1. Timoteyo 4:3 - Kishambala New Testament 2005

³ viya watehya myoyo yawe mitana, welemeza kuγuwanal wetula miko ya nkande, Mulungu alavizezo, zijiγwe na kumtogola ni waja wetozesha, wetaila viya vye kweli.

1. Timoteyo 4:3 ပူးပေါင်းရင်းမြစ်များ

Mateyo 14:19

Azalaγiliza, wantu watandikane mwe lwondo ndala ndala, vikibinda azaγuwa ija migate mishano na ziya fi mbili, azaolela na kwe lwingu akilavya ntogolo, azabendulabendula ija migate, azaiinkila kwa wahina, waja wahina wazaiinkila kwa wantu.

Mateyo 15:11

Vyeingila mwe kanwa cha muntu sivyo vyemgela muntu kisitama, miya vyelawa mwe kanwa cha muntu ne vyemgela muntu kisitama.

Mateyo 15:36

azaγuwa ija migate mfungate na yaja makapala, azalavya ntogolo, azaibendulabendula, azaiinkila kwa wahina wakwe, wahina wakwe wazaiinkila kwa wantu.

Luka 24:30

Akiikala haṅwe nawo, wakija nkande, azaγuwa mgate, azalavya ntogolo, azaubendula, azawainka.

Yohana 6:23

Kuzaiza vyombo vya Tibeliya hehi na haja hantu, wajileho nkande, Zumbe akilavya ntogolo.

Ntuṅwa 27:35

Akibinda kulonga ivyoho, azaγuwa mgate, azamlaviliza Mulungu ntogolo, woshe waiolele, azaubendula, azaandiila kuja.

Waloma 14:17

Hambu uzumbe wa Mulungu so kuja na kunywa, miya ni utanda na mwivano ua uyemi vina mpeho ṅazi;

Waloma 14:3

Kangi yuja ashijaye ashemubele yuja mweja, kwa kuti Mulungu azamhokela!

Waloma 14:6

Mwegimbika mishi kuṅwe aigimbikila Mulungu, mweja amjila Zumbe, hambu amtogola Mulungu; ashijaye ashamjila Zumbe, yohena amtogola Mulungu.

1. Wakolinto 6:13

Nkande ni za ifu; kangi ifu ni ja nkande, Mulungu ne ndiye abane vyoshe vili; miya ṅwili so wa kilanga, ni wa Zumbe, kangi Zumbe ni ṅwenye ṅwili.

1. Wakolinto 7:28

Miya hata ukiγuwa nkubana; hata mndele akiγwiγwa nkabana; miya we ivyobo nezewaone ukiwa wa mili yawe, ne nikokunda kumihonya.

1. Wakolinto 8:8

Kangi nkande siyo yetiivanya na Mulungu; ati taja, nkatiγenyeza; ati tasheja, nkatikosa.

Wakolose 2:16

Lushe muntu ashemilahe kwa mbuli ya kuja na ya kunywa ao kwa mbuli ya kushegimbika mishi, ati ni ya ṅwezi kongo, ati ni ya msabato.

Wakolose 3:17

Vyoshe, ndivyo mγoshole, ati ni vya longa, ati ni vya ndima, vyoshe viγosholei mwe zina ja Zumbe Yesu mkimlaviliza Mulungu Tale ntogolo navyo!

1. Timoteyo 2:4

Hambu akunda, wantu woshe wahonyiγwe, wabulize kutaila viya vye kweli.

1. Timoteyo 4:4

Hambu vyoshe, Mulungu aumbilevyo, ni vitana, nkahana che kisitama, ati chijiγwa na kumtogola,

1. Timoteyo 5:14

Ne vyeleka, nikikunda, awa wa gatigati waγwiγwe, wavyale wana, waγolokele nyumba zawe, kangwe muntu mwetiikila nkani washemunke lubelele.

Waebuleyo 13:4

Unyumba uγolokelwe ni wantu woshe na utanda, he lusazi lwa wanyumba hasheγosholwe vibada! Hambu Mulungu atazalaha watesi na weanga na wakaza weyae wawe.

Waebuleyo 13:9

Msheazaγanyiγwe mkihinyiγwa mbuli nyingi ngeni! Hambu vyatamisha, moyo ukitenda nguvu kwa mbazi, so kwa miko ya nkande, hambu waja waibashizewo nkawana waonelevyo navyo.