1. Yohana 2:17 - Kishambala New Testament 2005

¹⁷ Kangi inu shi yabanika na uhalami wakwe, miya mweγoshola kikundile cha Mulungu atakalama kale na kale.

1. Yohana 2:17 ပူးပေါင်းရင်းမြစ်များ

Mateyo 21:31

Lushe awa waili aγosholeye, ishe avyokunda, ni yuhi? Wazamuti: Ni yuja mkulu; miya Yesu azawati: Kweli namiti: Wangelu na watesi watamilongwela kuingila mwe uzumbe wa lwingu.

Mateyo 24:35

Lwingu nezelubanike, hata inu shi, miya mbuli zangu nkezezibanike.

Mateyo 7:21

Weniitanga Zumbe! Zumbe! Nkawaingila woshe mwe uzumbe wa lwingu, miya ni waja du weγoshola Tate mweikala mwe lwingu avyokunda.

Maliko 3:35

Hambu ndiye aγoshole, Mulungu avyokunda, uyu ne ṅwenetu na lumbu jangu na mlala.

Yohana 4:14

Ndiye anywe mazi, niyomunka imi, nkezeaone nkilu kale na kale, miya yaja mazi, niyomunka, yataγaluka mwe ṅwili wakwe shoko ya mazi yehita kwa bula kwe nkaiamo ya kale na kale.

Yohana 6:58

Inu ni nkande ilawileyo mwe lwingu, so sa viyaho vya waishe zenyu wajilevyo, kangi wazafa. Ndiye aje inu nkande, atatenda nkalamo ya kale na kale.

Yohana 7:17

Ati muntu akunda kuγoshola, yuja avyokunda, atataila mifuzize yangu, ati ianduka kwa Mulungu, ati nilonga yangu ṅwenye.

Waloma 12:2

Mshekifanyanye na inu shi! Miya hitukai mkiγuwa ntongonyezi ntuhu, kangwe mdahetaila Mulungu avyokunda, kuti ni vitana, vyaziha vina bontokelo.

1. Wakolinto 7:31

weangilana na viya vya inu shi waikale viya nkawana mbuli navyo! Hambu viya vya inu shi nevizinke.

Wakolose 1:9

Ne vyeleka, hata ishwi, vivyo timiivilevyo, nkatidila kumivikila na kumihembelezeza, kangwe mwisiize kutaila avyokunda, mγenyeze viyuγo na unyanyi wa kimpeho,

Wakolose 4:12

Mwaluγushiγwa ni Epafula mweanduka kwenyu; ni mtuṅwaywa Kilisito Yesu, amigombela nkondo na kumihembelezeza, mγaluke wantu webontoleza, mtaile vyoshe, Mulimgu avyokunda.

1. Watesalonike 4:3

Hambu Mulungu abunda, mṅaziγwe, mshelende bilanga.

1. Watesalonike 5:18

Lavyai ntogolo kwa mbuli zoshe! Hambu ne Mulungu avyokunda, muviγoshole, kuti mu wa Kilisito Yesu.

Waebuleyo 10:36

Mwaagiziγwa ni uzizimizi, mγoshole viya, Mulungu avyokunda, mdahebontola kikundile cha Mulungu, kangwe nezemwonele viya, mulongiγwevyo.

Yakobo 4:14

Kangi viya vya keloi nkamuvitaila. Nkalamo yenyu ni ihi? Mu kishimishi cheikala hadodo ani, vikibinda chihekiaγila.

1. Petelo 1:5

mweγolokelwa na nguvu ya Mulungu, mtozeshe, mwone uja uhonya weunga kulawila mishi ya kushilikiza. Ne ndiho mulinge;

1. Petelo 4:2

lushe mishi yakwe, ndiyo aje kunu shi, nkezeaije kwa uhalami wa kimuntu, miya kwa kikundile cha Mulungu.