1. Wakolinto 1:30 - Kishambala New Testament 2005

³⁰ Kwakwe ne mkoanduka nako hata inywi mwena Kilisito Yesu. Uyu ne viyuγo vyetu vya Kimulungu na utanda na uṅazi na ukombozi, kangwe vigondiγwevyo vibontoke kuti:

1. Wakolinto 1:30 ပူးပေါင်းရင်းမြစ်များ

Mateyo 1:21

Neavyale ṅwana ywa kiγoshi, zina jakwe umwitange Yesu, hambu ne ndiye nezeakombole mbuli yakwe mwe masa yawe.

Luka 11:49

Kwa ivyoho viyuγo vya Mulungu vyalonga: Neniwatumile wateγanyi na ntuṅwa, watawakoma kuṅwe na kuwaγulusha,

Luka 21:15

Hambu imi neniminke milongele yena viyuγo, ndiyo waja woshe wemikeleza nkani washedahe kuikeleza nkani na kuilandula.

Yohana 1:18

Muntu nkamwene Mulungu kale hoshe; ṅwanangwa avyelweye ike, ndiye akiikala na kukaambatwa ni ishe, ne atiγambileye.

Yohana 14:6

Angwe ni Yesu: Imi ni sila na ukweli na nkalamo; nkakuna ndiye abule kwa Tate, akishenitongela.

Yohana 17:26

Nizawaonyesha viya vya zina jako, kangi neniwaonyeshe vivyoho, kangwe luja lukundisho, unikundishelo nalo, luikale nawo, nami niikale nawo.

Yohana 17:8

Hambu ziya mbuli, uninkilezo, nizaziwainka, wazazihokela, wazataila kweli, kuti nilawile kwako, wazatozesha, kuti iwe uzanituma.

Yohana 8:12

Yesu azawalonga vituhu angwe: Imi ni langaila ja inu shi. Mwenitongela nkeaange mve lwiza, miya ataona langaila ja nkalamo.

Ntuṅwa 26:18

uwaγubwile mesho, walawe kwe lwiza, wahituke na kwe langaila, walawe kwe ufuṅwa wa Satani, wahituke na kwa Mulungu, waushiliziγwe mahuza yawe, wohe wapangilwe kifu cha waṅazi, wakinitozesha.

Waloma 1:17

Hambu utanda wa Kimulungu wafumbwilwa mumo waja weiva mbuli za mtozesho, kangwe wazitozeshe sa vyagondwavyo: Mtanda nezeatende nkalamo na kutozesha.

Waloma 11:36

Hambu vyoshe vianduka kwakwe, viγosholwa ndiye, vitaliza na kwakwe. Uyu alogolwe kale na kale! Amini.

Waloma 12:5

Vivyoho ishwi wangi ti ṅwili muṅwe, kwa kuti ti wa Kilisito, vituhu kila muntu na ṅwiyae ni madango.

Waloma 16:11

Niluγushizai mulika ṅwiyangu Helodiyoni! Niluγushizai waja wa Nalikiso, weanga na Zumbe!

Waloma 16:7

Niluγushizai Andoniko na Yuniya, awa weyangu watana nishungiγwewo nawo! Walangwa vyedi, kuti wohe ni ntuṅwa ntana, kangi wazanilongwela kumtozesha Kilisito.

Waloma 4:25

ndiye akiinkilwa kwa mbuli ya mabano yetu, kangi ndiye akifufulwa kwa mbuli ya utanda wetu.

Waloma 4:6

Sa Dawidi avyolonga: Mwe nyemi ni muntu, Mulungu ayemtala utanda, hata akishebontola mulomongwa;

Waloma 5:19

Sa awa wangi wavyoγaluka wahuza kwa mbuli ya upapala wa muntu muṅwe, ne awa wangi wavyoγaluka watanda kwa mbuli ya kuitika kwa muntu muṅwe.

