1. Wakolinto 9:1 - Kishambala New Testament 2005

¹ Imi sikombolwe? Si ntuṅwa? Simwene Zumbe ywetu Yesu Kilisito? Inywi nkamu ndima yangu, nimγoshweleyo Zumbe?

1. Wakolinto 9:1 ပူးပေါင်းရင်းမြစ်များ

Ntuṅwa 13:2

Awa wakimvika Zumbe haṅwe na kufunga, Mpeho mṅazi azawati: Niahwilai Balinaba na Sauli kwa ija ndima, niwaitangileyo.

Ntuṅwa 14:14

Ntuṅwa Balinaba na Paulo wakiviiva wazatatula shuke zawe, wazafikaγulukila waja wantu, wazalonga na vyanwa vikulu angwe: Waγoshi! Muγosholai aha?

Ntuṅwa 14:4

Wantu wa uja muzi wazapangana, kuṅwe wazauya na kwa Wayuda, kuṅwe wazauya na kwa ntuṅwa.

Ntuṅwa 23:11

Kilo chiya chetongela Zumbe azamγolokela, azamuti: Gumba moyo! Hambu sa viyaho ulongelevyo mbuli zangu uwona kunu Yelusalemu, vivyoho shuti uzilongele uwona hata Loma!

Ntuṅwa 9:15

Miya Zumbe azamuti: Hita du! Hambu uyu ni kiumbo, nishaγulecho kuiγala zina jangu kwa wamzimu na kwa wazumbe na kwa wana Isilayeli.

Ntuṅwa 9:17

Ananiya azahita, azaingila mwe ija nyumbangwa azamubadikila mikono, azamuti: Sauli, mnduγu ywangu, Zumbe Yesu akulawileye silai, ukiiza, azanituma, kangwe uone, kangi umemeziγwe mpeho ṅazi.

Ntuṅwa 9:3

Akihita, akibula hehi na Damasiko azashentushiγwa akimulikilwa ni langaila jilawilejo mwe lwingu.

Ntuṅwa 9:5

Angwe: Zumbe, u ndai? Angwe: Imi ni Yesu, uyeγulusha. Ntoγo yako ni ukishampa vyetunga.

Waloma 1:1

Imi Paulo ni mutuṅwa ywa Kilisito Yesu, niitangwe, niγaluke ntuṅwa, nishaγulwe, nihilikile ulau wa Mulungu,

Waloma 1:5

Uyu ne atifileye mbazi, akitigimbika ntuṅwa, kuunga tihinye wamzimu wosheni kuitika na kutozesha, kangwe zina jakwe jigimbikwe.

Waloma 11:13

Nimilonga, inywi wamzimu; kwa kuti imi ni ntuṅwa ya wamzimu, naisa kutogola unu ufuṅwa wangu,

1. Wakolinto 1:1

Imi Paulo naitangwaye, niγaluke ntuṅwa ya Kilisito Yesu kwa viya, Mulungu akundilevyo, imi na mnduγu Sositene tamigondela baluwa,

1. Wakolinto 10:29

Silonga kuti: Ni kwa mbuli ya moyo wako, miya ni kwa mbuli ya moyo wa yuja ṅwiyawo, hambu nileke kwa mbuli ani viya nivyoshungulwa, vikilahwa ni moyo wa muntu mtuhu?

1. Wakolinto 10:30

Ati imi navija na kulavya ntogolo, lushe nifyulilwa ni ndai kwa viya nivyolavihza ntogolo?

1. Wakolinto 11:16

Ati kwenyu kuna mwetamilwa ni kuγenyeza mikanano, ishwi unu msimo nkatina nawo, hata mabumbangwa ya Mulungu ni vivyoho.

1. Wakolinto 3:6

Imi nizahanda, Apolo azanywesha, miya Mulungu azakuza.

1. Wakolinto 9:19

Hambu kwa viya, nivyovishungwilwa viya vyoshe, nizakiγalusha ṅwenye mtuṅwa ywa woshe, kangwe niisiize kumota wantu wangi.

2. Wakolinto 10:7

Vyeoniγwa ni mesho violelei! Ati kuna mwealila kuti: Ṅwenye ni ywa Kilisito, afanyanye inu mbuli mwe moyo wakwe kuti: Sa ṅwenye avyo ywa Kilisito, vivyoho hata ishwi.

2. Wakolinto 11:5

Miya naγamba: Imi nami si mdodo kuzinka waja weisa kugimbikwa kintuṅwa.

2. Wakolinto 6:1

Kwa kuti taambizanya na inywi, tamihimila, kangwe mshefilwe mbazi ya Mulungu bule.

Wagalatiya 1:1

Imi Paulo ni ntuṅwa, kangi sitetuṅwa ni wantu ao kwa mulomo wa muntu, miya kwa mulomo wa Yesu Kilisito na wa ishe Mulungu amfufuleye kwa wafilewo.

Wagalatiya 5:1

Kilisito azatikombola, tilawe mwe utuṅwa. Lushe toγai, mshozakundilwa vituhu uwo utuṅwa welumiza!

1. Watesalonike 2:6

kangi nkatitalonda ntogolo kwa wantu, ati ni nywiyo, ati ni watuhu.

1. Timoteyo 2:7

Imi nami nizaugimbikilwa mubilikizi na ntuṅwa, nalonga kweli, sihenya, ni mfuza wamzimu kwa viya, nivyotozesha, nivyotaila vye kweli.

2. Timoteyo 1:11

Ne nigimbikilwevyo mubilikizi na ntuṅwa na mfuzi.