1. Wakolinto 4:6 - Kishambala New Testament 2005

⁶ Wanduγu, izi mbuli nizaziteγanyiza imi na Apolo kwa mbuli ya inywi, kangwe muhinile mwe ishwi kushezinka viya vigondiγwevyo, kangwe muntu ashezahikuka kwa mbuli ya muṅwe akimupunguza yuja mtuhu.

1. Wakolinto 4:6 ပူးပေါင်းရင်းမြစ်များ

Ntuṅwa 18:24

Muyuda mweitangwa Apolo, mweanduka Alekisandiliya, ni muntu mwedahisha kulonga na mwetailisha mbuli za ugondengwa, azahita Efeso.

Ntuṅwa 19:1

Apolo akiikala Kolinto, Paulo azaangila shi ze kwe milima, akibinda azabula Efeso; kuja azaona wahina kuṅwe,

Waloma 12:3

Kwa mbuli ya mbazi nifilwezo namilonga inywi nyosheni: Muntu ashefanyanye kuzinka haja heagiza kufanyanya! Miya afanyanye du, ndivyo atende viyuγo, kila muntu sa Mulungu amupangilevyo mitozesheze yakwe!

1. Wakolinto 1:12

Nalonga ija mbuli kuti: Kila mimtu alonga: Imi ni ywa Paulo, imi ni ywa Apolo, imi ni ywa Kefa, imi ni ywa Kilisito.

1. Wakolinto 1:19

Hambu kuigondiγwe: Viyuγo vya wakiyuγo nitazavibana, mitailile ya watalizi nitazaiusha.

1. Wakolinto 1:31

Mwekidesa akidese na Zumbe!

1. Wakolinto 13:4

Lukundisho luγenda haṅwe na uzizimizi na uhozu, lukundisho nkaluna wizu na mhembo, lukundisho nkaluna hiku,

1. Wakolinto 3:19

Hambu viyuγo vya inu shi ni ubabashi kwa Mulungu. Hambu kuigondiγwe: Agwila wakiyuγo na unyanyi wawe, kangi vituhu vyalongwa:

1. Wakolinto 3:21

Kwa ivyoho muntu ashekihikule kwa weyae! Hambu vyoshe ni vyenyu;

1. Wakolinto 5:2

Vikibinda mwahikuka, nkamna ukiwa hata, yuja aγosholeye iyo mbuli akaushiγwa kwenyu.

1. Wakolinto 5:6

Kilango so kitana; nkamtaila kuti: Vishimbi vidashi vyashelusha kiγa kigima cha mpombe?

1. Wakolinto 8:1

Mbuli ya nyama za fika nataila kuti: Ija toshe taitaila. Kangi kutaila du kwahikula, miya lukundisho lwazifya.

1. Wakolinto 9:23

Miya vyoshe niviγoshola kwa mbuli ya ulaungwa wedi, kangwe nami nezeniupangilwe.

2. Wakolinto 10:12

Hambu ishwi nkatikunda kukitala ao kukiika haṅwe na waja wekitogola wenye; wakihima na mbuli zawe wenye, kangi wakifanyanyiza wenye, ne vyeleka, wakishetaila mbuli.

2. Wakolinto 10:15

Ishwi nkatibadika tikikitogola na muku, watuhu waeneyo; miya mitozesheze yenyu ikikula kwenyu, tiyaalila kuti: Ivyoho nezetiisiize kutenda nguvu mwe mihaka yetu.

2. Wakolinto 10:7

Vyeoniγwa ni mesho violelei! Ati kuna mwealila kuti: Ṅwenye ni ywa Kilisito, afanyanye inu mbuli mwe moyo wakwe kuti: Sa ṅwenye avyo ywa Kilisito, vivyoho hata ishwi.

2. Wakolinto 11:4

Hambu kukioneka mwebilikila Yesu mtuhu, tishimubilikileye, ao mkiγuwa moyo mtuhu, mshiγwilewo, ao ulau utuhu, mshihokelewo, mwazizimiza vitana.

2. Wakolinto 12:19

Mwaγamba vituhu kuti: Takikanila kwenyu? Tamlanga Mulungu na Kilisito; kangi wanduγu, tiwokundisha, ivi vyoshe tivilonga, kangwe timizifye.

2. Wakolinto 12:20

Hambu naogoha kufi: Nikizaiza nenimione, sa nishivyokunda kumiona, nami nenioniγwe ni nywiyo, sa mushivyokunda kuniona, kwa mbuli ya nkumbizi na wizu na maya na ulongo na mambeza na leba na mahiku na uhuza ungi.

2. Wakolinto 12:6

Ati nakunda kukitogola, sezeniγaluke mubabashi, hambu inga nilonge vya kweli; miya naleka, kangwe muntu ashezanifanyanyiza kuzinka haja, ahokaniona ao du ahokaniiva.

2. Wakolinto 4:15

Hambu vyoshe tiviγoshola kwa mbuli ya inywi, kangwe sa waja wefilwa mbazi wavyoγenela, vivyoho awa wangi wakuze utana wa Mulungu na kuutogola.

Wakolose 2:18

Muntu ashemihoke tuvo jenyu akimikundila kukionyaonya kikiwa na kuvika walau; hambu akialila viya, ashienevyo, ahahikuka bule du kwa mbuli ya ntongonyezi zakwe za kimuntu.

1. Watesalonike 1:5

hambu kwenyu ulau wetu nkaufile kulongwa du, miya uzatenda nguvu ukiminka mpeho ṅazi, mkialila vikulu na kushekalakasha hata; kangi mwataila, tiangilevyo kwenyu kwa mbuli ya inywi.

2. Timoteyo 2:10

Ne nihozizimiza vyoshe kwa mbuli ya waja washaγulwewo, kangwe nezewaonele wohena uja uhonya we mwe Kilisito Yesu na utana wa kale na kale.