1. Wakolinto 12:13 - Kishambala New Testament 2005

¹³ Hambu kwa nguvu ya iyo mpeho ṅwenga ishwi toshe tibatizwe, tiγaluke ṅwili muṅwe, ati ti Wayuda, ati ti Wagiliki, ati ti watuṅwa, ati tiwanavyale; kangi toshe tigisiγwe mpeho ṅwenga.

1. Wakolinto 12:13 ပူးပေါင်းရင်းမြစ်များ

Mateyo 3:11

Imi nimibatiza na mazi, mhitule ntongonyezi, miya yuja mwenitongela anizinka nguvu nkaviniagiza nikimwinwila vilatu, yuja atazamibatiza na mpeho ṅazi na moto.

Luka 3:16

Yohana azawalandula waja woshe angwe: Imi nimibatiza na mazi; miya kwaiza mwenizinka nguvu, kwa udodo wangu nkaviniagiza, nikiinama, nimzaγawile mikowa ya vilatu vyakwe.

Yohana 1:16

Hambu mwe viya, avyoγenyeza, ishwi toshe tizaγuwa vya mbazi vivyoho vivyoho.

Yohana 1:33

Nami ne nishimtaila, miya yuja anitumileye, nibatize namazi, azaniti: Ndiye uone, mpeho ikimshelela, ikimwikaila, uyu ne mwebatiza na mpeho ṅazi.

Yohana 3:5

Angwe ni Yesu: Kweli nakuti: Muntu akishevyalwa mwe mazi na mpehongwa, nkadaha kuingila mwe uzumbe wa Mulungu.

Yohana 4:10

Yesu azamhitula, azamuti: Ati wataila, Mulungu avyowainka wantu, ati wataila, kuti ni ndai uyu mwekuti: Ninka vya nywa!, wangamlombeza iwe, akakunka mazi ye moyo.

Yohana 4:14

Ndiye anywe mazi, niyomunka imi, nkezeaone nkilu kale na kale, miya yaja mazi, niyomunka, yataγaluka mwe ṅwili wakwe shoko ya mazi yehita kwa bula kwe nkaiamo ya kale na kale.

Yohana 6:63

Mpehongwa ne yeinka wantu nkalamo, ṅwili siwo, nkauna bontokelo. Mbuli ziya, nimiγambilezo, ni za kimpeho, ni za nkalamo.

Ntuṅwa 1:5

Hambu Yohana ne akibatiza na mazi, miya inywi nemubatizwe na mpeho ṅazi, kukizinka mishi miγeke du.

Waloma 3:22

Ni uja utanda wa Kimulungu weinkilwa kwa waja wetozesha aho wakimtozesha Yesu Kilisito; hambu nkawazinkana,

Waloma 3:29

Hambu Mulungu ni Mulungu ywa Wayuda du? So ywa mbali zoshe? Kweli ni Mulungu ywa mbali zoshe.

Waloma 4:11

Lwitangilo lwa kushengwa azaluγuwa, viya ni guha ja uja utanda, awona nawo haja akitozesha, ashizati ashengwe, kuunga aγaluke baba ywa waja woshe wegomba kutozesha kishikushengwa, kangwe watalwe utanda.

1. Wakolinto 10:2

Miya mwe jiya zunde na mwe ija bahah woshe wazabatizwa mwe zina ja Mose.

Wagalatiya 3:23

Miya tishizati titozeshe, tizaγojeziγwa, tiitikemulomongwa, kangi tiiikilwe mtozesho, ndiwo ufumbulwe.

Wagalatiya 3:28

Nkakuna Muyuda na Mgiliki, nkakuna mtuṅwa na ṅwana vyale, nkakuna mγoshi na mvyele, hambu nyoshe mu muṅwe, kwa kuti muna Kilisito Yesu.

Waefeso 3:6

Wamzimu wohe niwapazi, kuti: Wohe wa mumo mwe ṅwiliwakwe, kuti: Wohe niwantuwa kilaγa, Kilisito Yesu atinkilecho na uja ulau wedi.

Waefeso 4:5

Zumbe ni muṅwe, mtozesho ni muṅwe, ubatizi ni uṅwe,

Waefeso 5:26

kangwe ajihoze na mbulingwa akijiṅaza na kujihaka mazi!

Waefeso 6:8

Kila muntu ati aγoshola ndima ntana, atazaipokela kwa Zumbe, ati ni mutuṅwa, ati ni ṅwana vyale.

Wakolose 1:27

Hambu ne Mulungu akundilewo kuwaonyesha, utana uvyokula wa chiya kihili, akundilecho kuγoshola kwa wamzimu; chizabontoka, Kilisito akiingila mwenyu, uyu ne utana wealilwa.

Wakolose 3:11

Ne nkahana aho Mgiliki na Muyuda, kushengwa na kusheshengwa, mubabashi na Msikita, mtuṅwa na ṅwana vyale, miya vyoshe mwe mbuli zoshe ni Kilisito.

1. Petelo 3:21

Aya mazi yafanana, viya ni mazi ya ubatizi, yatihonya mishi inu, tikibatizwa nayo, so kwa kuγamba: Yausha nongo ya ṅwili, miya ni aho tikidaha kumlanga Mulungu na moyo ukombolwewo vitana kwa mbuli ya ufufuki wa Yesu Kilisito.