1. Wakolinto 1:21 - Kishambala New Testament 2005

²¹ Hambu kwa kuti inu shi na viyuγo vyakwe nkaimtaile Mulungu na viyuγo vyakwe vya Kimulungu, ne Mulungu akundilevyo kuhonya na ubilikizi ubabashi waja, wetozesha.

1. Wakolinto 1:21 ပူးပေါင်းရင်းမြစ်များ

Mateyo 11:25

Mishi Yesu azalonga kuγamba: Nakulaviliza ntogolo, iwe Tate, Zumbe ywa lwingu na ywa shi, kuti izi mbuli watalizi na waviyuγo uzaziwafishila, miya uzazifumbwila wankebe.

Luka 10:21

Haja ne Yesu atowileho zumo akimema mpeho mṅazi akilonga: Nakulaviliza ntogolo, iwe Tate, Zumbe ywa lwingu na ywa shi, kuti izi mbuli watalizi na waviyuγo uzaziwafisha, miya uzazifumbwila wankebe. Kweli, Tate, ne vikutamilevyo.

Luka 12:32

Usheogohe, iwe kafyo kadodo! Hambu ishe ywenyu atamilwa ni kuminka uja uzumbe.

Yohana 12:31

Ivi lushe ni mishi ya kulaha inu shi; ivi lushe zumbe ywa inu shi inga ashindikwe na se.

Waloma 1:28

Sa walemelavyo kumtozesha Mulungu na kumtaila, vivyoho Mulungu azawainkila na kwe udashi,

Waloma 11:33

Kweli kwakula uzuli na viyuγo na mitailile ya Mulungu! Ndiye agombole masa, ayolaha, ni ndai? Ndiye adose sila zakwe ua kuzibontola, ni ndai?

1. Wakolinto 1:18

Hambu mbuli ya kukoṅwa kwa Yesu ni udashi kwa waja webanika, kwa ishwi tehonyiγwa, ni nguvu ya Mulungu.

1. Wakolinto 1:23

Miya ishwi timubilikila Kilisito akomiγweye mwe muti, Wayuda waihilwa ndivyo,

1. Wakolinto 1:24

Wagiliki waitanga, kuti ni udashi, miya waja waitangwewo, ati ni Wayuda, ati ni Wagiliki, tiyamubilikila Kilisito kwawe kuti: Ni nguvu ya Mulungu, kuti: Ni viyuγo vya Mulungu.

1. Wakolinto 1:25

Hambu ubabashi wa Mulungu una viyuγo kuzinka vya wantu, kangi unyonge wa Mulungu una nguvu kuzinka za wantu.

1. Wakolinto 1:27

miya wababashi wa kiinushi ne Mulungu ashaγulewo, kangwe agele wakiuγo shoni, kangi wanyonge wa kiinushi ne Mulungu ashaγulewo, kangwe agele wanguvu shoni;

1. Wakolinto 11:32

Miya tikilahwa ni Zumbe, titashundwa, kangwe tishezalahwa haṅwe na inu shi.

1. Wakolinto 2:14

Muntu mweitika moyo wakwe nkahokela viya vya mpeho ya Mulungu, aviitanga kuti: Ni ubabashi du, nkadaha kuvitaila, hambu ivi vikunda kudosiγwa kimpeho.

1. Wakolinto 4:10

Ishwi ti wababashi kwa mbuli ya Kilisito, inywi mu wanyanyi, kuti muna Kilisito; ishwi ti wanyonge, inywi mu wanguvu; inywi mwagimbikwa, ishwi tabelwa.

1. Wakolinto 6:2

Hambu nkamtaila kuti: Waṅazi nezewailahe inu shi? Ati inu shi yazalahwa ni nywiyo, lushe nkamubesha kulaha masa yebeγeleka ivyoho!

Wagalatiya 1:15

Miya Mulungu ainiahule, nike mwe ifu ja mlala, ainiitange kwa mbazi yakwe;

Wagalatiya 4:8

Miya aho kale mushizati mumtaile Mulungu, mzatumikila milungu ishiyo milungu.

Waefeso 1:9

akitifumbwila viya avyokunda, vyemtamila, vishivyotailikana kale hoshe; hambu aviteγanya kale mwe moyo wakwe,

Waefeso 3:10

kangwe mishi inu wazumbe na wafuṅwa woshe we uko ulanga waonyeshiγwe ni bumbangwa, viyuγo vya Mulungu vivyoγenela.

Wakolose 1:19

Hambu ne vimtamilevyo Mulungu, vyosheni viikale mwakwe,

Waebuleyo 1:14

Awa woshe so mpeho du zemutumikila, zekatuṅwa, ziolele waja, ndiwo nezewapale uhonya?

Waebuleyo 2:3

Lushe ishwi titaunyilika zeez, ati tahela uhonya weinga aho? Uzaanda kubilikilwa ni Zumbe, vikibinda waja waivilewo wazatilonga uwona.

Waebuleyo 7:25

Ne vyeleka, akidaha kuhonya kale na kale waja wemwizila Mulungu kwa mbuli ya uyu, hambu a moyo kale na kale, kangwe adahewalongela.

Yakobo 4:4

Inywi watesi, nkamtaila kuti: Kukundisha inu shi ni kumshwika Mulungu? Lushe mwekunda kuγaluka mtana ywa inu shi, akiγalusha munkulu ywa Mulungu.

Yakobo 5:15

Wakimhembelezeza na kutozesha, vitazamunka yuja mtamu ugima, kangi Zumbe atazamwinula. Hata ati ana uhuza, abanilewo, atazauushiliziγwa.

Yakobo 5:20

tailai kuti: Muntu akihitula mhuza aaγileye, mpaka aleke sila yakwe, uyu atazahonya moyo wakwe mwe kufa, ataγubika uhuza ungi!