1. Wakolinto 13:1 - Kishambala New Testament 2005

¹ Ati nalonga na milongele ya wantu, hata ni ijaya walaungwa, miya ati nashowa lukundisho, ne nizaγaluka lama jehakikemela ao mumanga wekema bambala.

1. Wakolinto 13:1 ပူးပေါင်းရင်းမြစ်များ

Mateyo 25:45

Ne ndiho awalandule kuti: Kweli namiti: Awa wadodo, vyoshe mwashamγoshwelavyo ṅwiyae ywawe muṅwe, hata imi nkamuviniγoshwele.

Maliko 16:17

Ntangilo ndizo zitongele waja wetozesha izi mbuli shizi: Mwe zina jangu wataingata mpepo, watalonga na milongele mihya.

Waloma 14:15

Nwiyawo akiihilwa ni viya, uvyoja, iwe nkuanga na kumkundisha. Miya ushehose muntungwa na viya, uvyoja, ndiye Kilisito akifa kwa mbuli yakwe!

1. Wakolinto 12:10

mtuhu ainkwa kuγoshola vye nguvu, mtuhu uteγanyi, mtuhu kubunkula vya kimpeho, mtuhu vilosi viγeni vingi, mtuhu kulonga mabontokelo ya viya vyelongwa ni weyae.

1. Wakolinto 12:16

Ati shikilo jaγamba: Kwa kuti si zisho, si ja ṅwili, hata vivyo ni ja ṅwili.

1. Wakolinto 12:8

Hambu muṅwe ainkwa ni mpehongwa milongele yena viyuγo, mtuhu ainkwa kulonga utalizi weivana na ija mpehongwa,

1. Wakolinto 13:8

Lukundisho nkaluhela hata kale hoshe; ati ni vya uteγanyi vitazahaka, ati ni vyelongwa vitazahema, ati ni vya utalizi vitazahaka.

1. Wakolinto 14:2

Hambu mwelonga na kilosi kiγeni nkalonga na wantu, miya alonga na Mulungu; nkakuna mwemwiva, hambu mwe moyo wakwe alonga vishivyotailikana.

1. Wakolinto 14:4

Mwelonga na kilosi kiγeni azifya moyo wakwe, miya mwebilikila azifya humbangwa.

1. Wakolinto 14:5

Nakunda, inywi nyoshe mulonge na vilosi viγeni, miya nivyoisa kukunda, mubilikile; mwebilikila ni mkulu kumzinka mwelonga na vilosi viγeni kushima aho, kwina mtakufumbula, kangwe bumbangwa jizifiγwe.

1. Wakolinto 8:1

Mbuli ya nyama za fika nataila kuti: Ija toshe taitaila. Kangi kutaila du kwahikula, miya lukundisho lwazifya.

2. Wakolinto 12:4

kuti azaiγalwa na nguvu na mwe Paladiso, ne aivileho mbuli zishidahikanazo kulongwa, kangi muntu nkavimwagiza kuzilonga.

Wagalatiya 5:22

Kuwo ja mpehongwa shiji: Kukundishana, kutamilana, kuivana, kuzizimiza, kulonga na ukuwi, kufilana mbazi, kutozesha,

Wagalatiya 5:6

Hambu tikianga na Kilisito, vyetinka nguvu so kushengwa, so kusheshengwa, miya ni mitozesheze yebontoka na kukundishana.

1. Timoteyo 1:5

Bontokelo ja unu mlaγilizo ni lukundisho lweanduka mwe moyo weṅala ushiwotaila vibada wetozesha na kushehenya.

1. Petelo 4:8

Isiizai kukundishana kuzinka vyoshe, kwa kuti mkundishano wausha uhuza ungi!

2. Petelo 2:18

Walonga mbuli za mahiku du zishinazo bontokelo, na uhalami na upepe na uhambanyi wawe wahosa waja waandiilewo kunyilika waja weanga na kuaγilwa,

Mfumbulo 14:2

Nizaiva kanwa chelawamwe lwingu, viya ni chamazi mangi, kangiviya ni cha lubambala lukulu; vituhu ichi kanwa, niivilecho, chifanana viya ni cha mafundi ya mapango wetowa mapango yawe.