Waloma 5:21

kangwe sa viyaho uhuza utozizevyo uzumbe kwa nguvu ya kifa, vivyoho mbazi zitoze uzumbe kwa nguvu ya utanda mpaka kwe nkalamo ya kale na kale kwa mbuli ya Yesu Kilisito, Zumbe ywetu.

Waloma 8:1

Lushe nkakuna masa kwa waja wena Kilisito Yesu;

Waloma 8:23

Kangi so ivyoho du, hata ishwi wenye tilimbulewo mpehongwa, hata ishwi wenye tadiha uko ndai mwe myoyo tikiafiza chiya kiṅwana haṅwe na ukombozi wa ṅwili.

Waloma 8:9

Miya inywi nkamu wa kimuntu, miya mu wa kimpeho, ati mpeho ya Mulungu yaikala umo ndai mwenyu; ati muntu nkana mpeho ya Kilisito, uyu siye ywakwe.

1. Wakolinto 1:2

inywiwa bumbangwa ja Mulungu uko Kolinto; inywi mzaṅaziγwa ni Kilisito Yesu, mzaitangwa, mγaluke waṅazi haṅwe na waja woshe wekemela zina ja Zumbe ywetu Yesu Kilisito kuntu koshe, uko kwawe hata kunu kwetu.

1. Wakolinto 1:24

Wagiliki waitanga, kuti ni udashi, miya waja waitangwewo, ati ni Wayuda, ati ni Wagiliki, tiyamubilikila Kilisito kwawe kuti: Ni nguvu ya Mulungu, kuti: Ni viyuγo vya Mulungu.

1. Wakolinto 12:18

Miya lushe Mulungu azaika madango yoshe, kila iṅwe mwe ṅwili aho, akundileho.

1. Wakolinto 12:27

Miya inywi mu ṅwili wa Kilisito na madango kila sa vivyomtala.

1. Wakolinto 12:8

Hambu muṅwe ainkwa ni mpehongwa milongele yena viyuγo, mtuhu ainkwa kulonga utalizi weivana na ija mpehongwa,

1. Wakolinto 4:15

Hambu ati muna wafuzi makulija mwe Kilisitto, miya nkamna waishe wangi. Hambu imi nizamivyala mwe Kilisito Yesu na kumibilikila ulaungwa.

1. Wakolinto 6:11

Kangi inywi kuṅwe ne mulivyo. Miya mzahakwa, mzaṅazwa, mzainkwa utanda na zina ja Zumbe Yesu Kilisito na kuinkwa mpeho ya Mulungu ywetu. Mshetongeie kilanga kuti mu madango ya Kilisito.

2. Wakolinto 12:2

Nataila muntu mwena Kilisito, lushe kuzazinka mavuli kumi na mane, — ati ne ai mwe ṅwili wakwe, sitaila, ati aitanyiγwe na ṅwili wakwe, sitaila, Mulungu ataila — uyu muntu ne akiiγalwa na nguvu mpaka kwe lwingu lwa ntatu.

2. Wakolinto 4:6

Hambu Mulungu alongileye: Hena lwiza hapwinkuke langaila!, ne apwinkuleye myoyo yetu, kangwe timulikile waja washiwotaila utana wa Mulungu ulawilewo kwa Kilisito.

Wagalatiya 1:4

ndiye akikiinkila ṅwenye kwa mbuli ya uhuza wetu, kangwe atilavye mwe inu shi mbadaya ivi lushe; ne Mulungu, Tateyweshu, akundilevyo.

Wagalatiya 3:13

Kilisito azatikombola mwe kilano cha mulomongwa akilanwa kwa mbuli ya ishwi, hambu kuigondiγwe: Kila muntu mweheleziγwa mwe muti ailaniγwe.

Waefeso 1:10

vihontokele, mishi aikileyo ndiho nezeitimize, Kilisito aγaluke mutwi wa viya vyoshe vye mwe lwingu na vye kunu shi.

Waefeso 1:14

uyu ni mulimbulo wa chiya kifu, titaile kuti: Tiikombolwe, ti wakwe, kangwe nezetitogole utana wakwe.

