, kangi ivi lushe i mumu mwe inu shi.

1. Yohana 5:1

Kila mwetozesha kuti: Yesu ni Kilisito, aivyelwe ni Mulungu, kangi kila mwemkundisha muvyazi ywakwe amkundisha hata ṅwiyae mwevyalwa ndiye.

2. Yohana 1:7

Hambu waazaγanyi wangi wazaingila mwe inu shi washiwolaviliza kuti: Yesu Kilisito aizile na ṅwili wa kimuntu; mwe ivyoho ni mwazaγanyi, ne mwemwomanya Kilisito.

Yuda 1:4

Hambu kuna wantu kuṅwe waingilewo kinjamanjama, wagondelwawo kale mlaho wawe, kuti wamweza Mulungu, wakitenda uhambanyi waγamba: Mulungu ywetu ana mbazi, hata tikitenda mijiile mibada; kangi yuja Zumbe ike, Zumbe ywetu Yesu Kilisito, wamwikila nkani.

Mfumbulo 3:9

Kaula! Nalavya kuṅwe wafuziγwewo ni Satani weγamba, kuti ni Wayuda, kangi siwo, watahenya. Kaula! Imi nezenileke, waiawile, wakukinile he milundi yako, wataile kuti: Nizakukundisha.