1. Wakolinto 14:6 - Kishambala New Testament 2005

⁶ Wanduγu, ati imi naiza kwenyu nikilonga na vilosi viγeni, nimiambiza mbwai, ati nashelonga na kufumbula na kuminka viyuγo na kubilikila na kufuza?

1. Wakolinto 14:6 ပူးပေါင်းရင်းမြစ်များ

Mateyo 11:25

Mishi Yesu azalonga kuγamba: Nakulaviliza ntogolo, iwe Tate, Zumbe ywa lwingu na ywa shi, kuti izi mbuli watalizi na waviyuγo uzaziwafishila, miya uzazifumbwila wankebe.

Mateyo 16:17

Yesu azamwitikila angwe: Simoni, ṅwana Yohana, una nyemi! Hambu vye nyama na mpome nkavikufumbwile inu mbuli, ni Tate mweikala mwe lwingu.

Mateyo 16:26

Hambu muntu nezeaonele mbwai, hata akimota ngulu ngima, ati ahosiγwa ṅwenye?

Ntuṅwa 2:42

Wazakihima kufuziγwa ni ntuṅwa, wazaangilana na kubendwilana migate na kuvika.

Waloma 15:14

Weyangu, hata imi ṅwenye natailisha, kuti vitana vyenyu ni vingi, kuti mwataila mbuli zoshe, kuti mwadaha wenye kushundana,

Waloma 16:17

Namihimila, wanduγu, mwoleleshe waja wemiγenyezeza mbuli haṅwe na kumiihiza, wakihinya vyawe, sivyo muhinyiγwevyo, awa waashei!

Waloma 6:17

Mulungu atogolwe kuti: Ne mwi wapuna wa uhuza, miya mwahitula myoyo mkiitika ziya mbuli muhinyiγwezo!

1. Wakolinto 10:33

Sa imi nivyowatamila woshe mwe mbuli zoshe nikishelonda vyenitamila imi ṅwenye, miya vyelamila waja wangi, kangwe wahonyiγwe.

1. Wakolinto 14:1

Kihimei, mkundishane! Hangilizai viya vya kimpeho, kuzinka vituhu, mdahebilikila!

1. Wakolinto 14:7

Viya vyekema vishinavyo moyo ni vivyoho, ati ni mululi, ati ni pango; mililo ikishetailikana, lushe vyetowiγwa na mululi ao pango vitailikana zeze?

2. Wakolinto 11:6

Ati imi ni mdashi ywa kulonga, si mdashi ywa kutaila, na mbuli zoshe mwanitaila ivyoho mishi yoshe.

2. Wakolinto 12:1

Kukitogola kwakundwa, hata kukishetama; nitabulila lushe milawile na mifumbwile ya Zumbe.

2. Wakolinto 12:7

Kangwe nishehikuke na viya, nivyoisa kufilwa mbazi na kuvifumbwilwa, nizainkwa mtunga wekatunga ṅwili wangu, ni mlau ywa Satani mwekashungulwa, anitowe nkonde, nishezahikuka.

Waefeso 1:17

Namihembelezeza kwa Mulungu ywa Zumbe ywetu Yesu Kilisito, Tate mwe utana, aminke mpeho ya viyuγo na ya ufumbuzi, mtaile alivyo.

Waefeso 3:4

Mkivifyoma mwadaha kuona nitailevyo vihili vya Kilisito.

Wafilipi 3:15

Toshe tekunda kubontola tifanyanye ivyoho! Ati mbuli ntuhuntuhu mwazifanyanya vyenyu, hata inu Mulungu nezeaimifumbwile.

2. Timoteyo 2:14

Izi mbuli uziwakumbushe na kuwalonga uwona, Mulungu ai haho, washekanane! Hambu ni ndima ishinayo bontokelo, yachakula du bumba ja waja weteγeleza.

2. Timoteyo 3:10

Miya iwe uzanitongela mihinyize na myangile na mitongonyezeze na mitozesheze na uhozu na mikundishize

2. Timoteyo 3:16

hambu uja ugonde woshe weanduka kwa mpeho ya Mulungu ni utana, watihinya, wativota,

2. Timoteyo 4:2

bilikila mbulingwa, uiγolokele, ati mishi ni mitana, ati ni mibada, ubunkule wahuza, uwavaile, uwashunde na uhozu woshe haṅwe na kuwafuza!

Tito 3:8

Ne vyeleka, nikikunda, uilongele uwona wevota, kangwe waja wemtozesha Mulungu waipikile na kuzifya mbuli kuzinka watuhu. Ivi ni vitana, kangi ne vyezifya waotu.

Waebuleyo 13:9

Msheazaγanyiγwe mkihinyiγwa mbuli nyingi ngeni! Hambu vyatamisha, moyo ukitenda nguvu kwa mbazi, so kwa miko ya nkande, hambu waja waibashizewo nkawana waonelevyo navyo.

2. Petelo 1:5

Kwa ivyoho kihimei kwa nguvu zoshe, mitozesheze yenyu izifye myangile, inu myangile mitana iminke utalizi!

2. Petelo 3:18

Γenyezai kuγuwa mbazi, na kumtaila Zumbe vyedi na mhonya ywetu Yesu Kilisito! Uyu atogolwe ivi lushe mpaka kwe uja mushi wa ukalami! Amini.

2. Yohana 1:9

Kila mwezisa, ashiyeanga sa viya, Kilisito ahinyizevyo, uyu Mulungu nkana naye; miya mweanga sa viya, Kilisito ahinyizevyo, uyu Tate ana naye, hata Ṅwanae.