Waefeso 1:7

Hambu mwe mpome yakwe ne timoonela ukombozi, tidsheushiliziγwa tibanilevyo.

Waefeso 2:10

Hambu ishwi ti ndima yakwe; Kilisito Yesu azaleka, tikiumbiγwa, kangwe tizifye ndima, Mulungu atifanyanyizezo, tiange nazo.

Waefeso 4:30

Mpeho mṅazi ywa Mulungu mshemwonye ukiwa! Hambu ne mwinkiγweye, amiγalukile lwitangilo mushiwa ukombozi.

Waefeso 5:26

kangwe ajihoze na mbulingwa akijiṅaza na kujihaka mazi!

Wafilipi 3:9

Ni mantu, kangwe nimumote Kilisito, kangwe nioniγwe, kuti nina naye, kuti uja utanda wangu uandukewo kwe mulomongwa, sina nawo, miya utanda niwona nawo ni uja uandukewo mwe kumtozesha Kilisito, ni uja niinkiγwewo ni Mulungu kwa mbuli ya inu mitozesheze,

Wakolose 1:14

Mwe uyu ne timoonela ukombozi, ne timoushiliziγwa mahuza.

Wakolose 3:16

Lekai, mbuli ya Kilisito iγaluke uzuli wenyu, muwoikaila mkikihinya haṅwe na kukishunda na viyuγo, mkimwimbila Mulungu mwe myoyo yenyu mazumo na maimbo na mawila ya kimpeho, kwa kuti mzafilwa mbazi!

1. Watesalonike 5:23

Mulungu ṅwenye mwedaha butundwaza amiṅaze nyoshe mili na myoyo, kangwe mpeho zehyu zoshe haṅwe na myoyo na mili viikale kishimasa, mpaka ndiho Zumbe ywetu Yesu Kilisito auye!

Tito 2:14

uyu azakiinkila kwa mbuli ya ishwi, atikombole mwe upuna woshe ushiwoagiza, akihozeze mbali yakwe ṅwenye yekihima ndima utana.

Waebuleyo 9:12

Kangi nkaingile na mpome ya fulata ao ya ndama, miya aingile haṅazi ako kaṅwe na mpome yakwe ṅwenye, ne avyotionela mpoza ya mikalamo yoshe.

Yakobo 1:5

Ati kwenyu kuna mweshowa viyuγo, avilombeze kwa Mulungu mweviinka wantu woshe kwa mbazi na kushetenda kinyuma! Ne ndivyo avionele.

1. Petelo 1:2

Kwa viya, Mulungu Tate avyomitaila kale, azamiṅaza na mpeho yakwe, mdaheitika, kangi mumyaγilwe mpome ya Yesu Kilisito. Mbazi na mpolele ziisiize kuγenela kwenyu!

2. Petelo 1:1

Imi Simoni Petelo, mtuṅwa na ntuṅwaya Yesu Kilisito, namigondela baluwa inywi mwetozesha haṅwe na ishwi viya vikulu, tivyoinkwa kwa mbuli ya utanda wa Mulungu ywetu na mhonya Yesu Kilisito:

1. Yohana 5:6

Uyu Yesu ne mweiza na mazi na mpome; nkaiza na mazi du, aiza na mazi na mpome; kangi mpehongwa ne yevilongela uwona, hambu ni mpeho ya kweli.

Mfumbulo 14:4

Awa ni waja washikandanyiγwewo ni mwangilano na wavyele; ni wabweni; awa ne wemtongela yuja ṅwangoto, ndiko ahite nako; awa wazakombolwa kwa wantu, ni mulimbulo wemtala Mulungu na yuja ṅwangoto.

Mfumbulo 5:9

Wazaimba imbo hya angwe: Iwe waagiziγwa ni kuγuwa kitabungwa na kushungula magongezo yakwe! Hambu waakoṅwa, waamkombwela Mulungu na mpome yako wantu wa makolwa yoshe na wa vilosi vyoshe na wa mbali zoshe na wa wamzimu woshe, uzaleka,