1. Wakolinto 5:11 - Kishambala New Testament 2005

¹¹ Miya lushe nizamigondela, msheangilane na muntu mweitangwa kuti: Ni mnduγu, kangi ni mtesi ao buγe ao mvika mizimu ao mnywezi ao mumpoko;

1. Wakolinto 5:11 ပူးပေါင်းရင်းမြစ်များ

Mateyo 18:17

Ati alemela kuitika hata bumbangwa, mtale, viya ni ywa kimzimu ao du mngelu!

Mateyo 23:25

We ukiwa ni nywiyo watabaluwangwa na Mafaliseyo! Mwahemba inywi, kwa kuti vinywelo na vijiilo muvichunta se, miya uko ndai viigisize mumpa na usaba!

Luka 18:11

Yuja Faliseyo azaγoloka, azavika mwe moyo wakwe angwe: Mulungu, nakulaviliza ntogolo kuti: Sifanana na wantu watuhu, ati ni wampoko, ati ni watungulu, ali ni watesi, hata ni uyu mngelu.

Luka 21:34

Kiγojeshei, myoyo yenyu ishezatoγeshiγwa ni kujilisha na kunywelesha na sungu za kiinushi, uja mushi ukizamitutukanya!

Ntuṅwa 1:15

Mishi ija Petelo azawalawila waja wanduγu; kangi jiya bumba joshe jiungananejo muja jizaγelemuka mazina gana na milongo mili, azawati:

Ntuṅwa 9:17

Ananiya azahita, azaingila mwe ija nyumbangwa azamubadikila mikono, azamuti: Sauli, mnduγu ywangu, Zumbe Yesu akulawileye silai, ukiiza, azanituma, kangwe uone, kangi umemeziγwe mpeho ṅazi.

Waloma 13:13

Tiange na kuzifya utanda, viya ni mushii, tishejilishe haṅwe na kunywelesha, tishetende kilanga na luzisho, tishetende nkumbizi na wizu,

Waloma 16:17

Namihimila, wanduγu, mwoleleshe waja wemiγenyezeza mbuli haṅwe na kumiihiza, wakihinya vyawe, sivyo muhinyiγwevyo, awa waashei!

1. Wakolinto 10:14

Ne nihomiti wambuyangu: Nyilikai uvika mizimu!

1. Wakolinto 11:21

hambu mkija, kila afikanyaṅanya nkande yakwe ṅwenye, kwa ivyoho muṅwe ana sala, mtuhu atengela.

1. Wakolinto 5:13

So ndima yenyu kulaha muwona nawo? Miya waja we se Mulungu ne ndiye nezeawalahe. Yuja muwiwi mubentei, asheikale kwenyu!

1. Wakolinto 6:10

wegona na waγoshi weyae wawe, wabavi, wakuγu, wanywezi, wekanka, wampoko nkezewapale uzumbe wa Mulungu.

1. Wakolinto 6:6

Shuti mnduγu na mnduγu walahane masa, kangi mwaiγalana kwa waja washiwotozesha?

1. Wakolinto 6:9

Hambu nkamtaila kuti: Weshowa utanda nkezewapale uzumbe wa Mulungu? Musheazaγanyiγwe! Watesi, wevika mizimu, mabuγe, wachevu,

1. Wakolinto 7:12

Waja watuhu nawalonga imi, so Zumbe, kuti: Ati mnduγu ana mvyele ashiyetozesha, yuja akikunda kuikala naye, ashemleke!

1. Wakolinto 7:15

Miya yuja ashiyetozesha akikunda kukoma unyumba neaukome! Mnduγu ati ni ywa kiγoshi, ati ni ywa kivyele, nkana ṅwiko ivyoho. Mulungu azatiitanga du kwa mbuli ya kuivana.

1. Wakolinto 8:11

Ivyoho yuja mnyonge ahosiγwa ni mitailile yako, kangi ni mnduγu, hata kwa mbuli yakwe Kilisito azafa.

Wagalatiya 2:12

Hambu ne haina watumiγwewo ni Yakobo; awa washizati walawile, ne akija haṅwe na wamzimu; miya wakilawila, azabahuka, azakiahula ṅwenye, hambu azaogoha waja washengiγwewo.

Waefeso 5:18

Mshetengele mkinywa mpombe! Hambu yaγenyeza uhuza, miya gisai mpehongwa!

Waefeso 5:5

Hambu tailai vyedi kuti: Mtesi na mhuza na mubuγe nkana kifu mwe uzumbe wa Kilisito na Mulungu! Hambu mwe ivyoho ni mvika mizimu.

Wakolose 3:5

Komai lushe vya mili yenyu ya kiinushi: Kilanga, uhuza, kihelehele, luzisho lubada, tamaa ya mali yefanana viya ni kutumikila mizimu!

2. Watesalonike 3:14

Ati muntu asheitika izi mbuli zetu, tigondilezo, mubunkulei, mshevangane naye! Kashokaze atazaona shoni;

2. Watesalonike 3:6

Tamilaγiliza, wanduγu, mwe zina ja Zumbe Yesu Kilisito, msheangilane na mnduγu mweanga kihuza, ashiyeauga na mbuli mufuziγwezo kwetu.

1. Timoteyo 3:3

ashinaye lushuγushu, mwena uhozu, mweivana na weyae, ashiyekundisha mali,

1. Timoteyo 6:5

viya ni wantu wetalaluka; washinawo kweli hata, weγamba: Kumwitika Mulungu ni kuonela mali. We ivyoho uwatowe hulu!

2. Yohana 1:10

Ati muntu aiza kwenyu ashiyeleta viya muhinyiγwevyo, mushemhokele mwenyu, mshemunke tuio!

Mfumbulo 2:14

Nivyokushunda ni vidodo, kuti kwako una wetozesha mihinyize ya Bileyamu amhinyizeye Balaka kuihiza wana Isilayeli na kuja nyama za fika na kulenda kilanga.

Mfumbulo 2:20

Miya nakushunda, kuti wamleka du yuja mvyelengwa mweitangwa Izebeli, mwekiitanga mubilikizi, mweazaγanya wapuna wangu na kuwahinya kutenda kilanga na kuja nyama za fika.

Mfumbulo 21:8

Miya ndiwo wakivivilwa, washitozeshawo, waγenyezawo vibada, wampoko, watesi, washai, wavika fika, wamambeza woshe, fungu jawe ji muja mwe jiya ziwa jeaka moto na vibilitibiliti, ni kuγamba: Ni kifa cha mbili.

Mfumbulo 22:15

Uko se kuna makuli na washai na watesi na wampoko na wavika fika na woshe wakundilewo, kangi watendilewo mambeza.