1. Wakolinto 10:6 - Kishambala New Testament 2005

⁶ Ivi vizaγosholeka, tihinile mumo, ishwi tishezatenda luzisho na mbuli mbada, sa waja waheheleziγwevyo.

1. Wakolinto 10:6 ပူးပေါင်းရင်းမြစ်များ

Waloma 5:14

Miya hata vivyo, vikiandiila kwa Adamu, vikihita kwa Mose, kifa chiitozize uzumbe hata kwa waja washibanilewo wakizinka mulomongwa, sa Adamu abanavyo; uyu ne fanyanyi ya yuja, ndiye akiunga kuiza.

1. Wakolinto 10:11

Waja waviγoshwelwe, kangwe tihinile mumo; viigondiγwe kwa tishunda ishwi teunga kubwilwa ni bindilizo ja mishi.

Waebuleyo 4:11

Lushe netikihime, tiingile kwe jiya hemelo, kangwe kusheoneke muntu mweazaγanyiγwa ni uwo msimo wa kusheitika!

Waebuleyo 9:24

Kangi Kilisito nkaingile haṅazi haγosholweho na mikono, hefanana du na haja ha kweli, miya aingile mwe lwingu ṅwenye, kangwe ivi lushe alawile cheni cha Mulungu kwa mbuli ya ishwi.

1. Petelo 3:21

Aya mazi yafanana, viya ni mazi ya ubatizi, yatihonya mishi inu, tikibatizwa nayo, so kwa kuγamba: Yausha nongo ya ṅwili, miya ni aho tikidaha kumlanga Mulungu na moyo ukombolwewo vitana kwa mbuli ya ufufuki wa Yesu Kilisito.

2. Petelo 2:6

Hata mizi ya Sodoma na Gomola azailaha, azaibinda na kuiokela; ne kutionyesha, milaho ya waja ndiwo wamupapalike ilivyo.

Yuda 1:7

Sodoma na Gomola na mizi yawe ye nkandai iγosholeyo kilanga sa viyaho, ikitenda luzisho na mili miγeni, haho iilahiγwe, itionyeshe, mlaho wa moto wa ukalami ulivyo.