1. Yohana 2:11 - Kishambala New Testament 2005

¹¹ Miya mwemshuka mnduγu ywakwe aikala mwe lwiza, aanga mwe lwiza, nkataila, akoonya nako, kwa kuti lwiza luzakoma mesho yakwe.

1. Yohana 2:11 ပူးပေါင်းရင်းမြစ်များ

Yohana 12:35

Yesu azawati: Langaila jike kwenyu mishi miγeke; angai, kwa kuti langaila mkena najo, kangwe lwiza lushemigweele! Kangi mweanga na lwiza nkataila, akohita nako.

Yohana 12:40

Mesho yawe azayakoma, myoyo yawe azaitoγesha, kangwe washeone na mesho yawe, washetaile na myoyo yawe, wakihituka, nikiwahonya.

2. Wakolinto 3:14

miya myoyo yawe izatoγeshiγwa; hambu hata inu mishi ya lelo wakifyoma chiya kitabu cha kale, chiiγubikwe vivyoho, nkachiγubulwe, kwa kuti chifumbulwa ni Kilisito ike.

2. Wakolinto 4:4

hambu Mulungu ywa inu shi azachusha myoyo ya waja washiwotozesha, kangwe washemuhilikilwe ni langaila jelawa kwe uja ulau wedi wa Kilisito mwefahana na Mulungu.

Tito 3:3

Hambu hata ishwi aho kale ne tii wababashi na wapapala, ne tikiazaγanyiγwa, ne tikitumikila kihelehele na uhalami ungi, ne tii wabada na wawizu, ne tikishukwa, kangi ne tikishukana wenye na wenye.

2. Petelo 1:9

Hambu yuja ashinaye navyo azabinda kufamesho, nkaona, azajala, kuti azaushiliziγwa uhuza wakwe wa kale.

1. Yohana 1:6

Tikiγamba kuti: Tina mwangilano naye, kangi taanga mwe lwiza, tiyalonga ulongo, nkatiγoshola vye kweli.

1. Yohana 2:10

Mwemkundisha mnduγu ywakwe aikala mwe langaila, kangi lwihizo nkana nalo.

1. Yohana 2:9

Mweγamba, kuti aanga mwe langaila, kangi amshuka mnduγu ywakwe, ake mwe lwiza mpaka ivi lushe.

1. Yohana 3:15

Kila mwemshuka mnduγu ywakwe ni mkoma wantu, kangi mwataila, kuti kila mkoma wantu nkana nkalamo ya kale na kale, ndiyo aikaile.

1. Yohana 4:20

Ati muntu aγamba: Namkundisha Mulungu, kangi amshuka mnduγu ywakwe, ni mulongo, hambu akishemkundisha mnduγu ywakwe, ayemwona, atadaha zeze kumkundisha Mulungu, ashiyemwona?

Mfumbulo 3:17

Waγamba: Ni mzuli, niiγenyeze, sina nivyokosa, kangi nkutaila, kuti iwe u mnyonge, kuti wagwiza mbazi, kuti u mkiwa, kuti uzafa mesho, kuti u lushi.